Bihar Result Today, Assembly Result
Bihar Election Result Live: बिहार विधानसभा निवडणुकीसाठीचे मतदान नुकतेच पार पडले. त्यानंतर आता या निवडणुकीचे निकाल आज जाहीर केले जाणार आहे. मतमोजणीला सकाळी आठपासून सुरुवात होणार असून, हळूहळू या निवडणुकीचे चित्र समोर येणार आहे. दुपारपर्यंत बिहारमध्ये कोण विजयी ? हे स्पष्ट होईल.
बिहार विधानसभेच्या 243 जागांसाठी दोन टप्प्यांत मतदान घेण्यात आले. या निकालाला राजकीय घडामोडींमध्ये एक महत्त्वाचा टर्निंग पॉईंट म्हटले जात आहे. म्हणूनच इतर पक्षांबरोबरच भाजपाचेही या निवडणूक निकालांकडे डोळे लागले आहेत. ही निवडणूक भाजपासाठी महत्त्वाची आहे कारण ती बिहारमध्ये एनडीएमध्ये मोठा भाऊ कोण असेल? हे ठरवेल, भाजपा ही जागा जिंकेल का की जेडीयू पुन्हा एकदा ताकद मिळवून पूर्वीचे स्थान परत मिळवेल ? काही सर्वेक्षणांनी भाकित केले आहे की भाजपा तिसरा सर्वांत मोठा पक्ष बनेल आणि आरजेडी पहिला सर्वात मोठा पक्ष बनेल. ज्यामुळे देशात उत्सुकता निर्माण झाली आहे.
या निवडणुकीमुळे चिराग पासवान यांच्या पक्षाची कामगिरी सिद्ध होईल, ज्यांनी लोकसभा निवडणुकीत पाचही जागा जिंकल्या. लोकसभा निवडणुकीत त्यांच्या पक्षाचा १००% स्ट्राइक रेट होता असा त्यांचा सातत्याने दावा आहे. यामुळे ते अप्रत्यक्षपणे स्वतःला बिहारचे भावी मुख्यमंत्री म्हणून पाहात आहेत.
14 Nov 2025 05:11 PM (IST)
खासदार संजय राऊत यांनी बिहार विधानसभा निवडणुकीच्या निकालावर प्रतिक्रिया दिली. यावेळी त्यांनी बिहारमध्ये निवडणूक आयोगाकडून झालेल्या एसआयआरवर टीका केली. तसेच बिहार आणि महाराष्ट्राच्या विधानसभा निवडणुकीमध्ये मतचोरी झाली असल्याचा आरोप केला आहे. खासदार राऊत म्हणाले की, ‘एकदम महाराष्ट्र पॅटर्न! ज्यांच्या विजयाची खात्री होती त्यांना 50 च्या आत संपवले!’ असा आरोप खासदार राऊत यांनी केला आहे.
14 Nov 2025 04:56 PM (IST)
Bihar Vidhan Sabha Election Result 2025 Marathi Live: बिहार विधानसभा निवडणुकीचा निकाल जाहीर झाला आहे. बिहारमध्ये एनडीएला बहुमत मिळाले आहे. एनडीएने २०७ जागांवर विजय मिळवला आहे. दरम्यान महाआघाडीचा दणदणीत पराभव झाला आहे. दरम्यान महागठबंधनला केवळ ३० जागा मिळाल्या. दरम्यान आज आपण महाआघाडीच्या पराभवाची ५ मुख्य कारणे जाणून घेऊयात.
14 Nov 2025 04:55 PM (IST)
वसई विरार महानगरपालिका निवडणुका यंदाच्या वेळी ह्या अटी टटीच्या असणार आहेत विधानसभेमध्ये 35 वर्षाची सत्ता हलवणार या भाजपला महानगरपालिकेमध्ये कशाप्रकारे ठरवायचं आणि विजय मिळवायचा याची समीकरण ठरवायला लागलेली आहेत निवडणुका जवळ आल्यानंतर प्रत्येक पक्षाकडून तयारी सुरू झाली आहे. तर युती व्हायला देखील सुरुवात झालेली आहे गेल्या काही दिवसांपासून वसई विरार मध्ये भाविकात आघाडी आणि बहुजन विकास आघाडीमध्ये युतीची चर्चा रंगत आहे युती होणार की नाही याबाबत जाणून घेण्यासाठी बहुजन विकास आघाडीचे माजी खासदार राजेश पाटील यांच्याशी संवाद साधला आहे. राजेश पाटील हे बोलत असताना म्हणाले भूमिपुत्रांना वाचवण्यासाठी महाविकास आघाडी आणि बहुजन विकास आघाडीचे एकत्रित होणे गरजेचे आहे महापौर कोणाचा बसेल जागांवर समीकरण कसे असतील हे गरजेचं नाहीये तर विजय हा गरजेचा आहे बाहेरून येऊन भूमिपुत्रांना संपवण्याचा प्रयत्न भाजपातर्फे होत आहे आणि तो वाचवायचा असेल तर सर्वच विरोधकांना एक होणे गरजेचे आहे.
