Badrinath Dham: मोठी बातमी! ‘या’ दिवशी बंद होणार श्री बद्रीनाथ धामचे दरवाजे, वेळापत्रक वाचा सविस्तर

Badrinath Dham: बद्री-केदार मंदिर समितीचे (BKTC) प्रसारमाध्यम प्रभारी हरीश गौड यांनी दिलेल्या माहितीनुसार, १२ नोव्हेंबरपासून टप्प्याटप्प्याने विविध मंदिरे आणि विधी पूर्ण करून १६ नोव्हेंबरला मुख्य धामचे दरवाजे बंद केले जाणार आहेत.

• 16 नोव्हेंबरपासून बंद होणार बद्रीनाथचे दरवाजे 
• दर्शनासाठी भाविकांची मोठी गर्दी 
• पंचपूजेच्या पार्श्वभूमीवर गजबजले बद्रीनाथ धाम 

Badrinath Dham: उत्तराखंड राज्यातील चमोली येथे अत्यंत प्रसिद्ध आणि अत्यंत पवित्र असे हिंदू मंदिर आहे. बद्रीनाथ हे चार धाम तीर्थक्षेत्रांपैकी एक आहे. त्याबाबत आता एक महत्वाची बातमी समोर आली आहे. उत्तराखंडमधील प्रसिद्ध आणि पवित्र चार धाम पैकी एक असलेल्या बद्रीनाथ धाम येथे सध्या भाविकांनी मोठी गर्दी केली आहे. येत्या 16 नोव्हेंबर रोजी हिवाळ्यामुळे बद्रीनाथ धामचे दरवाजे (कपाट) बंड करण्यात येणार आहेत. त्यामुळे बद्रीनाथ परिसरात दर्शन घेण्यासाठी भाविकांची मोठी गर्दी पाहायला मिळत आहे.

येत्या 12 नोव्हेंबरपासून बद्रीनाथ धामचे दरवाजे बंद करण्याची विधिवत प्रक्रिया सुरू केली जाणार आहे. सर्व विधी आणि धार्मिक प्रकिर्या पूर्ण झाल्यावर 16 नोव्हेंबर रोजी रात्री 9 वाजून 38 मिनिटांनी बद्रीनाथ धामचे दरवाजे हिवाळ्याच्या काळासाठी अधिकृतपणे बंड केले जाणार आहेत. श्री बद्रीनाथ धामचे कपाट बंद होण्यास अवघे काही दिवस उरल्याने देशभरातून हजारो भाविक दर्शन घेण्यासाठी या ठिकाणी दाखल होत आहेत. यामुळे बद्रीनाथ राष्ट्रीय महामार्गावर, विशेषतः जोशीमठपासून पुढे मारवाडी आणि विष्णुप्रयाग दरम्यान प्रचंड वाहतूक कोंडी झाली असल्याचे म्हटले जात आहे.

Badrinath : बद्रीनाथ धामचा नवा विक्रम, 18.67 लाख पेक्षा जास्त भाविकांनी घेतले दर्शन

‘पंच पूजां’चे संपूर्ण वेळापत्रक

• १२ नोव्हेंबर: बद्रीनाथ धाम संकुलातील श्री गणेश जी यांच्या मंदिराचे दरवाजे विधीवत बंद केले जातील.
• १३ नोव्हेंबर: आदि केदारेश्वर आणि आदि गुरु शंकराचार्य मंदिराचे दरवाजे   शीतकालासाठी बंद होतील.
• १४ नोव्हेंबर: खड्ग पुस्तक पूजा संपन्न होईल आणि वेदांच्या ऋचांचे वाचन अधिकृतपणे थांबवले जाईल.
• १५ नोव्हेंबर: माता लक्ष्मी जी यांना मुख्य बद्रीनाथ मंदिरात (गर्भगृहात) विराजमान होण्यासाठी आदरपूर्वक निमंत्रण दिले जाईल.
• १६ नोव्हेंबर: अंतिम विधी पूर्ण झाल्यानंतर, रात्री ९ वाजून ३७ मिनिटांनी श्री बद्रीनाथ धामचे मुख्य दरवाजे  पुढील ६ महिन्यांसाठी (शीतकाल) बंद करण्यात येतील.