दिल्ली: ऑनलाईन कटेंटवर केंद्र सरकारने कारवाईचा बडगा उगारला आहे. केंद्र सरकारने अश्लील वेबसाईट्सवर बंदी घातली आहे. यामध्ये 18 स्ट्रीमिंग प्लॅटफॉर्म, 19 वेबसाईट्स, 10 अॅप्स आणि 57 सोशल मीडिया प्लॅटफॉर्मचा समावेश आहे. केंद्र सरकारच्या या कारवाईचे सर्वत्र स्वागत केले जात आहे. ही एक मोठी कारवाई करण्यात आलेली असून या साईट्सवर बंदी घालण्यात आली आहे.
विविध माध्यमातून अश्लील आणि असभ्य गोष्टी दाखवण्यात आल्या. त्यामुळे यावर केंद्र सरकारने कारवाई केली. केंद्रीय माहिती आणि प्रसारण मंत्री अनुराग सिंह ठाकूर यांनी अश्लीलता, असभ्यता आणि गैरवर्तन प्रकार वाढवण्यासाठी हे प्लॅटफॉर्म कारणीभूत ठरत असल्याचे सांगितले. तसेच ते म्हणाले, १२ मार्चला अश्लील आणि असभ्य कंटेंट टाकल्यामुळे १८ OTT प्लॅटफॉर्म काढून टाकण्यात आले आहेत. माहिती तंत्रज्ञान कायदा २००० च्या तरतुदीनुसार भारत सरकारच्या इतर मंत्रालये/विभाग आणि मीडिया आणि मनोरंजन, महिलांचे हक्क आणि बाल हक्क या क्षेत्रांतील तज्ज्ञांशी चर्चा करुन यावर निर्णय घेण्यात आला.
हे आहेत सरकारीने बंद केलेले अॅप्स
ड्रीम्स फिल्म्स, नियॉन एक्स व्हीआईपी, मूड एक्स, वूवी, बेशर्म्स, मोजफ्लिक्स, येस्मा, हंटर्स, हॉट शॉट्स व्हीआईपी, अनकट अड्डा, रॅबिट, फूजी, ट्राई फ्लिक्स, एक्ट्रामूड, चीकूफ्लिक्स, एक्स प्राइम, नियूफ्लिक्स आणि प्राइम प्ले यांसारख्या अॅप्सवर बंदी (Banned) घालण्यात आली आहे.
.png "Videos"){kind=small}