14 Nov 2025 04:45 PM (IST)
सोलापूरमध्ये विजापूर रोडवर हॉटेलजवळ रस्त्यालगत थांबलेल्या जोडप्यावर चाकूने वार करून त्यांच्या गळ्यातील सोन्याची चेन लुटणाऱ्या विकी दशरथ गायकवाड, विनोद ऊर्फ रावण गायकवाड या दोघांना विजापूर नाका पोलिसांनी अटक केली. त्यांच्या कडून दीड लाखांचा मुद्देमाल जप्त केल्याची माहिती पोलिस आयुक्त एम. राजकुमार यांनी दिली. त्यांची पोलिस कोठडी संपल्याने त्यांना न्यायालयासमोर हजर केले जाणार आहे.
14 Nov 2025 04:30 PM (IST)
बिहार प्रमाणेच कल्याण डोंबिवलीत भाजपची सत्ता येणार असं ठाम मत भाजपचे दीपेश म्हात्रे यांनी केलं आहे. दावापंतप्रधान नरेंद्र मोदी यांच्या नेतृत्वावर विश्वास ठेवून बिहारच्या जनतेने भाजपला यश दिले त्यामुळे त्यांचे अभिनंदन देखील केलं आहे.
14 Nov 2025 04:25 PM (IST)
बदलापूर नगरपरिषद निवडणूक जवळ येत असताना युतीचे राजकारण अत्यंत गुंतागुंतीचे आणि वादग्रस्त बनत चालले आहे. अंतर्गत संघर्ष आणि गुन्हेगारी घटनांवरून आरोप-प्रत्यारोप यामुळे बदलापूरमधील राजकीय वातावरण सध्या अस्थिर होत चालले आहे. भाजपाचे ठाणे ग्रामीण जिल्हा उपाध्यक्ष आदर्श तावडे यासंदर्भात नेत्यांवर चांगलीच टीका केली आहे. तावडे यांनी शहरातील नेत्यांच्या नैतिकतेवर आणि विश्वसनीयतेवर प्रश्नचिन्ह उपस्थित केले आहे. त्यांच्या मते, जे नेते बदलापूरच्या विकासापेक्षा फक्त स्वार्थाचे राजकारण करत आहेत. तर निवडणुकीमध्ये युतीचे स्वरूप, अंतर्गत वाद आणि टीका-टिप्पणी यामुळे प्रत्येक पक्षाला त्यांच्या उमेदवारांची निवड करताना खूप काळजी घ्यावी लागते. सत्तेसाठी सोयीनुसार एकमेकांवर टीका करणे हे योग्य नाही, कधीनाकधी टीका करणाऱ्यांना गजर भासतेच अस आदर्श तावडे यांनी वक्तव्य केल आहे.
14 Nov 2025 04:21 PM (IST)
अहिल्यानगर शहराजवळ 25 किलोमीटर अंतरावर असलेल्या आगडगाव या ठिकाणी श्रीक्षेत्र काळभैरवनाथ मंदिर या ठिकाणी काळ भैरवनाथ जन्मोत्सव सोहळा पार पडला. पहाटे साडेपाचच्या सुमारास काळभैरवनाथाच्या मूर्तीला अभिषेक करण्यात आला त्यानंतर दुपारी महाआरती व महाप्रसादाचा वाटप करण्यात आलं. रात्री आठ वाजता ह भ प हरिदास महाराज शास्त्री यांचे कीर्तन पार पडलं. त्यानंतर देवस्थानचा वर्षभराचा जमाखर्च गावकऱ्यांसमोर वाचून सांगण्यात आला. रात्री बाराला काळभैरवनाथ देवाचा जन्मोत्सव साजरा करण्यात आला यावेळी देवाच्या मूर्तीला गंगाजल अभिषेक करू महाआरती झाली आणि त्यानंतर महाप्रसाद झाला. जन्मोत्सवाच्या काळात दुपारी दोन ते पहाटे दोन वाजेपर्यंत महाप्रसाद आलेल्या सर्व भाविकांसाठी सुरू होता. दिवसभराच्या काळात एक लाख भाविकांनी महाप्रसादाचा लाभ घेतला..
