राष्ट्रपतींचे पंतप्रधान मोदींना सरकार स्थापनेसाठी निमंत्रण; 9 जूनला घेणार शपथ; 18 वी लोकसभा नवी तरुण ऊर्जा

President invites PM Modi to form government, will take oath on June 9

Follow Us

Follow Us:

NDA Government Formation : लोकसभा निवडणुकीत बहुमत मिळवल्यानंतर आज दिल्लीत NDA संसदीय मंडळाची बैठक पार पडली. या बैठकीत नरेंद्र मोदी यांची एनडीएच्या संसदीय पक्षाच्या नेतेपदी निवड करण्यात आली. यावेळी भाजपला बहुमत मिळवता आले नसल्यामुळे सरकार स्थापन करण्यासाठी टीडीपी आणि जेडीयू तसेच इतर मित्रपक्षांवर अवलंबून राहावे लागणार आहे. त्यामुळे त्यांना बरोबर घेत भाजप पुन्हा एकदा सरकार बनवत आहे. यासाठी पंतप्रधान नरेंद्र मोदींनी राष्ट्रपतींची भेट घेत सरकार स्थापनेचा दावा केला, अन् राष्ट्रपतींनी त्यांना 9 जूनची तारीख दिली आहे.

सरकारमध्ये टीडीपी आणि जेडीयूला मंत्रिपदे

सरकारमध्ये टीडीपी आणि जेडीयूला कोणती मंत्रिपदे मिळतील यावरूनही राजकीय चर्चा जोरात सुरू आहे. एनडीएच्या बैठकीत नेतेपदी निवड झाल्यानंतर नरेंद्र मोदी 9 जून रोजी तिसऱ्यांदा पंतप्रधानपदाची शपथ घेणार आहेत. याशिवाय भाजपने आज दिल्लीत आपल्या सर्व मुख्यमंत्री आणि उपमुख्यमंत्र्यांची बैठक बोलावली आहे. या बैठकीत पक्षाच्या लोकसभा निवडणुकीतील कामगिरीचा आढावा घेण्यात येणार आहे.

भाजपला उत्तर प्रदेशातून केवळ 33 जागा

यावेळी भाजपला उत्तर प्रदेशातून केवळ 33 जागा मिळाल्या असून, हा मोठा धक्का मानला जात आहे. अशा स्थितीत भाजप उत्तर प्रदेशातील संघटनेबाबत काही मोठे निर्णय घेऊ शकते, अशी शक्यता वर्तवली जात आहे. एक दिवसापूर्वी, यूपी भाजपचे अध्यक्ष भूपेंद्र चौधरी यांनी पराभवाची नैतिक जबाबदारी स्वीकारली आहे आणि राजीनामा देण्याची ऑफर देखील दिली आहे.

राष्ट्रपतींना सरकार स्थापनेचे निमंत्रण
आज राष्ट्रपतींनी मला फोन करून सरकार स्थापनेचे निमंत्रण दिल्याचे पंतप्रधान मोदींनी म्हटले आहे. त्यांनी मला शपथ घेण्यासाठी आमंत्रित केले. त्यासाठी 9 जूनची तारीख निश्चित करण्यात आली आहे. आम्ही लवकरच मंत्रिमंडळाची यादी तयार करू.

पुढील 5 वर्षात त्याच गतीने काम करू – पंतप्रधान मोदी
राष्ट्रपतींची भेट घेतल्यानंतर पंतप्रधान नरेंद्र मोदी म्हणाले की, 18 वी लोकसभा खूप महत्त्वाची असणार आहे. देशवासीयांनी एनडीएला सेवेची संधी दिली आहे. गेल्या दोन टर्ममध्ये देशात झपाट्याने विकास झाला आहे. मी खात्री देतो की येत्या 5 वर्षात देखील आम्ही त्याच समर्पणाने देशाच्या आशा आणि आकांक्षा पूर्ण करण्यात कोणतीही कसर सोडणार नाही.

18 वी लोकसभा ही एकप्रकारे नवी तरुण ऊर्जा

संबंधित बातम्या