एअर इंडियाच्या इंधन स्विचमध्ये पुन्हा बिघाड; 'एअर इंडिया ड्रीमलाइनर'च्या उड्डाणात अडथळा
नवी दिल्ली : महाराष्ट्राचे उपमुख्यमंत्री अजित पवार यांचे विमान अपघातात निधन झाले. या अपघातानंतर विमानात बिघाड असल्यापासून ते अनेक तर्कवितर्क लावले जात आहे. असे असताना आता एअर इंडियाच्या बोईंग ७८७ ड्रीमलाइनर या विमानाच्या इंधन स्विचमध्ये पुन्हा बिघाड झाल्याचे समोर आले आहे. यामुळे विमानाच्या उड्डाणात अडथळा निर्माण झाला आहे.
इंधन स्विचमध्ये बिघाड झाल्याच्या संशयामुळे बोईंग ७८७ ड्रीमलाइनर विमान ग्राउंड करण्यात आले. वैमानिकांनी इंधन नियंत्रण स्विचमध्ये बिघाड झाल्याची तक्रार केली होती. याबाबत एअर इंडियाकडून माहिती दिली गेली. त्यात आमच्या एका वैमानिकाने बोईंग ७८७ ड्रीमलाइनरवरील इंधन स्विचमध्ये बिघाड झाल्याची तक्रार केली आहे. या प्राथमिक माहितीनंतर, आम्ही विमान ग्राउंड केले आहे. या विमानात २०० हून अधिक लोक होते. पायलटच्या या तक्रारीनंतर विमान कंपनीशी संपर्क साधला जात आहे. ही बाब नागरी विमान वाहतूक महासंचालनालय (डीजीसीए) यांना कळवण्यात आल्याचीही माहिती दिली गेली.
डीजीसीएच्या निर्देशानंतर, एअर इंडियाने त्यांच्या ताफ्यातील सर्व बोईंग ७८७ विमानांवरील इंधन नियंत्रण स्विचची तपासणी केली. कंपनीला इतर कोणत्याही विमानात कोणतीही समस्या आढळली नाही. गेल्या जूनमध्ये अहमदाबादमध्ये झालेल्या ड्रीमलाइनर विमान अपघाताची चौकशी सुरू असताना ही घटना घडली आहे.
विमानाच्या चौकशीची मागणी
सेफ्टी मॅटर्स फाउंडेशनच्या मते, एअर इंडिया फ्लाइट AI132 च्या कर्मचाऱ्यांनी नोंदवले की बोईंग ड्रीमलाइनरच्या डाव्या इंजिनचा इंधन स्विच चालू करताना, ते रन स्थितीतून कट ऑफ स्थितीत हलू लागले. यामुळे उड्डाणादरम्यान अनवधानाने इंजिन बंद पडले असावे.
लंडनच्या हीथ्रो विमानतळावरून निघाले विमान
एअर इंडियाचे हे विमान रविवारी रात्री ९:१९ वाजता लंडनच्या हीथ्रो विमानतळावरून निघाले. सोमवारी सकाळी ११:५४ वाजता विमान बंगळुरूमध्ये उतरले. हे विमान एअर इंडियाच्या संपर्कात आहे आणि या प्रकरणाचा आढावा घेण्यात त्यांना मदत करत आहे. या प्रकरणावर नागरी विमान वाहतूक महासंचालनालयाकडून (DGCA) त्वरित कोणतीही टिप्पणी केली गेली नाही.
हेदेखील वाचा : Plane Accident Averted: चाललंय तरी काय? विमान दुर्घटना टळली! माजी उपमुख्यमंत्री थोडक्यात बचावले
.png "Videos"){kind=small}