14 Nov 2025 04:20 PM (IST)
बिहार विधानसभा निवडणुकीत भाजपला मिळालेल्या विजयानंतर ठाणे शहरात उत्साहाचे वातावरण आहे. ठाणे स्टेशन परिसरात भाजप कार्यकर्त्यांनी मोठ्या जल्लोषात आनंद व्यक्त केला. ढोल-ताशांच्या गजरात कार्यकर्त्यांनी नागरिकांना लाडू वाटप करून विजय सोहळा साजरा केला.
14 Nov 2025 04:15 PM (IST)
ऐरोली आणि वाशी परिसरातील तरुणांच्या प्रश्नांना अधिक जवळून समजून घेण्यासाठी युवासेनेने आपला विस्तार वेगाने सुरू केला आहे. याच पुढाकाराचा भाग म्हणून, विविध महाविद्यालयांमध्ये युवासेना प्रतिष्ठांची स्थापना करण्यात आली.
14 Nov 2025 04:10 PM (IST)
रत्नागिरीतील गाणे खडपोली MIDC परिसरातील साफ यीस्ट कंपनी अचानक बंद झाल्याने अनेक कामगार कुटुंबांवर उपासमारीची वेळ आली आहे. 15, 20, अगदी 30 वर्षांपासून या कंपनीत काम करून आपल्या लेकरांना वाढवणाऱ्या कुटुंबांची चूलच बंद पडली आहे. नऊ रुपयांच्या पगारापासून सुरुवात करून आयुष्य घडवणाऱ्या या कामगारांना दिवाळीत दिवाच नाही, असा हृदयद्रावक प्रसंग निर्माण झाला आहे. माता-भगिनींच्या डोळ्यांत अश्रू, मनात काळजी आणि उद्यावरची भिती… त्यांच्या व्यथा ऐकताना संपूर्ण परिसर अस्वस्थ झालेला दिसतो.
14 Nov 2025 03:49 PM (IST)
ठाणे जिल्हा ग्रामीणचे जिल्हाध्यक्ष दयानंद चोरगे यांनी काँग्रेस पक्षाचा राजीनामा दिला आहे. दयानंद चोरगे मागील निवडणुकीमध्ये विधानसभेचे भिवंडीतील उमेदवार होते. चोरगे यांनी पत्रात जरी म्हटल असेल की माझ्या वैयक्तिक कारणास्तव राजीनामा देतोय मात्र गेल्या अनेक दिवसांपासून ते पक्षात नाराज होते.
14 Nov 2025 03:38 PM (IST)
बिहारमध्ये एनडीएच्या विजयानंतर, बिहारचा नवा मुख्यमंत्री कोण होणार याकडे सर्वाचे लक्ष लागले आहे. यावर भाजपचे ज्येष्ठ नेते विनोद तावडे यांनी प्रतिक्रीया दिली आहे. "आम्ही नितीश कुमार यांच्या नेतृत्वाखाली निवडणूक लढवली. मुख्यमंत्री कोण असेल हे पाचही पक्ष एकत्रितपणे ठरवतील."
14 Nov 2025 03:27 PM (IST)
बिहारमध्ये NDAची मोठ्या विजयाकडे वाटचाल सुरू झाली आबहे. मतमोजणीला सुरूवात झाल्यापासून NDA आघाडीवर होती. त्यानंतर आतापर्यंत हाती आलेल्या कलानुसार NDAने २०० हून अधिक जागांवर आघाडीवर असल्याचे दिसून येत आहे.
14 Nov 2025 03:20 PM (IST)
बिहार विधानसभा निवडणुकीत भाजप ऐतिहासिक विजयासाठी सज्ज असल्याचे दिसून येत आहे. त्यांनी ९५ जागांवर आघाडी घेतली आहे. इतिहासात पहिल्यांदाच भाजप बिहारमध्ये सर्वात मोठा पक्ष म्हणून उदयास आला आहे. यापूर्वी २०१० मध्ये भाजपने ९१ जागा जिंकल्या होत्या.
14 Nov 2025 02:44 PM (IST)
बेतिया विधानसभा मतदारसंघाचे निकालही स्पष्ट आहेत. भाजप उमेदवार रेणू देवी १७,००० मतांनी विजयी.
