हैदराबादच्या चारमीनार परिसरात भीषण आग; १७ जणांचा होरपळून मृत्यू
चारमिनारजवळील गुलजार हाउस भागात रविवारी पहाटे लागलेल्या भीषण आगीत १७ जणांचा होरपळून मृत्यू झाला आहे. एका तीन मजली इमारतीतील दागिन्याच्या दुकानाला आग लागली आणि काही क्षणात संपूर्ण इमारतीत पसरली. अग्नीशमन दलाचे ११ बंब घनास्थळी दाखल झाले असून आग आटोक्यात आणण्यासाठी शर्थीचे प्रयत्न सुरू आहेत, अशी माहिती अग्नीशमन विभागाच्या वरिष्ठ अधिकाऱ्यांनी दिली.
कॅलिफोर्नियात क्लिनिकजवळ बॉम्ब स्फोट; एकाचा मृत्यू, FBI कडून दहशतवादी हल्ल्याचा संशय व्यक्त
पंतप्रधान नरेंद्र मोदींनी या घटनेवर शोक व्यक्त केला असून या दुर्घटनेत मृत्युमुखी पडलेल्या व्यक्तींच्या कुटुंबीयांना २ लाख रुपयांची आणि जखमींना ५०,००० रुपयांची आर्थिक मदत जाहीर केली आहे. “हैदराबादमधील आगीत जीवितहानी झाल्यामुळे खूप वेदना होत आहेत. मृतांच्या कुटुंबीयांप्रती आपल्या संवेदना आहेत. जखमींनी लवकरात लवकर बरे व्हावे, हीच प्रार्थना,” अशा भावना त्यांनी व्यक्त केल्या आहेत.
बीआरएसचे कार्यकारी अध्यक्ष के. टी. रामाराव यांनीही दुर्घटनेवर शोक व्यक्त करत “ही घटना अतिशय दुःखद आहे. पीडित कुटुंबीयांना माझ्या सहवेदना. जखमींना लवकर बरे व्हावे, हीच प्रार्थना,” असे ट्विट केलं आहे.
PMO tweets, “Deeply anguished by the loss of lives due to a fire tragedy in Hyderabad, Telangana. Condolences to those who have lost their loved ones. May the injured recover soon. An ex-gratia of Rs. 2 lakh from PMNRF would be given to the next of kin of each deceased. The… pic.twitter.com/3LJ9ZXTLnB
— ANI (@ANI) May 18, 2025
VIDEO VIRAL : 277 प्रवाशांसह मेक्सिकन नौदलाचे जहाज अचानक ब्रुकलिन ब्रिजवर आदळले, 19 जण जखमी, 4 गंभीर
दरम्यान, भाजपचे प्रदेशाध्यक्ष आणि केंद्रीय मंत्री जी. किशन रेड्डी यांनी “अग्निशमन दल उशिरा पोहोचल्यामुळे मृतांचा आकडा वाढला,” असा आरोप केला आहे. मात्र, अग्निशमन विभागाने हे आरोप फेटाळून लावत, “आग लागल्याची माहिती सकाळी ६.१७ वाजता मिळताच फायर टेंडर १५ मिनिटांत घटनास्थळी पोहोचले,” असे स्पष्ट केले आहे. दरम्यान या घटनेमुळे संपूर्ण शहरातून हळहळ व्यक्त केली जात आहे.
.png "Videos"){kind=small}
