शिक्षणासाठी मुख्यमंत्र्यांना आर्त साद, तब्बल सहा पोती पोस्टकार्डद्वारे लाखो आदिवासी मुलांनी केली विनंती

महाराष्ट्रातील लाखो आदिवासी मुलांनी ३ ते १८ वर्षांपर्यंत मोफत आणि सक्तीच्या शिक्षणाच्या हक्कासाठी पोस्टकार्ड मोहिमेद्वारे मुख्यमंत्री देवेंद्र फडणवीस यांच्याकडे भावनिक साद घातली आहे. या अभियानात तब्बल दोन लाखांहून अधिक पोस्टकार्ड मुख्यमंत्री कार्यालयात पाठवण्यात आली.

(फोटो सौजन्य: Pinterest)

Follow Us:

Follow Us:

• ३ ते १८ वर्षांपर्यंत मोफत व सक्तीच्या शिक्षणाच्या मागणीसाठी लाखो आदिवासी मुलांची पोस्टकार्ड मोहीम.
• मुख्यमंत्री कार्यालयात सहा पोत्यांमध्ये हजारो पोस्टकार्ड पोहोचली; अधिकृत नोंद करण्यात आली.
• ‘प्रिय देवाभाऊ, प्रत्येक मुलाला ३ ते १८ वर्षांपर्यंत मोफत शिक्षण द्या’ असा एकच संदेश सुमारे दोन लाख पोस्टकार्डवर लिहिण्यात आला.

POCSO Act Misuse: पालक ‘प्रतिष्ठेसाठी’ फौजदारी गुन्हे दाखल करतात; पॉक्सो कायद्याच्या गैरवापराबाबत सर्वोच्च न्यायालयाची चिंता

पोस्ट विभागासाठी हा अभूतपूर्व अनुभव ठरला आहे. २ जुलै २०२६ पासून राज्यातील दुर्गम आदिवासी भागांतील पोस्ट कार्यालयांतून मोठ्या प्रमाणावर पोस्टकार्डाचा ओघ सुरू झाला. पोस्टमन आणि कर्मचारी रात्रंदिवस शिक्कामोर्तब करण्याचे काम करत आहेत.

वयाच्या १४ वर्षांनंतरही शिक्षणाचा हक्क हवा

• सध्या शिक्षणाचा हक्क (आरटीई) कायदा केवळ १४ वर्षांपर्यंतच्या मुलांना मोफत शिक्षणाची हमी देतो. मात्र, बदलत्या काळात दारिद्रयाचे चक्र तोडण्यासाठी एवढे शिक्षण अपुरे असल्याचे श्रमजीवी संघटनेचे मत आहे.
• ३ ते १८ वर्षांपर्यंत मोफत व सक्तीचे शिक्षण हा विचार श्रमजीवी संघटनेचे संस्थापक, माजी आमदार आणि महाराष्ट्र शासनाच्या आदिवासी विकास आढावा समितीचे अध्यक्ष (मंत्री दर्जा) विवेक पंडित यांनी मांडला.
• संघटनेच्या संस्थापिका विद्युल्लता पंडित यांच्या वाढदिवसानिमित्त या अभियानाला सुरुवात करण्यात आली.
  या पोस्टकार्ड मोहिमेपूर्वी संघटनेच्या शिष्टमंडळाने मुंबईतील विधानभवनात
• मुख्यमंत्री देवेंद्र फडणवीस यांची भेट घेऊन सविस्तर निवेदन आणि पोस्टकार्डाची भव्य प्रत त्यांना सादर केली होती.
• ही मागणी राष्ट्रीय शैक्षणिक धोरण (एनईपी) २०२० आणि नीती आयोगाच्या शिफारशीशी सुसंगत असून प्रत्येक मुलाला माध्यमिक व उच्च माध्यमिक शिक्षणाची संधी उपलब्ध करून देण्याच्या उद्दिष्टाला बळ देणारी आहे.
• मुलांनी आपले काम केले आहे. त्यांनी आपल्या मनातील भावना पोस्टकार्डातून मुख्यमंत्रीपर्यंत पोहोचवल्या आहेत.
• आता संपूर्ण महाराष्ट्राचे लक्ष ‘देवाभाऊं ‘कडे लागले आहे. या लाखो मुलांच्या आर्त हाकेला मुख्यमंत्री काय प्रतिसाद देतात, याकडे संपूर्ण राज्याचे लक्ष लागले आहे.

पोस्ट कार्डवर कोणता संदेश दिला आहे ?

• अनेक ठिकाणी पोस्टपेटवाव या पोस्टकार्डानी अक्षरशः भरून वाहू लागल्या. श्रमजीवी संघटनेच्या राज्यव्यापी अभियानादरम्यान भिवंडी, वसई, मुरबाड, वाडा, कल्याण आणि इतर अनेक भागांत अत्यंत भावनिक दृश्ये पाहायला मिळाली.
• मुसळधार पावसाची पर्वा न करता लहान मुले एकलव्याचा वेश परिधान करून गावोगावी मिरवणुका काढत होती.
• हातात पिवळी पोस्टकार्ड घेऊन त्यानी आपल्या गावातील पोस्ट कार्यालयांमध्ये जाऊन पोस्टमनची आरती ओवाळून ती लाल पोस्टपेटीत टाकली. सुमारे दोन लाख पोस्टकार्डावर एकच संदेश लिहिला होता, ‘प्रिय देवाभाऊ, महाराष्ट्रातील प्रत्येक मुलाला ३ ते १८ वर्षांपर्यंत मोफत आणि सक्तीचे शिक्षण द्या.

Web Title: Lakhs of tribal children send postcards to cm devendra fadnavis demanding free education

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com