तारापूरमध्ये सम्राट चौधरी यांचा प्रचंड विजय
तारापूर विधानसभा मतदारसंघात भाजप उपमुख्यमंत्री सम्राट चौधरी यांचा प्रचंड विजय झाला आहे. विजयाची औपचारिक घोषणा बाकी आहे. मतमोजणीचा ३० वा टप्पा संपला आहे. त्यांनी ४२,००० हून अधिक मतांनी विजय मिळवला आहे. तारापूरमध्ये मतमोजणीच्या एकूण ३० फेऱ्या होणार होत्या.
14 Nov 2025 02:41 PM (IST)
बिहारच्या जनतेने नरेंद्र मोदी यांच्या नेतृत्वावर विश्वास ठेवला, तसंच नीतिश कुमार यांनी केलेलं काम , त्यांनी बिहारमध्ये केलेला विकास यावरही जनेतेने विश्वास ठेवला, म्हणूनच मी त्यांचं मनापासून अभिनंदन करतो. लाडक्या बहिणींचही मी अभिनंदन करतो, असं उपमुख्यमंत्री एकनाथ शिंदे म्हणाले. बिहारने जंगलराज नाकारलं, विकासराज स्वीकारलं असंही त्यांनी नमूद केलं.
14 Nov 2025 02:37 PM (IST)
बिहाराच्या विधानसभा निवडणुका निकालाने धक्का बसण्याची गरज नाही निवडणूक आयोग आणि बी जे पी यांचे हातात हात घालून जे राष्ट्रीय कार्य सुरू होते ते पाहता यापेक्षा वेगळा निकाल लागणे शक्य नव्हते! एकदम महाराष्ट्र पॅटर्न! जी आघाडी सत्तेवर येणार याची खात्री होती त्याना ५० च्या आत संपवले!
14 Nov 2025 02:23 PM (IST)
काँग्रेस नेते अशोक गेहलोत यांनी बिहारमधील निवडणूक प्रक्रियेवर गंभीर आरोप केले आहेत. ते म्हणाले की, “लोकशाही धोक्यात आहे. हरियाणा आणि महाराष्ट्रात निर्माण झालेली परिस्थिती इथल्या परिस्थितीशी अगदी मिळतीजुळती आहे. पैशाच्या ताकदीचा मोठ्या प्रमाणावर वापर होत असून, “निवडणूक आयोगही त्यांना पाठिंबा देत आहे,” असा आरोप त्यांनी केला.
गेहलोत म्हणाले, “जर निष्पक्ष निवडणुका होत नसतील, तर ती प्रत्यक्षात मतांची चोरीच आहे. निवडणुकीदरम्यान १.३५ कोटी महिलांच्या खात्यात १०,००० रुपये जमा झाले. निवडणूक आयोगाचे मग काय झाले. राजस्थानमध्ये निवडणूक जाहीर होताच पेन्शन देयके थांबवण्यात आली होती, परंतु “इथे मात्र सर्व काही सुरूच राहिले,” असा आरोप त्यांनी केला.
14 Nov 2025 02:21 PM (IST)
राघोपूर विधानसभा मतदारसंघात मतमोजणीदरम्यान राजद नेते तेजस्वी यादव पिछाडीवर आहेत. मतमोजणीच्या अंदाजे वीस फेऱ्या अद्याप बाकी असताना ते ३,२३० मतांनी मागे आहेत. तर भाजपचे उमेदवार सतीश कुमार ४०,१८० मतांसह आघाडीवर आहेत. यापूर्वी, मतमोजणीच्या नऊ फेऱ्यांनंतरही तेजस्वी यादव २,२८८ मतांनी मागे असल्याचे चित्र समोर आले होते.
14 Nov 2025 02:18 PM (IST)
निवडणुकीच्या निकालापूर्वी बिहारमधील सहा मतदारसंघांत लागणाऱ्या निकालांचा अंदाज बांधला जात आहे. याचे कारण म्हणजे बिहारमधील या सहा मतदारसंघात १९७७ पासून एक वेगळाच पायंडा पडला आहे. या सहा मतदारसंघात जो पक्ष किंवा जी युती जिंकते तेच बिहारमध्ये सत्तेत येतात. त्यामुळे संपूर्ण बिहारचे या मतदारसंघाकडे लक्ष आहे.
१९७७ पासून या मतदारसंघात पायंडा पडला आहे ते मतदारसंघ म्हणजे, केवटी, सहरसा, बरबीघा, मुंगेर, पिपरा, सकरा. या मतदारसंघात जे पक्ष किंवा युतीचा विजय होतो, तेच पक्ष बिहारमध्ये सत्तेत येतात, हा १९७७ पासूनचा इतिहास आहे.
