रितेश देशमुख यांचे चित्रपट धीरज देशमुख का पाहत नाहीत? लहान भावाने सांगितलं खास कारण

अभिनेते रितेश देशमुख आणि त्यांचे लहान भाऊ, आमदार धीरज देशमुख यांच्यातील नातं सर्वश्रुत आहे. मात्र, नुकतंच धीरज देशमुख यांनी रितेश यांच्या चित्रपटांबद्दल केलेल्या एका विधानाची चर्चा रंगली आहे.

“रितेश देशमुख माझे भाऊ असले तरी आणि ते चित्रपट बनवत असले तरीही त्यांचेही चित्रपट मला पाहता येत नाहीत,” असं वक्तव्य धीरज विलासराव देशमुख यांनी केले आहे.

लातूर जिल्हा बँक निवडणुकीदरम्यान धीरज विलासराव देशमुख यांनी हे विधान केलं. त्यांच्या या वक्तव्यामुळे उपस्थितांमध्ये आणि सोशल मीडियावर उत्सुकता निर्माण झाली आहे. स्वतःचा भाऊ अभिनेता आणि चित्रपट निर्माता असूनही त्याचे चित्रपट पाहता येत नसल्याचं त्यांनी सांगितलं.

धीरज देशमुख यांनी यावेळी आपल्या भाषणात अभिनेता अजय देवगणच्या ‘दृश्यम’ चित्रपटाचाही उल्लेख केला. या चित्रपटाचा पहिला भाग पाहिल्याचं सांगत त्यांनी त्यातील अजय देवगणने साकारलेल्या विजय साळगावकर या पात्राचं विशेष कौतुक केलं.

रितेशचे चित्रपट का पाहता येत नाहीत यामागचे कारणदेखील त्यांनी सांगितले आहे. ते म्हणाले की,''वेळच नाही ओ, काकालाही वेळ नाही आणि मलाही वेळ नाही.''