उत्तराखंडमध्ये खळबळ! बद्रीनाथहून निघालेले हेलिकॉप्टर बेपत्ता, लोकेशन मिळत नसल्याने वाढली चिंता
मिळालेल्या प्राथमिक माहितीनुसार, बद्रीनाथ धामहून निघालेल्या हेलिकॉप्टरशी अचानक संपर्क तुटला. त्यानंतर संबंधित यंत्रणांकडून हेलिकॉप्टरचा शोध घेण्याचे प्रयत्न सुरू करण्यात आले. मात्र, बराच प्रयत्न करूनही हेलिकॉप्टरचे नेमके लोकेशन मिळत नसल्याची माहिती आहे. या घटनेनंतर स्थानिक प्रशासन आणि आपत्ती व्यवस्थापन पथकाने तातडीने शोधमोहीम हाती घेतली आहे.
E-100 च्या वाहनांना इंधन पुरवठा कसा करणार? सर्वोच्च न्यायालयाचा केंद्र सरकारला सवाल
बेपत्ता हेलिकॉप्टरचा शोध घेण्यासाठी दोन अन्य हेलिकॉप्टरची मदत घेण्यात येत आहे. ही दोन्ही हेलिकॉप्टर्स संबंधित परिसरात शोधकार्य करत असून बेपत्ता हेलिकॉप्टरचे लोकेशन शोधण्याचे प्रयत्न सुरू आहेत. बद्रीनाथ आणि जोशीमठदरम्यानच्या डोंगराळ भागात शोधमोहीम राबवली जात असल्याने प्रशासनासमोर आव्हान निर्माण झाले आहे.
घटनेची माहिती मिळताच स्थानिक प्रशासन आणि आपत्ती व्यवस्थापन पथकाने परिस्थितीवर लक्ष केंद्रित केले आहे. हेलिकॉप्टरचा संपर्क नेमका कोणत्या ठिकाणी तुटला, त्यामध्ये किती प्रवासी होते आणि हेलिकॉप्टरचे शेवटचे लोकेशन काय होते, याची माहिती मिळवण्याचे प्रयत्न सुरू आहेत.
मिळालेल्या माहितीनुसार, बेपत्ता झालेले हेलिकॉप्टर डोंगरावरील कड्यावर आदळून कोसळल्याची शक्यता व्यक्त केली जात आहे. जोशीमठमधील चाई गावाजवळ हेलिकॉप्टरचे शेवटचे लोकेशन मिळाले होते. यानंतर एसडीएमसह बचाव आणि मदत पथक घटनास्थळी रवाना झाले आहे. एसडीआरएफचे पथक डोंगरावर चढून शोधमोहीम राबवत आहे.
आपत्ती व्यवस्थापन अधिकारी नंदकिशोर जोशी यांनी दिलेल्या माहितीनुसार, जेपी धरणाच्या वरच्या बाजूला असलेल्या जंगलात पांढऱ्या रंगाच्या एखाद्या वस्तूला आग लागल्याची माहिती मिळाली आहे. या घटनेची सत्यता तपासण्यासाठी आणि परिस्थितीचा आढावा घेण्यासाठी अन्य हेलिकॉप्टरला हवाई पाहणीसाठी पाठवण्यात आले आहे.
मिळालेल्या माहितीनुसार, शुक्रवारी दुपारी राज्य सरकारच्या हेलीपॅडवरून दुपारी १ वाजून १२ मिनिटांनी ट्रान्स भारत कंपनीच्या ‘HCX’ हेलिकॉप्टरने बद्रीनाथ धामहून उड्डाण केले होते. देहरादूनमधील सहस्रधारासाठी हे हेलिकॉप्टर रवाना झाले होते. मात्र, उड्डाणानंतर अवघ्या १५ मिनिटांत हेलिकॉप्टरचा एटीसी (ATC) आणि आरटी (RT) संपर्क तुटला. त्यानंतर हेलिकॉप्टरशी संपर्क साधण्याचे सातत्याने प्रयत्न करण्यात येत आहेत. मात्र, अद्याप त्याचा ठावठिकाणा लागलेला नव्हता.
या हेलिकॉप्टरमध्ये पायलटसह एकूण सहा जण प्रवास करत होते. त्यामध्ये पायलट हिमांशू यांच्यासह प्रवासी प्रथापा, अरुण साळुंके, शंकरगौडा व्ही. जी., सुधीर के. आणि एच. एस. नागराजा यांचा समावेश होता.
देशातील 25 राज्यांना हवामान विभागाचा ‘रेड अलर्ट’; ओडिशा, आंध्र प्रदेशात चक्रीवादळाचा तडाखा
उत्तराखंडचे मुख्यमंत्री पुष्कर सिंह धामी यांनी या घटनेबद्दल दुःख व्यक्त केले आहे. चाई गाव, जोशीमठजवळ हेलिकॉप्टर कोसळल्याची दुर्दैवी माहिती मिळाल्याचे त्यांनी म्हटले आहे. जिल्हा प्रशासन, आपत्ती व्यवस्थापन विभाग आणि एसडीआरएफ यांच्या संयुक्त विद्यमाने बचावकार्य सुरू असल्याचे मुख्यमंत्र्यांनी सांगितले. संपूर्ण घटनाक्रमावर आपण सातत्याने लक्ष ठेवून असल्याचेही त्यांनी स्पष्ट केले.
गंभीर जखमींना तातडीने एअरलिफ्ट करून पुढील उपचारांसाठी मोठ्या रुग्णालयात हलवण्याचे निर्देश देण्यात आले आहेत. हेलिकॉप्टरमधील सर्व प्रवासी सुरक्षित असावेत, अशी प्रार्थना मुख्यमंत्र्यांनी केली आहे.
Ans: उत्तराखंडमधील चमोली जिल्ह्यात बद्रीनाथ धाम आणि जोशीमठदरम्यान हेलिकॉप्टर बेपत्ता झाल्याची माहिती समोर आली आहे.
Ans: स्थानिक प्रशासन आणि आपत्ती व्यवस्थापन पथकाने शोधमोहीम सुरू केली आहे. तसेच शोधकार्यासाठी अन्य दोन हेलिकॉप्टर तैनात करण्यात आल्याची माहिती आहे.
Ans: हेलिकॉप्टरचे लोकेशन अद्याप मिळालेले नाही. त्याच्याशी संपर्क साधण्याचे प्रयत्न सुरू आहेत.
.png "Videos"){kind=small}