14 Nov 2025 02:05 PM (IST)
बिहार निवडणुकीकडून भाजपासह आरजेडीला मोठी अपेक्षा होती. मात्र, प्रत्यक्षात मोठा पराभव दोन्ही पक्षांना समारे जावे लागले.
14 Nov 2025 01:58 PM (IST)
बिहार विधानसभा निवडणुकीत एनडीएने आघाडी घेतली आहे. पुन्हा एकदा नितीशकुमार मुख्यमंत्री होणार असल्याचे दिसते. तर आरजेडीचे बहुसंख्य उमेदवार पिछाडीवर असून मुख्यमंत्रीपदाचा चेहरा असलेले तेजस्वी यादव पिछाडीवर आहेत.
14 Nov 2025 01:34 PM (IST)
बिहारच्या मुख्यमंत्रिपदावर जेडीयूचा दावा. नितीश कुमार मुख्यमंत्री होते आणि राहणार असल्याचे स्पष्टपणे जेडीयूने म्हटले. भाजपा जरी मोठा पक्ष ठरला असला तरीही नितीश कुमारच मुख्यमंत्री राहतील.
14 Nov 2025 01:17 PM (IST)
बिहार विधानसभा निवडणुकीचे निकाल पुढे आले असून बिहारामध्ये नरेंद्र मोदींचा करिश्मा पाहायला मिळत आहे.
14 Nov 2025 01:12 PM (IST)
भाजपच्या देवयानी राणा यांचा नागरोटा विधानसभा मतदारसंघात विजय तर जम्मू आणि काश्मीर नॅशनल पँथर्स पार्टीचे (इंडिया) हर्ष देव सिंह यांचा पराभव
14 Nov 2025 01:09 PM (IST)
बिहारमध्ये सर्वात मोठा पक्ष भाजप, दुसऱ्या नंबरवर जेडीयू… एनडीएला प्रचंड बहुमत, महाआघाडी 50 च्या आत… बिहारमध्ये पुन्हा पंतप्रधान नरेंद्र मोदींचा करिष्मा…
14 Nov 2025 12:55 PM (IST)
आरजेडी कार्यालयाबाहेर मोठी बंदोबस्त. कार्यकर्ते आक्रमक होऊ नये, याकरिता मोठा बंदोबस्त पोलिसांकडून ठेवण्यात आलाय. आरजेडी पक्षाला विधानसभेत अजिबात मुसंडी मारता आली नाही.
14 Nov 2025 12:45 PM (IST)
राघोपूरमध्ये पुन्हा एकदा परिस्थिती बदलली आहे. तेजस्वी यांनी आघाडी घेतली आहे. त्यांनी भाजप उमेदवार सतीश कुमार यांच्यावर आघाडी घेतली आहे. तेजस्वी २०० पेक्षा जास्त मतांनी पुढे आहेत.
14 Nov 2025 12:41 PM (IST)
अलीनगर विधानसभा मतदारसंघातून आघाडीवर असलेल्या भाजप उमेदवार आणि प्रसिद्ध गायिका मैथिली ठाकूर यांनी विजयानंतरची भावना व्यक्त करताना भावूक प्रतिक्रिया दिली. त्या म्हणाल्या, “हे स्वप्नासारखे आहे. लोकांना माझ्याकडून खूप अपेक्षा आहेत. आमदार म्हणून हा माझा पहिलाच कार्यकाळ असेल आणि मी माझ्या मतदारसंघासाठी माझे सर्वोत्तम देईन. मी माझ्या लोकांची मुलीसारखी सेवा करेन.”
पुढे त्या म्हणाल्या, “सध्या माझे लक्ष फक्त अलीनगरवर आहे आणि मी माझ्या लोकांसाठी काय उत्तम करू शकते, यावर मी काम करणार आहे.” अलीनगरमध्ये ठाकूर यांची भक्कम आघाडी कायम असून त्यांच्या राजकीय प्रवासाची उत्सुकता वाढली आहे.
14 Nov 2025 12:27 PM (IST)
बिहारमध्ये भाजप सर्वात मोठा पक्ष म्हणून पुढे येत असल्याचे कलांवरून स्पष्ट होत आहे. या पार्श्वभूमीवर राज्याचा पुढील मुख्यमंत्री कोण होणार, या प्रश्नावर राजकीय वर्तुळात चर्चांना उधाण आले आहे. याबाबत प्रतिक्रिया देताना मंत्री महेश्वर हजारी यांनी सांगितले की, “यावेळीही नितीश कुमारच मुख्यमंत्री होतील. एनडीएला जोरदार विजय मिळत असून जनतेने आमच्यावर विश्वास दाखवला आहे.” अंतिम निकालानंतर या राजकीय समीकरणाला स्पष्ट रूप मिळणार आहे.
