पंजाबला मुक्त करण्यासाठी हमाससारखा हल्ला करणार, खलिस्तानी दहशतवादी पन्नूची भारताला पुन्हा धमकी

खलिस्तानी पन्नू म्हणाला की, आज पॅलेस्टाईनकडून इस्रायलवर हल्ले होत आहेत. पंतप्रधान मोदींनी या हल्ल्यापासून धडा घेण्याची गरज आहे. इस्रायलच्या धर्तीवर भारताने पंजाबवर ताबा मिळवला आहे.

खलिस्तानी दहशतवादी आणि शीख फॉर जस्टिसचे प्रमुख गुरपतवंत सिंग पन्नूने (khalistani terrorist gurpatwant singh pannu) भारताला पुन्हा धमकी दिली आहे. भारत सरकार (indian government) आणि पंजाबचे मुख्यमंत्री भगवंत मान (Punjab Cm Bhagwant Singh Mann) यांना धमकावत पन्नू म्हणाले की, हमासने इस्रायलवर जसा हल्ला केला आहे तसाच हल्ला भारतावरही करू. भारत सरकार आणि मान यांना इस्रायलमधील हमास हल्ल्यापासून धडा घेण्यास सांगितले. ४० सेकंदांचा व्हिडिओ शेयर करत पन्नूने भारताविरुद्ध बोलताना दिसत आहे. आम्ही पंजाबला भारताचा भाग मानत नाही आणि तो स्वतंत्र करण्यासाठी प्रयत्न करत राहू असंही तो म्हणाला.

[read_also content=”हमासच्या दहशतवाद्यांचे १५०० हून अधिक मृतदेह सापडल्याच इस्रायलचा दावा, हल्ले सुरूच https://www.navarashtra.com/world/israel-army-claim-that-more-than-1500-terrorist-dead-bodies-found-in-gaza-nrps-468035.html”]

नेमकं काय म्हणाला गुरपतवंत सिंग पन्नू

गुरपतवंत सिंग पन्नू म्हणाला की, आज पॅलेस्टाईनकडून इस्रायलवर हल्ले होत आहेत. पंतप्रधान मोदींनी या हल्ल्यापासून धडा घेण्याची गरज आहे. इस्रायलच्या धर्तीवर भारताने पंजाबवर ताबा मिळवला आहे. भारताने हिंसाचार सुरू केला तर आम्हीही हिंसाचार सुरू करू. पन्नू या व्हिडिओमध्ये म्हणतो की, भारताने पंजाबमध्ये अतिक्रमण सुरूच ठेवले तर नक्कीच प्रतिक्रिया येईल. यासाठी पंतप्रधान मोदी आणि भारत सरकार जबाबदार असेल. ते म्हणाले, ‘सिख्स फॉर जस्टिसचा मतदानावर विश्वास आहे. तुम्हीही तुमच्या मतावर विश्वास ठेवा. पंजाब वेगळे होण्याचा दिवस जवळ आला आहे. तुम्हाला मतदान करायचे आहे की गोळी हवी आहे?

‘…मग आपल्याला इस्रायलसारखे भयानक दृश्य पहावे लागेल’

पन्नू म्हणाला की, पंजाबमध्ये राहणाऱ्या लोकांनी पॅलेस्टाईनप्रमाणे हिंसाचार सुरू केला तर परिस्थिती विनाशकारी होईल. भारताने पंजाबला मुक्त करावे, असे ते म्हणाले. तसे न केल्यास इस्रायलसारखे भयंकर दृश्यही पहावे लागेल. काही दिवसांपूर्वी पन्नूने क्रिकेट विश्वचषकादरम्यान नरेंद्र मोदी स्टेडियमवर खलिस्तानी झेंडा फडकवण्याची धमकी दिली होती, अशी माहिती आहे. याबाबतची एक ऑडिओ क्लिप समोर आली आहे. त्यात त्याने म्हटले की, क्रिकेट विश्वचषक नव्हे, तर दहशतवाद विश्वचषक 5 ऑक्टोबरपासून सुरू होणार आहे. सामन्याच्या दिवशी स्टेडियममध्ये फक्त खलिस्तानचा झेंडा दिसणार आहे. हरदीपसिंग निज्जरच्या हत्येचा बदला घेतला जाईल, असे ते म्हणाले.

दुसरीकडे, या वर्षी मार्चमध्ये लंडनमधील भारतीय उच्चायुक्तालयावर हल्ला करून हिंसक अशांतता निर्माण केल्याप्रकरणी एका संशयिताला नुकतीच अटक करण्यात आली होती. लंडन मेट्रोपॉलिटन पोलिसांनी सांगितले की, इंडिया हाऊससमोर झालेल्या निदर्शनादरम्यान अटक करण्यात आलेल्या व्यक्तीचा 19 मार्चच्या निषेधाशी संबंध असल्याचेही आढळून आले होते आणि चौकशीसाठी त्याला जामिनावर सोडण्यात आले होते. निदर्शनादरम्यान ब्रिटीश शिखांना पोलीस अधिकारी घेऊन जाताना दिसले. कॅनडाचे पंतप्रधान जस्टिन ट्रूडो यांनी दहशतवादी हरदीपसिंग निज्जरच्या हत्येमध्ये भारताचा संबंध असल्याच्या दाव्यावर आंदोलक ब्रिटीश सरकारकडून हस्तक्षेप करण्याची मागणी करत होते, तर भारताने हे आरोप नाकारले आहेत, त्यांना मूर्खपणाचे आणि प्रेरित म्हटले आहे.