Chhattisgarh Accident Video: भरधाव वेगाने कार आली अन्…; आगीत होरपळून 4 जणांचा मृत्यू तर 2 जण थेट….

छत्तीसगड राज्यातून एक मोठी बातमी समोर येत आहे. छत्तीसगडच्या कांकेर जिल्ह्यात राष्ट्रीय महामार्गावर भीषण अपघात घडला आहे. वेगाने जाणारी कार काम सुरू असलेल्या पुलाला जाऊन धडकली.

कांकेर: छत्तीसगड राज्यातून एक मोठी बातमी समोर येत आहे. छत्तीसगडच्या कांकेर जिल्ह्यात राष्ट्रीय महामार्गावर भीषण अपघात घडला आहे. वेगाने जाणारी कार काम सुरू असलेल्या पुलाला जाऊन धडकली. हा अपघात नेमका कसा घडला आहे ते जाणून घेऊयात. छत्तीसगडच्या कांकेर जिल्ह्यात मध्यरात्री भीषण अपघात घडला आहे. एक वेगाने जाणारी कार काम सुरू असलेल्या पुलाला जाऊन धडकली आणि त्या कारला भीषण आग लागली.

गाडीला आग लागल्याने यामधून प्रवास करणाऱ्या 6 प्रवाशांपैकी 4 जणांचा आगीत होरपळून जागीच मृत्यू झाला आहे. तर 2 जण गंभीर जखमी झाले आहेत. हा अपघात कांकेर जिल्ह्यातील राष्ट्रीय महामार्ग ३० वर मध्यरात्री घडला आहे. समोर आलेल्या माहितीनुसार, घडले असे की, एक कार अनियंत्रित झाल्याने पुलाला जाऊन धडकली. त्यात 6 पैकी 4 जणांचा आगीत होरपळून मृत्यू झाला आहे. हे युवक मुरमेड वरून कांकेरल जात होते.

See more

NH 30 में देर रात 1 बजे एक भीषण सड़क हादसा हो गया, तेज रफ्तार कार अनियंत्रित होकर पुल से टकरा गई, जिससे कार में आग लग गई, उसमें सवार 4 युवकों की जलकर मौत हो गई, 2 युवक गंभीर रूप से घायल हैं
बताया जा रहा कार सवार नशे में थे जो #Kanker की ओर जा रहे थे, आतुर गांव की घटना#Accident pic.twitter.com/ng2x3YD2Se — Anshuman Sharma (@anshuman_sunona) July 19, 2025

गाडीचा चक्काचूर अन् आगीच्या भक्ष्यस्थानी…

समोर आलेल्या माहितीनुसार, ही कार इतक्या वेगात होती की, अनियंत्रित झाल्यानंतर ड्रायव्हरला गाडी कंट्रोल करणे हे अवघड झाले. त्यामुळे ही कार थेट पुलाला जाऊन धडकली. ही धडक इतकी जोरदार होती की गाडीला तत्काळ आग लागली. या घटनेत 6 पैकी 4 जणांचा होरपळून मृत्यू झाला आहे. तर 2 जण गंभीर जखमी झाले आहेत. जखमींना रूग्णालयात दाखल करण्यात आले आहे.

पुण्यात भीषण अपघात

राज्यात अपघाताचे प्रमाण वाढले असून, वेगवेगळ्या भागातून दररोज अपघाताच्या घटना उघडकीस येत असतात. अशातचं आता पुण्यातून एक मोठी बातमी समोर आली आहे. भरधाव कारच्या धडकेत एका सायकल चालकाचा मृत्यू झाल्याची घटना घडली आहे. पुणे स्टेशन परिसरात हा अपघात झाला आहे. याप्रकरणी पसार झालेल्या चालकावर बंडगार्डन पोलिसांनी गु्न्हा दाखल केला. रामप्रतापसिंग महेसिंग राजावत (वय ५२, रा. भैय्यावाडी, ताडीवाला रस्ता) असे मृत्यू झालेल्या सायकल चालकाचे नाव आहे. याबाबत बिनीत सिंग (वय ४२, रा. वडाचीवाडी, उंड्री ) यांनी बंडगार्डन पोलिस ठाण्यात तक्रार दिली आहे.

सोलापूरजवळ मध्यरात्री भीषण अपघात

सोलापूर जिल्ह्यातून एक मोठी बातमी समोर आली आहे. सोलापूरहून तडवळच्या दिशेने जाताना हत्तूर शिवारातील नाईकवाडी यांच्या शेताजवळ कार उलटून भीषण अपघात झाला आहे. या अपघातात कारखाली सापडून डॉक्टरचा मृत्यू झाला आहे. हा अपघात रविवारी मध्यरात्री झाला आहे. आशिष इरण्णा पनशेट्टी (वय ४०, रा. तडवळ, ता. अक्कलकोट) असे अपघातात मरण पावलेल्या डॉक्टरचे नाव आहे. डॉ. आशिष हे रविवारी मिटींगकरिता सोलापुरात आले होते. तेथील मिटींग संपल्यानंतर ते आसरा चौक परिसरात राहत असलेल्या बहिणीच्या घरी काही वेळ थांबले. त्यानंतर रात्री उशिरा ते तडवळ गावाकडे जाण्यासाठी सोलापुरातून कार (एमएच १३ सीएस ०३०८) चालवित निघाले होते. हत्तूर शिवारातून जात असताना, नाईकवाडी यांच्या शेताजवळ त्यांची कार बाजूच्या शेतात पलटी झाली.