14 Nov 2025 12:24 PM (IST)
महाआघाडीचे मुख्यमंत्रीपदाचे उमेदवार तेजस्वी यादव राघोपूरमध्ये मागे आहेत. भाजपचे सतीश कुमार या जागेवर आघाडीवर आहेत. ते ३,००० पेक्षा जास्त मतांनी पुढे आहेत.
14 Nov 2025 12:22 PM (IST)
महुआ विधानसभा मतदारसंघातील मतमोजणीत जनशक्ती जनता दलाचे प्रमुख तेजप्रताप यादव यांच्यासाठी प्रतिकूल चित्र स्पष्ट होत आहे. मतमोजणीच्या २६ पैकी सहा फेऱ्या पूर्ण झाल्यानंतर यादव यांना आतापर्यंत केवळ ४,३९९ मते मिळाली आहेत. तेजप्रताप यादव सध्या १४,००० हून अधिक मतांनी मागे असून त्यांच्या मागे पडलेल्या मतांची दरी वाढत चालली आहे.दरम्यान, लोजपाचे संजय सिंह हे १९,१०६ मतांसह आघाडीवर आहेत, तर तेजस्वी यादव यांच्या गटातील उमेदवार मुकेश कुमार रोशन दुसऱ्या स्थानावर आहेत. महुआतील ही तिघांमधील लढत अधिक तीव्र होत असून पुढील फेऱ्यांमधील निकालांवर सर्वांचे लक्ष केंद्रित झाले आहे.
14 Nov 2025 12:14 PM (IST)
तेजस्वी राघोपूरमध्ये पुनरागमन करताना दिसत आहेत. ते ३,००० मतांनी मागे होते, परंतु आता ते १०६ मतांनी कमी झाले आहेत. भाजपचे सतीश कुमार आघाडीवर आहेत.
14 Nov 2025 11:49 AM (IST)
एनडीए 186, महाआघाडी 49 जागांवर आघाडीवर आहे. आरजेडीला अत्यंत मोठा धक्का या निवडणुकीमध्ये बसला आहे.
14 Nov 2025 11:16 AM (IST)
विधानसभा निवडणुकीचे सुरूवातीचे कौल पुढे येताना दिसत आहे. कॉंग्रेसचा सुपडासाप होत असल्याच सध्याचे चित्र आहे.
14 Nov 2025 11:10 AM (IST)
बिहारमध्ये आपल्या धडाकेबाज कारवाईमुळे ‘सिंघम’ म्हणून ओळख निर्माण केलेले आयपीएस अधिकारी शिवदीप लांडे यांच्या निवडणुकीतील कामगिरीकडे राज्याचे लक्ष लागले होते. मात्र, ताज्या प्राथमिक कलांनुसार अररिया विधानसभा मतदारसंघातील मतमोजणीत शिवदीप लांडे सध्या पिछाडीवर असल्याचे चित्र आहे.
14 Nov 2025 11:01 AM (IST)
निवडणूक आयोगाचे सध्याचे ट्रेंड चिराग पासवान यांच्यासाठी आनंदाची बातमी देतात. चिरा पासवान यांचा लोक जनशक्ती पक्ष (रामविलास, एलजेपीआर) २२ जागांवर आघाडीवर आहे. चिराग पासवान यांच्या पक्षाने २९ जागा लढवल्या हे लक्षात घेण्यासारखे आहे.
14 Nov 2025 10:57 AM (IST)
महुआ विधानसभा मतदारसंघातून राष्ट्रवादी जनता दलाचे प्रमुख लालू प्रसाद यादव यांचे मोठे चिरंजीव तेजप्रताप यादव यांना या वेळी पराभवाचा धोका निर्माण झाला आहे. ताज्या प्राप्त झालेल्या कलांनुसार, ते सध्या २ हजारांहून अधिक मतांनी पिछाडीवर आहेत. या मतदारसंघात त्यांचे मुख्य प्रतिस्पर्धी लोजपाचे संजय कुमार सिंह असून त्यांनी आघाडी कायम ठेवली आहे. मतमोजणीच्या सुरुवातीपासूनच या मतदारसंघातील लढत चुरशीची होत असून पुढील काही तासांत अंतिम चित्र स्पष्ट होईल.
14 Nov 2025 10:41 AM (IST)
निवडणूक आयोगाच्या ट्रेंडनुसार भाजप ८१ जागांवर आघाडीवर आहे, तर जेडीयू देखील ८० जागांवर आघाडीवर असल्याचे दिसत आहे.
