शाळांना सुट्टी ! मुसळधार पाऊस, चक्रीवादळाच्या पार्श्वभूमीवर सरकारने घेतला महत्त्वपूर्ण निर्णय

तामिळनाडूमध्ये फेंगल चक्रीवादळाच्या पार्श्वभूमीवर मदत कार्याच्या तयारीसाठी 17 NDRF टीम तैनात करण्यात आल्या आहेत. ज्यात चेन्नई, तिरुवरूर, मायिलादुथुराई, नागापट्टिनम आणि कुड्डालोर आणि तंजावर जिल्ह्यांचा समावेश आहे.

चेन्नई : अंदमान समुद्रात उगम पावलेले फेंगल हे तीव्र चक्रीवादळ भारताच्या किनाऱ्याकडे वेगाने सरकत आहे. अशा परिस्थितीत, चक्रीवादळामुळे तामिळनाडूच्या तीन जिल्ह्यांमध्ये आणि पुद्दुचेरीच्या काही भागात अतिवृष्टीबाबत हवामान खात्याने ‘रेड अलर्ट’ जारी केला आहे. असे असताना आता तामिळनाडूच्या किनारपट्टीच्या जिल्ह्यांकडील शाळांना सुट्टी जाहीर केली आहे. तामिळनाडूतील मुसळधार पावसाच्या पार्श्वभूमीवर चेंगलपट्टूच्या जिल्हाधिकाऱ्यांनी आज शाळेला सुट्टी जाहीर केली आहे.

हेदेखील वाचा : फेंगल चक्रीवादळ आज किनारपट्टीवर धडकणार, मुसळधार पावसाचा इशारा; ‘या’ 4 राज्यांमध्ये हाय अलर्ट

याशिवाय पुढील तीन दिवस राज्यात पावसाची शक्यता व्यक्त करण्यात आली होती. त्यानुसार, आता काही भागांमध्ये पावसाला सुरुवात झाली आहे. या वादळाचा प्रभाव बिहार, पश्चिम बंगाल, ओडिशा आणि आंध्र प्रदेशातही दिसून येईल, असे विभागाने म्हटले आहे. त्यामुळे या राज्यांनाही अलर्टवर ठेवण्यात आले आहे. फेंगल या चक्रीवादळामुळे तामिळनाडू, पुद्दुचेरी आणि आंध्र प्रदेशमध्ये मुसळधार पाऊस आणि जोरदार वाऱ्याचा इशारा देण्यात आला आहे. त्यानुसार, आता या भागांत मुसळधार पाऊस होताना दिसत आहे. या वादळामुळे तामिळनाडूमध्ये मदतकार्याच्या तयारीसाठी एनडीआरएफच्या 17 तुकड्या तैनात करण्यात आल्या आहेत.

तामिळनाडूमध्ये फेंगल चक्रीवादळाच्या पार्श्वभूमीवर मदत कार्याच्या तयारीसाठी 17 NDRF टीम तैनात करण्यात आल्या आहेत. ज्यात चेन्नई, तिरुवरूर, मायिलादुथुराई, नागापट्टिनम आणि कुड्डालोर आणि तंजावर जिल्ह्यांचा समावेश आहे. याशिवाय मुख्यमंत्री एम. के. स्टॅलिन यांनीही शाळा बंद ठेवण्याचे आदेश दिले आहेत. याशिवाय वादळाचा सामना करण्यासाठी मदत शिबिरे आणि आपत्कालीन ऑपरेशन केंद्रांमध्ये कडक बंदोबस्त ठेवण्यात आला आहे.

पावसामुळे साचले पाणी

फेंगल, चेन्नई आणि आसपासच्या चांगलपेट, कांचीपुरम आणि तिरुवल्लूर जिल्ह्यांमुळे, कुड्डालोर आणि नागापट्टिनम या उत्तरेकडील किनारी शहरे कावेरी डेल्टा प्रदेशात गेल्या दोन दिवसांपासून मुसळधार पाऊस पडत आहे. परिणामी, अनेक ठिकाणी पाणी साचले आहे. अशा स्थितीत अनेक भागात मोठ्या प्रमाणात वाहतूक कोंडी निर्माण झाली होती.

शहरी भागाची उपमुख्यमंत्र्यांकडून पाहणी

उपमुख्यमंत्री उदयनिधी स्टॅलिन यांनी शहरी भागाची पाहणी केल्यानंतर पाणी साचण्यापासून बचाव करण्यासाठी देखभालीचे काम सुरू ठेवण्याचा सल्ला अधिकाऱ्यांना दिला. देखभालीचा भाग म्हणून कालव्यातील गाळ काढण्याचे काम सुरू आहे. पावसामुळे चेन्नईतील 7 विमानांचे लँडिंग उशीरा झाले.

जागतिक बातम्या वाचण्यासाठी येथे क्लिक करा : बांगलादेशात ISKCON वर आज ‘निर्णयाचा दिवस’; उच्च न्यायालयात होणार महत्त्वाची सुनावणी