शरद पवारांनी सर्व नियम पायदळी तुडवले; ते घर चालवल्याप्रमाणे पक्ष चालवायचे; अजित पवार गटाचा मोठा दावा

Sharad Pawar Vs Ajit Pawar : राष्ट्रवादीची लढाई निवडणूक आयोगात पोहचल्यानंतर आता अजित पवार गटाने आपल्याकडेच आमदारांची संख्या सर्वाधिक असल्याचा दावा करीत. शरद पवार आपल्या मर्जीनेच पक्ष चालवित असल्याचा आरोप केला आहे. त्याचबरोबर आपले घर चालवल्याप्रमाणे ते पक्ष चालवित होते, असा घणाघाती आरोपदेखील त्यांनी केला.

Sharad Pawar Vs Ajit Pawar : पक्षाच्या अंतर्गत कामात लोकशाहीचा अभाव असल्याचे सांगत एकच व्यक्ती पक्षावर अधिकार गाजवू शकत नाही, राष्ट्रवादीमध्ये (NCP) हेच सुरू होते, असा आरोप अजित पवार (Ajit Pawar) गटाने केला. शरद पवार हे (Sharad Pawar) घर चालवल्याप्रमाणे पक्ष चालवत होते. पक्षात लोकशाहीचा अभाव होता असा मोठा दावा अजित पवार गटाने केला आहे. तसेच आमदारांची संख्या आपल्याकडे मोठी आहे, त्यामुळे पक्ष आमचाच आहे असा दावाही त्यांनी केला. राष्ट्रवादी पक्ष कुणाचा यावर आज पुन्हा सुनावणी सुरू असून अजित पवार गटाच्या वतीने युक्तिवाद करण्यात येत आहे.

शरद पवार यांच्याकडून सिंघवी करणार युक्तीवाद

अजित पवार गटाकडून नीरज किशन कौल (Neeraj Kishan Kaul) आणि मनिंदर सिंह (Maninder Singh) हे युक्तिवाद करत आहेत. तर शरद पवार यांच्याकडून अभिषेक मनू सिंघवी (Abhishek Singhvi) हे युक्तिवाद करणार आहेत.

अजित पवार गटाकडून सादिक अली केसचा दाखला

आमदारांची संख्या आमच्याकडेच, अजित पवार गटाचा सादिक अली केसचा दाखला
राष्ट्रवादीचे कार्याध्यक्ष प्रफुल्ल पटेल हे आमच्यासोबत असून त्यांच्या सहीनेच नवीन नियुक्त्या करण्यात आल्याचा दावा अजित पवार गटाकडून करण्यात येत आहे. अजित पवार गटाकडून पुन्हा एकदा आमदारांच्या संख्येचा दाखला देण्यात आला आहे. पक्ष आणि चिन्ह कुणाचं याचा निर्णय कार्यकर्ते घेतील असं अजित पवार गटाने निवडणूक आयोगाला सांगितलं. अजित पवार गटाने सादिक अली केसचा दाखला दिला. सादिक अली केसमध्ये आमदारांची संख्येला महत्व देण्यात आलं होतं. तसेच अजित पवार गटाकडून शिवसेनेच्या केसचाही दाखला देण्यात येत आहे.

अजित पवार गटाकडून युक्तिवाद

महाराष्ट्र विधानसभेचे 53 पैकी 42, विधानपरिषदेचे 9 पैकी 6 आणि नागालँडमध्ये 7 पैकी 7 असे 55 आमच्या पाठिशी, तर लोकसभेत 5 पैकी 1 आणि राज्यसभेतील 4 पैकी 1 खासदार आमच्यासोबत आहेत आहेत असा दावा गेल्या सुनावणीच्या वेळी अजित पवार गटाकडून करण्यात आला होता. अजित पवार गटाकडून युक्तिवाद झाल्यानंतर नंतर शरद पवार गटाकडून युक्तिवाद केला जाणार आहे.

Sharad Pawar Vs Ajit Pawar NCP Crisis Live Update : सुनावणीचे लाईव्ह अपडेट्स
आमच्याकडे दीड लाखाहून अधिक शपथपक्ष आहेत.
नियमानुसार नियुक्त्या केल्या जात नव्हत्या. शरद पवार आपले घर चालवल्याप्रमाणे पक्ष चालवत आहेत.
अजित पवार गटाकडून सादिक अली केसचा दाखला दिला. सादिक अली केसमध्ये आमदारांच्या संख्येला महत्व देण्यात आले होते.
अजित पवार गटाचे वकील मनिंदर सिंह यांनी राष्ट्रवादीची घटना वाचून दाखवली.
जे स्वतः निवडून आले नाहीत ते इतरांच्या नेमणुका कशा करू शकतात. अजित पवार गटाचा शरद पवारांवर थेट आक्षेप.
पदाधिकाऱ्यांच्या फक्त नियुक्त्या व्हायच्या, निवडणूक व्हायच्या नाहीत.
आमच्याकडे एक लाखाहून शपथपत्रं आहेत, शरद पवारांकडे 40 हजार शपथपत्रं आहेत असं अजित पवार गटाने सांगितलं.
शरद पवारांनी सर्व नियम पायदळी तुडवले.
ज्यांची निवड पवारांनी केली तेच पवारांची निवड कशी करू शकतात?
पक्षात फूट आहे की नाही हे तुम्ही ठरवू शकता- अजित पवार गट
राष्ट्रवादी चिन्ह आम्हालाच मिळावं.
अजित पवार गटाकडे किती आमदार आहेत हे जाहीर करावं, शरद पवार गटाची मागणी.