
pm Narendra-modi-baramati-visit-cancelled-sharad-pawar
पंतप्रधान नरेंद्र मोदी हे लवकरच बारामती दौऱ्यावर येणार असल्याच्या चर्चा होत्या. सुरुवातीला ३ नोव्हेंबर किंवा १६ नोव्हेंबर या तारखांची चर्चा होती. मात्र नंतर शरद पवारांची तब्येत बिघडल्याने हा दौरा पुढे ढकलण्यात आला. आता पंतप्रधान मोदींच्या बारामती दौऱ्याला स्थगिती मिळाली असून याची माहिती शरद पवार यांनीच दिली आहे. तुर्तास तरी शरद पवारांचा दौरा रद्द झाल्याचे शरद पवारांनी नमूद केले आहे.
बारामतीमधील विद्या प्रतिष्ठानच्या परिसरात उभारण्यात आलेल्या प्रेरणास्थळाचे उद्घाटन हे आता शरद पवार स्वतः करणार आहेत. त्यांच्याच वाढदिवसाच्या दिवशी म्हणजे १२ डिसेंबरला हे उद्घाटन करण्यात येणार आहे. याचबरोबर भगवान गौतम बुद्ध यांच्या पुतळ्याचे अनावरण करण्यात येणार आहे.
सध्या राज्याच्या राजकारणामध्ये राष्ट्रवादी शरद पवार गट व अजित पवार गट यांच्या विलिनीकरणाच्या चर्चा सुरू आहेत. दोन्ही पक्षातील नेत्यांनी केलेल्या सूचक वक्तव्यांमुळे चर्चांना उधाण आले होते. यामध्ये शरद पवारांनी थेट पंतप्रधान मोदींनाच बारामतीमध्ये येण्याचे आमंत्रण दिल्याने, मोदींच्या या बारामती दौऱ्याकडे सर्वांचे लक्ष लागले होते. मात्र या दौरा तुर्तास रद्द झाला असून याबद्दल शरद पवारांनी स्वतः माहिती दिली.
शरद पवार यांच्यासह खासदार सुप्रिया सुळे, युगेंद्र पवार आणि जय पवार हे विद्याप्रतिष्ठानच्या कार्यालयात आले होते. पंतप्रधान नरेंद्र मोदी यांचा दौरा रद्द झाल्याची माहिती दिल्यानंतर शरद पवार हे पुन्हा आपल्या गोविंदबाग या निवासस्थानी रवाना झाले. दुसरीकडे विद्या प्रतिष्ठानच्या सेंट्रल बिल्डिंगमध्ये खासदार सुप्रिया सुळे,युगेंद्र पवार आणि जय पवार यांची अजूनही बैठक सुरू आहे.
Ans: पंतप्रधान नरेंद्र मोदींचा बारामती दौरा तूर्तास रद्द झाल्याची माहिती शरद पवार यांनी दिली आहे.
Ans: बारामतीतील विद्या प्रतिष्ठान परिसरात उभारण्यात आलेल्या प्रेरणास्थळाचे उद्घाटन शरद पवार यांच्या हस्ते करण्यात येणार आहे.
Ans: शरद पवार यांच्या वाढदिवशी म्हणजेच १२ डिसेंबरला प्रेरणास्थळाचे उद्घाटन होणार आहे. याच वेळी भगवान गौतम बुद्ध यांच्या पुतळ्याचेही अनावरण करण्यात येणार आहे.