Sugar Price : साखरेची किंमत ‘या’ गोष्टींवर ठरते; नितीन गडकरींनी सांगितले कृषी उत्पादनांच्या किमतीचे रहस्य

Sugar Price: केंद्रीय मंत्री नितीन गडकरी यांनी जागतिक बाजारपेठेतील सध्याच्या साखरेच्या किंमतीबाबत मोठे भाष्य केले आहे. ब्राझीलसारख्या देशातील मोठ्याप्रमाणात होणाऱ्या साखर उत्पादनाचा फटका भारतासारख्या देशांना बसत असल्याचे ते म्हणाले.

• आंतरराष्ट्रीय बाजाराचा प्रभाव
• ब्राझीलला यांत्रिकीकरणाचा फायदा
• साखर उद्योगासाठी नव्या व्यवसायांची गरज

 

केंद्रीय रस्ते व परिवहन आणि राजमार्ग मंत्री नितीन गडकरी यांनी मंगळवारी सांगितले की, साखरे (Sugar Price) समवेत कृषी उत्पादनांच्या किमती आता मुख्य रुपात जागतिक मागणी व पूर्ततेच्या आधारे निश्चित होत आहेत. तसेच आर्थिक अर्थव्यवस्थेच्या सध्याच्या स्थितीत सरकारची भूमिका त्यांच्या किमती निश्चित करण्यापर्यंतच मर्यादित राहिल्या आहेत.

नॅशनर फेडरेशन ऑफ को-ऑपरेटिव्ह शुगर फॅक्ट्रीज लिमिटेड (एनएफसीएसएफ)द्वारे आयोजित एका कार्यक्रमात गडकरींनी हे वक्तव्य अशावेळी केले, जेव्हा विविध राज्यातील मंत्री आणि उद्योग प्रतिनिधी साखरेच्या किमान आधारभूत किमतीच्या वाढीची मागणी करत आहेत. सध्या स्थानिक बाजारात साखरेच्या किरकोळ किमतीच्या पूर्ततेला कमी केल्यामुळे ती ७० रुपये किलोपर्यंत पोहचली आहे.

आंतरराष्ट्रीय बाजाराचा प्रभाव

गडकरी पुढे म्हणाले की, जागतिकीकरणाच्या काळात कृषी उत्पादनांच्या किमतींवर आंतरराष्ट्रीय बाजाराचा प्रभाव वाढला आहे. साखरेच्या किमतींवर विशेषतः ब्राझीलसारख्या मोठ्या उत्पादक देशांमधील उत्पादन आणि पुरवठ्याच्या प्रवाहाचा परिणाम होतो. त्याचप्रमाणे इतर कृषी उत्पादनांच्या किमतीही जागतिक बाजारपेठेतील प्रमुख उत्पादक देशांच्या परिस्थितीनुसार बदलत राहत असल्याचे त्यांनी स्पष्ट केले.

आता आपण जागतिक अर्थव्यवस्थेचा एक भाग आहोत. अशा परिस्थितीत कोणतेही सरकार कृषी उत्पादनांच्या किमती ठरवू शकत नाही, जरी सरकारला तसे करायचे असले तरी. गडकरी यांनी सांगितले की, प्रत्यक्ष परिस्थितीमुळे प्रशासकीय पद्धतीने ठरवलेल्या किमतींच्या मागण्या अंमलात आणणे अनेकदा कठीण होत असल्याचेही ते म्हणाले.

मोठी बातमी ! राम मंदिरात एक-दोन वेळा नाही तर तब्बल 105 वेळा दानचोरी; SIT कडून सुप्रीम कोर्टात पुरावे सादर

ब्राझीलला यांत्रिकीकरणाचा फायदा

भारतासमोरील स्पर्धात्मक आव्हानांचा उल्लेख करताना गडकरी म्हणाले की, ब्राझीलला मोठ्या प्रमाणावर यांत्रिकीकरण केलेल्या शेतीचा फायदा मिळतो, त्यामुळे तेथील उत्पादन खर्च तुलनेने कमी राहतो. ब्राझीलमध्ये साखर उत्पादनाचा खर्च सुमारे 23 रुपये प्रति किलो आहे, तर भारतात तो सुमारे 33 ते 34 रुपये प्रति किलो आहे. त्यामुळे ब्राझीलमध्ये साखरेचे अतिरिक्त उत्पादन झाले, तर त्याचा दबाव जागतिक बाजारपेठेबरोबरच भारतीय बाजारपेठेवरही पडत असल्याचे त्यांनी स्पष्ट केले.

Congress Criticized SIR Program: SIRमध्ये ७.८ कोटी मतदारांची नावे वगळली; काँग्रेसचा गंभीर आरोप

साखर उद्योगासाठी नव्या व्यवसायांची गरज

साखर उद्योगाच्या भवितव्याबद्दल बोलताना गडकरी म्हणाले की, केवळ साखर उत्पादनावर अवलंबून राहणे ही आता व्यवहार्य रणनीती नाही. त्यांनी साखर कारखाने आणि उद्योग क्षेत्राला बायोमासचा वापर, परालीपासून उत्पादने, सेंद्रिय खत आणि इतर मूल्यवर्धित उत्पादनांवर अधिक लक्ष केंद्रित करण्याचा सल्ला दिला आहे.

अशा उत्पादनांमुळे साखर कारखाने आणि शेतकरी या दोघांसाठीही अतिरिक्त उत्पन्नाचे स्रोत निर्माण होऊ शकतात आणि उद्योगाला दीर्घकालीन स्थैर्य मिळू शकते, असे त्यांनी सांगितले.