पूर्व दिल्लीच्या चांदणी चौकातील पार्किंगमध्ये भीषण आग; 16 कार जळून खाक

दिल्ली अग्निशमन सेवेच्या अधिकाऱ्याने सांगितले की, मध्यरात्री 1.17 वाजता ही घटना घडली आणि कोणतीही जीवितहानी झाली नाही. त्यानुसार, अग्निशमन दलाच्या नऊ गाड्या घटनास्थळी पाठवण्यात आल्या असून, चार तासांच्या अथक परिश्रमानंतर आग आटोक्यात आणण्यात आली.

नवी दिल्ली : पूर्व दिल्लीतील मधु विहार येथील महानगरपालिकेच्या पार्किंग क्षेत्रात रात्री लागलेल्या आगीत 16 गाड्या जळून खाक (Fire in Parking) झाल्या. दिल्ली अग्निशमन सेवेच्या अधिकाऱ्याने सांगितले की, मध्यरात्री 1.17 वाजता ही घटना घडली आणि कोणतीही जीवितहानी झाली नाही. त्यानुसार, अग्निशमन दलाच्या नऊ गाड्या घटनास्थळी पाठवण्यात आल्या असून, चार तासांच्या अथक परिश्रमानंतर आग आटोक्यात आणण्यात आली.

या घटनेप्रकरणी पोलिसांनी गुन्हा दाखल करून तपास सुरू केला आहे. या गाड्या स्थानिक लोकांच्या आहेत जे पार्किंग एरियामध्ये भाड्याने वाहने पार्क करतात. आगीच्या घटनेत 16 गाड्या जळून खाक झाल्याची पुष्टी केली. पार्किंग परिसरातील झुडपांना आग लागल्याने ही घटना घडली असावी, असा संशय आहे.

या पार्किंग केंद्रात 100 हून अधिक गाड्या उभ्या होत्या. परंतु पोलिसांनी आणि अग्निशमन विभागाने उर्वरित वाहनांना वाचविल्या. बुधवारी दुसऱ्या एका घटनेत उत्तर दिल्लीतील चांदनी चौकात लागलेल्या आगीत पाच दुकानांचे नुकसान झाले.