लाल किल्ला बॉम्बस्फोटांनंतर दिल्लीत पुन्हा खळबळ! 2 सीआरपीएफ शाळांना, 4 जिल्हा न्यायालयांना बॉम्बस्फोटाची धमकी

Delhi Court Bomb Threat: राजधानी दिल्लीतील लाल किल्ल्याजवळ झालेल्या कार बॉम्बस्फोटानंतर, शहरातील न्यायालये दहशतवाद्यांच्या लक्ष्यावर असल्याचे दिसून येत आहे

• दिल्लीतील जिल्हा न्यायालय आणि शाळांमध्ये बॉम्ब असल्याची धमकी
• पुढील दोन तासांसाठी सर्व न्यायालय बंद असणार
• धमकी मिळताच बॉम्बशोधक पथकाच्या गाड्या न्यायालयात तपासासाठी पोहोचल्या

Delhi Court Bomb Threat News in Marathi : लाल किल्ल्याजवळ झालेल्या कार बॉम्बस्फोटातून दिल्ली काहीशी सावरत असताना आज (18 नोव्हेंबर) पुन्हा एकदा खळबळ उडाली आहे. राजधानीतील तीन प्रमुख न्यायालये, साकेत कोर्ट, रोहिणी कोर्ट आणि पटियाला हाऊस न्यायालय यांना बॉम्बस्फोटाच्या धमक्या मिळाल्या आहेत. या धमकीनंतर सुरक्षा यंत्रणांना सतर्क करण्यात आले आहे. हे अशा वेळी घडले आहे जेव्हा दिल्ली पोलीस आणि केंद्रीय संस्था आधीच लाल किल्ला स्फोटप्रकरणी चौकशी करत आहेत.

आत्मघाती हल्ल्याबाबत ओकले विष; दहशतवादी उमरचा दिल्ली बॉम्बस्फोटपूर्वीचा Video Viral

मिळालेल्या माहितीनुसार, न्यायालयाच्या आवारात पाठवण्यात आलेल्या धमकीच्या संदेशांमध्ये स्पष्टपणे इशारा देण्यात आला आहे की, या न्यायालयांमध्ये बॉम्बस्फोट होऊ शकतात. सुरक्षा यंत्रणा ताबडतोब श्वान पथकांसह पोहोचल्या आणि बॉम्बचा शोध घेण्यास सुरुवात केली. दिल्ली बॉम्बस्फोटातील दुसरा आरोपी आज पटियाला हाऊस कोर्टात हजर होणार आहे आणि त्याच दरम्यान ही धमकी मिळाली आहे. त्यामुळे दिल्ली पोलीस परिस्थितीवर बारकाईने लक्ष ठेवून आहेत. सूत्रांच्या माहितीनुसार, जैश-ए-मोहम्मदच्या नावाने हा धमकीचा ईमेल पाठवण्यात आला होता, ज्यामुळे दिल्ली पोलिसांनी तिन्ही कोर्ट कॉम्प्लेक्समध्ये तात्काळ हाय अलर्ट जारी केला.

या बॉम्बस्फोटाच्या धमकीनंतर, साकेत कोर्ट कॉम्प्लेक्स रिकामा करण्यात आला आणि सर्व कोर्टाचे कामकाज दोन तासांसाठी थांबवण्यात आले. बॉम्ब स्क्वॉड आणि डॉग स्क्वॉडने संपूर्ण कॉम्प्लेक्सची तपासणी केली. सुरक्षा तपासणी पूर्ण केल्यानंतर, दुपारच्या जेवणानंतरच कोर्टाचे कामकाज पुन्हा सुरू करण्याचा निर्णय घेण्यात आल्याचे वृत्त आहे.

१० नोव्हेंबर रोजी लाल किल्ला मेट्रो स्टेशनजवळ कार बॉम्बस्फोट झाला होता, ज्यामुळे मृतांची संख्या १५ झाली होती. हा स्फोट दहशतवादी मॉड्यूलशी जोडला गेला असल्याचे मानले जात आहे आणि केंद्रीय गृहमंत्रालयाने तपास एनआयएकडे सोपवला आहे. दिल्ली बॉम्बस्फोटांनंतर अल फलाह विद्यापीठाची तपासणी सुरू आहे. स्फोटाचा कट तिथूनच रचण्यात आल्याचा दावा केला जात आहे.

आतापर्यंत 10 जणांचा मृत्यू

दिल्लीत लाल किल्ल्याजवळ झालेल्या दहशतवादी हल्ल्यात आतापर्यंत 10 जणांचा मृत्यू झाला आहे, तर 26 जण जखमी झाले आहेत. याशिवाय, अनेक वाहने जळून खाक झाली आहेत. शिवाय, घटनास्थळापासून 100 मीटर अंतरावर मृतदेहांचे अवयव आढळले आहेत. हे भयानक दृश्य ज्यांनी पाहिले ते सर्वजण घाबरले होते.

Delhi Blast : दिल्ली स्फोटप्रकरणातील मोठी अपडेट; 68 मोबाईल जप्त, स्फोटापूर्वी घटनास्थळी…