निवडणूक आयोगाने राजस्थान निवडणुकीची तारीख बदलली आहे. यापूर्वी 23 नोव्हेंबर ही मतदानाची तारीख निश्चित करण्यात आली होती. आता त्यात बदल करण्यात आला आहे. आता 25 नोव्हेंबरला मतदान होणार आहे. तारखेत बदल करण्याची मागणी विविध संघटनांकडून करण्यात आली होती. कारण देव उथनी एकादशी 23 तारखेला आहे आणि त्यामुळे त्या दिवशी मोठ्या प्रमाणात विवाह होऊ शकतात. हे लक्षात घेऊन तारखा बदलण्यात आल्या आहेत.
निवडणुकीच्या तारखा जाहीर होताच राजस्थानमधील अनेक सामाजिक आणि धार्मिक संघटनांनी २३ नोव्हेंबरबद्दल चिंता व्यक्त केली. ते म्हणाले की, 23 नोव्हेंबरला अनेक लग्ने आहेत, त्यामुळे त्यांना मतदानात अडचण येणार आहे.
निवडणूक आयोगाने सोमवारी राजस्थानसह मध्य प्रदेश, छत्तीसगड, तेलंगणा आणि मिझोरामच्या निवडणुकांच्या तारखा जाहीर केल्या. 7 नोव्हेंबर ते 30 नोव्हेंबर दरम्यान पाच राज्यांमध्ये मतदान होणार आहे. 3 डिसेंबरला मतमोजणी होणार आहे.
.png "Videos"){kind=small}
