‘भारतासाठी चीन सर्वात मोठे आव्हान आणि ते पुढेही राहील’, CDS Anil Chauhan यांचे मोठे विधान

चीफ ऑफ डिफेन्स स्टाफ (CDS) जनरल अनिल चौहान यांनी चीन आणि पाकिस्तानबद्दल मोठे विधान केले आहे. चीन भारतासाठी सर्वात मोठे आव्हान आहे, तर पाकिस्तानचा छुप्या युद्धाचा धोका आजही कायम आहे, असे त्यांनी सांगितले.

CDS Anil Chauhan on China: भारताचे चीफ ऑफ डिफेन्स स्टाफ (CDS) जनरल अनिल चौहान (Anil Chauhan) यांनी चीनच्या वाढत्या आव्हानांवरून एक मोठे आणि महत्त्वाचे विधान केले आहे. जनरल चौहान यांनी शुक्रवारी एका कार्यक्रमात बोलताना सांगितले की, चीन भारतासाठी ‘सर्वात मोठी आणि कायमस्वरूपी आव्हान’ आहे. ते म्हणाले की, चीनच्या सीमेवरील आव्हान सर्वात महत्त्वाचे आहे, तर दुसरीकडे पाकिस्तानचे छुपे युद्ध देखील एक मोठा धोका बनलेला आहे. जनरल चौहान म्हणाले की, “पाकिस्तानचे धोरण नेहमीच भारताला ‘हजार जखमा देऊन कमकुवत’ करण्याचे राहिले आहे.” देशासमोर येणारी आव्हाने तात्पुरती नसतात, तर ती विविध रूपांमध्ये कायम राहतात, असेही त्यांनी स्पष्ट केले.

See more

VIDEO | Gorakhpur: Addressing an event, CDS General Anil Chauhan says, “Challenges before countries aren’t momentary; they exist in different forms. I think the boundary dispute with China is India’s biggest challenge and will continue to remain so. The second major challenge is… pic.twitter.com/djqXmJAK9S — Press Trust of India (@PTI_News) September 5, 2025

पाकिस्तानची भारताला कमकुवत करण्याची रणनीती

जनरल चौहान यांनी आपल्या भाषणात सांगितले की, चीनसोबतचा सीमावाद हे भारतासमोरील सर्वात मोठे आव्हान आहे आणि ते भविष्यातही कायम राहील. त्याचबरोबर, पाकिस्तानचे छुपे युद्ध ही दुसरी मोठी समस्या आहे, ज्याची रणनीती नेहमीच भारताला हळूहळू कमकुवत करण्याची राहिली आहे. युद्धाची पद्धत आता बदलली असून त्यात सायबर आणि स्पेस यांसारख्या नवीन युद्धाच्या क्षेत्रांचा समावेश झाला आहे, असेही त्यांनी सांगितले. भारताच्या दोन्ही शेजारील देशांकडे अण्वस्त्रे असल्यामुळे, त्यांच्या विरोधात काय कारवाई करायची, हे ठरवणे नेहमीच कठीण काम असते.

हे देखील वाचा: ‘शांतता हवी असेल, तर युद्धासाठी तयार राहा’, CDS Anil Chauhan यांचा पाकिस्तानला थेट इशारा

‘ऑपरेशन सिंदूर’बद्दल जनरल चौहान यांचे मत

जनरल अनिल चौहान यांनी ऑपरेशन सिंदूरचा उल्लेख केला. ते म्हणाले की, या मोहिमेमध्ये सशस्त्र दलांना कारवाई करण्याचे पूर्ण स्वातंत्र्य दिले गेले होते. या मोहिमेचा उद्देश हा होता की, भारताच्या संयमालाही एक मर्यादा आहे, हे दाखवून देणे. जनरल चौहान यांनी सांगितले की, ‘ऑपरेशन सिंदूर’मध्ये लष्कराला योजना आणि लक्ष्य निवडण्याचे पूर्ण स्वातंत्र्य देण्यात आले होते. या मोहिमेचा उद्देश केवळ दहशतवादी हल्ल्याला प्रत्युत्तर देणे हा नव्हता, तर भारताच्या संयमाची मर्यादा दाखवणे हा होता. ते म्हणाले की, ही मोहीम अनेक क्षेत्रांमध्ये एकाच वेळी चालवली गेली होती, ज्यात सायबर युद्ध आणि लष्कराच्या विविध तुकड्यांमधील समन्वय यांचा समावेश होता.