Sanchita Ugale Death : धक्कादायक! अभिनेत्री संचिता उगळेच्या अंत्यसंस्काराला ९ दिवसांचा विलंब; नेमकं कारण काय?

'कुमकुम भाग्य' मालिकेत 'दिया टंडन'ची भूमिका साकारून ओळख मिळालेली अभिनेत्री संचिता उगळेच्या निधनानंतर नऊ दिवसांनी तिच्यावर अंत्यसंस्कार करण्यात आले. २३ जून रोजी अहिल्यानगर जिल्ह्यातील अकोले तालुक्यातील डोंगरगाव येथे कुटुंबीय आणि नातेवाईकांच्या उपस्थितीत अंत्यविधी पार पडले.

• अविवाहित व्यक्तींसाठी केली जाणारी पारंपरिक दशक्रिया विधीही कुटुंबीयांनी पूर्ण केल्याचे सांगितले जात आहे.
• वैयक्तिक आणि व्यावसायिक आयुष्यातील सर्व बाबींचा तपास सुरू आहे.
• तपास पूर्ण होईपर्यंत मृत्यूबाबत कोणताही ठोस निष्कर्ष काढण्यात आलेला नाही.

‘कुमकुम भाग्य’ मालिकेत ‘दिया टंडन’ची भूमिका साकारून ओळख मिळालेली अभिनेत्री संचिता उगळेच्या निधनानंतर तब्बल नऊ दिवसांनी तिच्यावर अंत्यसंस्कार करण्यात आले. २३ जून रोजी अहिल्यानगर जिल्ह्यातील अकोले तालुक्यातील तिच्या मूळ गाव डोंगरगाव येथे कुटुंबीय आणि जवळच्या नातेवाईकांच्या उपस्थितीत अंत्यसंस्कार पार पडले. अविवाहित व्यक्तींसाठी केली जाणारी पारंपरिक दशक्रिया विधीही कुटुंबीयांनी पूर्ण केल्याचे सांगितले जात आहे.

Kiran Gaikwad : अभिनेत्याने प्रवीण तरडेसाठी केली खास पोस्ट! दिग्दर्शकाशी विशेष नाते; ‘जगाला ओरडून सांगावंसं वाटतं…’

१४ जून रोजी मुंबईतील राहत्या घरी बंद खोलीत संचिता बेशुद्ध अवस्थेत आढळली होती. तिला तातडीने रुग्णालयात नेण्यात आले, मात्र डॉक्टरांनी तिला मृत घोषित केले. या प्रकरणी पोलिसांनी आकस्मिक मृत्यूची नोंद (ADR) केली असून, वैयक्तिक आणि व्यावसायिक आयुष्यातील सर्व बाबींचा तपास सुरू आहे.

दरम्यान, संचिताच्या वडिलांनी मनोरंजन क्षेत्रातील काही लोकांकडून तिच्यावर मानसिक दबाव आणि छळ होत असल्याचा आरोप केला आहे. तर तिचा चुलत भाऊ आकाश उगळेनेही या प्रकरणाची सखोल चौकशी करण्याची मागणी केली आहे. दुसरीकडे, अभिनेत्री मेघा शर्मा हिने संचिता जानेवारीपासून नैराश्याशी झुंज देत असल्याचे सांगत Industry तील दबाव हे एकमेव कारण नसल्याचे म्हटले आहे.

Deool Band 2 Box Office Collection : 100 कोटींच्या क्लबमध्ये जाण्यासाठी सिनेमा तयार! दिग्दर्शकाची पोस्ट ‘फक्त आणखीन दोन पावलं’

पोलिसांचा तपास अद्याप सुरू असून, मृत्यूमागील नेमके कारण अद्याप स्पष्ट झालेले नाही. काही समोर आलेल्या चॅट्समधून ती आत्मविश्वासाचा अभाव, चिंता आणि नैराश्याशी संघर्ष करत असल्याचे संकेत मिळाल्याचे वृत्त आहे. तपास पूर्ण होईपर्यंत मृत्यूबाबत कोणताही ठोस निष्कर्ष काढण्यात आलेला नाही.