साक्षी मलिकने स्पष्टच सांगितले, ना आम्ही आंदोलन मागे घेतले ना अल्पवयीन मुलीने तक्रार मागे घेतली
गेल्या दीड महिन्यांपासून साक्षी मलिक, बजरंग पुनिया आणि विनेश फोगट यांच्यासह आंतरराष्ट्रीय पदक विजेते कुस्तीपटू भारतीय कुस्ती महासंघाचे अध्यक्ष ब्रिजभूषण सिंग यांच्याविरोधात निदर्शने करत आहेत. ब्रिजभूषण यांच्यावर कुस्तीपटूंनी गंभीर आरोप केले आहेत. सिंग यांनी आपल्या पदाचा गैरवापर केल्याचे कुस्तीपटूंचे म्हणणे आहे.
नवी दिल्ली : रेसलिंग फेडरेशन ऑफ इंडिया (WFI) चे अध्यक्ष आणि भाजप खासदार ब्रिजभूषण शरण सिंह यांच्या विरोधात कुस्तीपटूंचे आंदोलन अजूनही सुरूच आहे. आंतरराष्ट्रीय पदक विजेती कुस्तीपटू साक्षी मलिकने याची पुष्टी केली आहे. न्याय मिळेपर्यंत आपले आंदोलन सुरूच राहणार असल्याचे साक्षी मलिकने म्हटले आहे. यादरम्यान, तिने असेही स्पष्ट केले आहे की ब्रिजभूषण विरुद्ध एफआयआर दाखल करणाऱ्या अल्पवयीन मुलीने तो मागे घेतला नाही.
कुस्तीपटूंची ही झुंज आता गृहमंत्री अमित शहांपर्यंत पोहोचली आहे. साक्षीने सांगितले की, ती दोन दिवसांपूर्वी शाह यांनाही भेटली होती. मात्र, त्यांनी या संभाषणाबद्दल काहीही स्पष्ट केलेले नाही. ब्रिजभूषण सिंग यांच्या विरोधात लैंगिक शोषणाचा एफआयआर दाखल करणाऱ्या अल्पवयीन मुलीने तो अद्याप मागे घेतला नसल्याचेही तिने चर्चेदरम्यान निदर्शनास आणून दिले आहे. तसेच कुस्तीपटूंनीही आंदोलन मागे घेतलेले नाही.
या आंदोलनात आपण पुढील रणनीती बनवत असून या आंदोलनात पुढे काय करणार हे लवकरच सांगणार असल्याचे साक्षीने चर्चेदरम्यान सांगितले. सामान्य जनतेची दिशाभूल केली जात असून ब्रिजभूषण यांच्यावर कोणतीही कारवाई होत नसल्याचे तिने म्हटले आहे. यावेळी तिने न्याय मिळेपर्यंत आंदोलन सुरूच ठेवण्याचा इशाराही दिला आहे.
गेल्या दीड महिन्यांपासून साक्षी मलिक, बजरंग पुनिया आणि विनेश फोगट यांच्यासह आंतरराष्ट्रीय पदक विजेते कुस्तीपटू भारतीय कुस्ती महासंघाचे अध्यक्ष ब्रिजभूषण सिंग यांच्याविरोधात निदर्शने करत आहेत. ब्रिजभूषण यांच्यावर कुस्तीपटूंनी गंभीर आरोप केले आहेत. सिंग यांनी आपल्या पदाचा गैरवापर केल्याचे कुस्तीपटूंचे म्हणणे आहे.
यादरम्यान कुस्तीपटूंनी अल्पवयीन खेळाडूवर लैंगिक शोषणाचा आरोपही केला आहे. सध्या दिल्ली पोलीस या प्रकरणाचा तपास करत आहेत. त्याचबरोबर पुरावे गोळा करून तपास करून हे प्रकरण न्यायालयात नेणार असल्याचे पोलिसांचे म्हणणे आहे.
Web Title: Sakshi malik clearly said that neither we withdrew the agitation nor the minor girl withdrew the complaint nrab
.png "Videos"){kind=small}