14 Nov 2025 10:33 AM (IST)
१. पोलस्ट्रॅटनुसार, एनडीएला १३३-१४८ जागा मिळण्याची अपेक्षा आहे. भाजपला ६८-७२ जागा, जेडीयूला ५५-६०, एलजेपी-आर ९-१२, एचएएम १-२ आणि आरएलएम ०-२ जागा मिळण्याचा अंदाज आहे.
२. पीपल्स पल्सने एनडीएला १३३-१५९ जागा, महाआघाडीला ७५-१०१, प्रशांत किशोर यांच्या जनसूराज ०-५ आणि इतर उमेदवारांना २-८ जागा मिळण्याचा अंदाज वर्तवला आहे.
३. आयएएनएस-मॅट्रिझ (एबीपी न्यूज) नुसार, एनडीएला १४७-१६७ जागा मिळण्याची अपेक्षा आहे. भाजपला ६५-७३ जागा, जेडीयूला ६७-७५, एलजेपी-आर ७-९, एचएएम ४-५ आणि आरएलएम १-२ जागा मिळण्याचा अंदाज आहे. त्याच वेळी, महाआघाडीला ७०-८९ जागा मिळण्याची अपेक्षा होती, ज्यामध्ये राजद ५३-५८, काँग्रेस १०-१२, व्हीआयपी १-४ आणि डाव्या पक्षांना ९-१४ जागांवर आघाडी राखता येईल.
14 Nov 2025 10:25 AM (IST)
बिहार विधानसभा निवडणुकीच्या मतमोजणीत काँग्रेसची स्थिती अत्यंत कमजोर दिसत आहे. निवडणूक आयोगाच्या ताज्या आकडेवारीनुसार भाजप ४४, जेडीयू ४३, आरजेडी २४, लोजपा १२, तर काँग्रेस फक्त ६ जागांवर आघाडीवर आहे. दरम्यान, बिहार भाजपचे अध्यक्ष दिलीप जयस्वाल म्हणाले की, “बिहारचा मुख्यमंत्री संवैधानिक प्रक्रियेद्वारे ठरवला जाईल.”
14 Nov 2025 10:20 AM (IST)
काँग्रेस नेत्या सुप्रिया श्रीनेत यांनी निवडणूक निकालांवर प्रतिक्रिया देताना सांगितले की, पक्षाने ही निवडणूक पूर्णपणे मुद्द्यांवर लढली आहे. त्या म्हणाल्या, “बिहारच्या मतदारांनी कोणत्या मुद्द्यांना प्राधान्य द्यायचे ते स्वतः ठरवले. त्यांनी नितीश कुमारांवर विश्वास दाखवला आहे. मला वाटते की पुढील काही वेळात निकालांमध्ये बदल दिसू शकतो, त्यामुळे आत्ताच अंतिम निष्कर्ष काढणे योग्य ठरणार नाही.”
एसआयआर प्रकरणावर बोलताना त्यांनी स्पष्ट केले की या मुद्द्याचा काँग्रेसला कोणताही प्रतिकूल परिणाम झालेला नाही.एसआयआरच्या मुद्द्याचा उलट परिणाम झाला आहे. भाजपच्या वरिष्ठ नेत्यांसह अनेक जण या प्रकरणात अडचणीत सापडले. एका व्यक्तीचा वापर करून अनेक मते निर्माण करण्यात आली. एका निवडणुकीचा निकाल पाहून कोणताही मुद्दा यशस्वी झाला की नाही हे ठरवता येत नाही.”
14 Nov 2025 10:10 AM (IST)
शुक्रवारी सकाळी बिहार विधानसभा निवडणुकीची मतमोजणी सुरू होताच, प्राथमिक ट्रेंड्समध्ये सत्ताधारी राष्ट्रीय लोकशाही आघाडी (एनडीए) आघाडी घेत असल्याचे दिसून आले. विविध टीव्ही चॅनेल्सनुसार, भारतीय जनता पक्ष (भाजप)-जनता दल युनायटेड (जेडीयू) युती राज्यातील २४३ जागांपैकी अनेक जागांवर आघाडीवर आहे. सध्याच्या ट्रेंड्सनुसार, एनडीएने बहुमताचा आकडा ओलांडल्याचे दिसत आहे. निवडणूक आयोगाने अद्याप कोणतेही अधिकृत ट्रेंड जाहीर केलेले नाहीत.
