नवी दिल्ली – सौदी अरेबियाचे क्राउन प्रिन्स मोहम्मद बिन सलमान नोव्हेंबरमध्ये पंतप्रधान नरेंद्र मोदींना भेटण्यासाठी भारतात येऊ शकतात. पंतप्रधान मोदींच्या निमंत्रणावरून सौदीचे क्राउन प्रिन्स नोव्हेंबरच्या मध्यात भारतात येऊ शकतात. त्यानंतर ते इंडोनेशियातील बाली येथे होणाऱ्या G२० शिखर परिषदेसाठी रवाना होतील.
सौदी राजकुमार यांची ही भेट पंतप्रधानांनी परराष्ट्र मंत्री एस जयशंकर यांच्यामार्फत पाठवलेल्या निमंत्रण पत्रानंतर होत आहे. वेळापत्रकानुसार मोहम्मद बिन सलमान १४ नोव्हेंबरला सकाळी भारतात पोहोचतील आणि नंतर निघतील. बिन सलमान यांच्या भारत भेटीपूर्वी सौदी अरेबियाचे ऊर्जा मंत्री अब्दुल अझीझ यांनी भारताला भेट दिली.
गेल्या आठवड्यात जेव्हा ओपेक देशांनी कच्च्या तेलाचे उत्पादन कमी करण्याचा निर्णय घेतला. आंतरराष्ट्रीय बाजारात तेलाच्या किमती स्थिर राहण्यासाठी उत्पादनात कपात करण्यात आल्याचे सौदी अरेबियाचे म्हणणे आहे. हा निर्णय कोणत्याही देशाच्या समर्थनाशी किंवा विरोधाशी संबंधित नसल्याचे त्यांनी म्हटले आहे. पण या निर्णयाचा भारतावर परिणाम होऊ शकतो. कारण भारत आपल्या गरजा भागवण्यासाठी ८०% कच्च्या तेलाची आयात करतो.
ओपेक देश हे भारताच्या कच्च्या तेलाच्या ६० टक्के गरजेचा पुरवठा करतात. यामध्ये सौदी अरेबिया, इराक, इराण, व्हेनेझुएलाचा समावेश आहे. हे सर्व देश ओपेकचे संस्थापक सदस्य आहेत. साहजिकच भारताच्या तेलाच्या बहुतांश गरजा या देशांतून भागवल्या जातात.
.png "Videos"){kind=small}
