गुजरातच्या पंचमहालमध्ये भीषण अपघात, सैनिकांना घेऊन जाणारी बस उलटली; 38 जण जखमी!

गुजरातमधील पंचमहालमध्ये सैनिकांना घेऊन जाणारी बस उलटली, या अपघातात ३८ पोलीस कर्मचारी जखमी झाले आहेत

गुजरातच्या पंचमहाल जिल्ह्यात सोमवारी संध्याकाळी जवानांना घेऊन जाणारी बस (Gujarat Accident) उलटली. या अपघातात राज्य राखीव पोलीस (एसआरपी) चे 38 पोलीस जखमी झाले आहेत. एएनआयच्या वृत्तानुसार, एमएल गोहित या पोलीस अधिकारी यांनी सांगितले की, “38 सैनिक जखमी झाले आहेत. सर्वांना चांगल्या उपचारासाठी रुग्णालयात दाखल करण्यात आले आहे. जवानांची प्रकृती स्थिर आहे.

[read_also content=”मोठी बातमी! प्रसिद्ध उद्योगपती मुकेश अंबानींना तिसऱ्यांदा जीवे मारण्याची धमकी, यावेळी 400 कोटींची मागणी https://www.navarashtra.com/maharashtra/death-threat-to-mukesh-ambani-demanding-400-crore-nrps-475907.html”]

ब्रेक फेल झाल्याने हा अपघात झाला

ही घटना घडली तेव्हा जवान गोळीबाराचा सराव पूर्ण करून परतत होते, असे अधिकाऱ्याने सांगितले. अपघाताची माहिती देताना ते म्हणाले, “ब्रेक निकामी झाल्याने बस उलटली.”

9 जवान गंभीर जखमी

वृत्तानुसार, अपघाताच्या वेळी बसमध्ये 50 सैनिक होते. त्यापैकी 38 जवान जखमी झाले असून त्यांना उपचारासाठी हलोल रुग्णालयात दाखल करण्यात आले आहे. जखमींपैकी 29 जणांना प्राथमिक उपचारानंतर घरी सोडण्यात आले, तर गंभीर जखमी असलेल्या नऊ जणांना चांगल्या उपचारांसाठी वडोदरा येथील सयाजी रुग्णालयात पाठवण्यात आले आहे. बस उतारावरून गेली आणि ब्रेक निकामी झाल्यामुळे बस खड्ड्यात पडल्याचे सांगण्यात येत आहे.