14 Nov 2025 10:08 AM (IST)
बिहार विधानसभा निवडणुकीच्या मतमोजणीत सिवान मतदारसंघात भाजपचे उमेदवार मंगल पांडे यांनी दुसऱ्या फेरीअखेर 1,071 मतांची आघाडी राखली आहे. पांडे यांना 7,832 मते मिळाली असून आरजेडीचे अवध बिहारी चौधरी यांना 6,761 मते मिळाली आहेत.
बेतिया: रेणू देवींची आघाडी कायम
बेतिया मतदारसंघात भाजपच्या रेणू देवी या 2,000 मतांच्या आघाडीवर आहेत. काँग्रेसचे वासी अहमद दुसऱ्या क्रमांकावर तर रोहित शिकारिया तिसऱ्या स्थानावर आहेत.
14 Nov 2025 10:07 AM (IST)
बिहार विधानसभा निवडणुकीच्या मतमोजणीत अनपेक्षित घडामोडी दिसत आहेत. उपमुख्यमंत्री विजय कुमार सिन्हा लखीसरायमध्ये पिछाडीवर असून जनसुराजचे सूरज कुमार आघाडीवर आहेत. दानापूरमध्ये भाजपाचे राम कृपाल यादव पिछाडीवर आहेत. कल्हगावमध्ये काँग्रेसचे प्रवीण कुमार पिछाडीवर, तर जेडीयूचे शुभानंद मुकेश आघाडीवर आहेत. एचएएमच्या दीपा कुमारी इमामगंजमध्ये पिछाडीवर, तर आरजेडीचे शाहनवाज जोखीहाटमध्ये पिछाडीवर असल्याचे ट्रेंड्समध्ये दिसत आहे.
14 Nov 2025 09:55 AM (IST)
bihar election result date 2025: सकाळी ९:४५ पर्यंत निवडणूक आयोगाच्या ट्रेंडनुसार,
जेडीयू- ३९
भाजप- ३६
राजद- २३
लोजपा(आर)- १०
काँग्रेस- ६
हाम- २
व्हीआयपी- १
एआयएमआयएम- १
सीपीआय(एम)- १
सीपीआय(एमएल)- १
टीपीएलआरएसपी- १
14 Nov 2025 09:10 AM (IST)
नुकतेच बिहार विधानसभा निवडणुकीसाठीचे मतदान पार पडले आहे. यानंतर आज या निवडणूकीचा निकाल जाहिर केला जाणार आहे. मतमोजणीला सुरुवात झाली आहे. दुपारपर्यंत मजमोजणीच्या निकालावरून बिहारमध्ये कोणाची सत्ता असेल याबाबतचे चित्र स्पष्ट होणार आहे. बिहार निवडणुकीचा परिणाम आता शेअर बाजारावर देखील होत असल्याचे पाहायला मिळत आहे. तज्ज्ञांनी असा अंदाज वर्तवला आहे की, आज बिहार निवडणुकीच्या निकालांपूर्वीही भारतीय शेअर बाजार अस्थिर राहण्याची शक्यता आहे. याशिवाय जागतिक बाजारपेठेत झालेल्या मोठ्या घसरणीमुळे शुक्रवारी भारतीय शेअर बाजार नाकारात्मक पातळीवर उघडण्याची शक्यता वर्तवण्यात आली आहे.
14 Nov 2025 09:05 AM (IST)
बिहार विधानसभा निवडणुकीच्या सुरुवातीच्या ट्रेंडमध्ये, एनडीए १०३ जागांवर आघाडीवर आहे. म्हणजेच सत्ताधारी पक्षाने शतकाचा टप्पा ओलांडला आहे. दरम्यान, महाआघाडी ७८ जागांवर पुढे आहे आणि इतर अजूनही ६ जागांवर आघाडीवर आहेत.
14 Nov 2025 09:00 AM (IST)
बिहार काँग्रेस अध्यक्ष राजेश राम कुटुंबा मतदारसंघात आघाडीवर आहेत, तर लालगंज मतदारसंघात शिवानी शुक्ला आघाडीवर आहेत.
14 Nov 2025 08:52 AM (IST)
तरनतारनमध्ये मतमोजणी सुरू झाली आहे. या निवडणुकीत सत्ताधारी पक्ष आम आदमी पक्षाचे भवितव्य पणाला लागले आहे. निवडणुकीपूर्वी आम आदमी पक्षाने (आप) प्रचारात आपली सर्व ताकद पणाला लावली होती. निवडणूक निकालांमध्ये कोणाला पराभव पत्करावा लागतो हे पाहणे बाकी आहे.
.png "Videos"){kind=small}
