‘मी सरकारची नोकरी करते, तुमची नाही…’; न्यायाधीशांनी पाणी आणण्यास सांगितल्याने भडकली महिला पोलिस

सरकारी नोकरी करताना अनेकदा वरिष्ठांच्या आदेशाचे पालन करावे लागते. त्यावेळी, समजुतीतून वरिष्ठांनी सांगितलेली वैयक्तिक कामेही केली जातात. मात्र, काही नोकरदार स्पष्टपणे वैयक्तिक कामांना नकार देऊन आपला परखडपणा दाखवून देतात. नुकताच सोशल मीडियावर बिहारमधील महिला पोलिसाचा एक व्हिडिओ व्हायरल होत आहे.

पाटणा : सरकारी नोकरी करताना अनेकदा वरिष्ठांच्या आदेशाचे पालन करावे लागते. त्यावेळी, समजुतीतून वरिष्ठांनी सांगितलेली वैयक्तिक कामेही केली जातात. मात्र, काही नोकरदार स्पष्टपणे वैयक्तिक कामांना नकार देऊन आपला परखडपणा दाखवून देतात. नुकताच सोशल मीडियावर बिहारमधील महिला पोलिसाचा एक व्हिडिओ व्हायरल होत आहे. त्यामध्ये, महिला पोलिस कॉन्स्टेबलने पाणी देण्यावरून थेट न्यायाधीशांसोबतच पंगा घेतल्याचे दिसून आले.

सोशल मीडियावरील व्हायरल व्हिडिओत, ‘मी सरकारची नोकर आहे, तुमची नाही. मग, तुमचे काम का करू?,’ असा थेट सवाल महिला पोलिसाने न्यायाधीश महोदयांना केल्याचे दिसून येत आहे. न्यायाधीशांनी महिला कॉन्स्टेबल पाणी आणण्यासाठी सांगितले होते. त्यावर, महिलेने नकार दिला. त्यामुळे न्यायाधीशांनी कारवाई करण्याची धमकी दिली होती. त्यावरून, न्यायाधीश व महिला पोलिस कॉन्स्टेबल यांच्यात वाद सुरू झाला.

दरम्यान, महिला कॉन्स्टेबलला एका कार्यक्रमात ड्युटी लावण्यात आली होती. तेथे उपस्थित असलेल्या न्यायाधीश महोदयांनी नाश्ता केला, त्यानंतर तेथील महिला कॉन्स्टेबलला एक बॉटल पिण्याचे पाणी आणण्याची सूचना केली. पाणी आणण्यास सांगितल्याने महिला कॉन्स्टेबलला राग अनावर झाला. ‘आम्ही सरकारचे नोकर आहोत, सरकारचे काम करणार. कुणाचे खासगी नोकर नाहीत, त्यांचे काम करायला’, असे प्रत्युत्तर महिला पोलिसाने दिले.

विशेष म्हणजे न्यायाधीश महोदयांनी स्वतः नाश्ता केला. पण, ड्युटीवरील पोलिसांना नाश्त्यासंदर्भात विचारले नाही. त्यामुळेही, पोलिस संतापले होते. दरम्यान, तेथील इतर पोलिस कर्मचाऱ्यांनीही महिला कॉन्स्टेबलचे समर्थन केले आहे.