“हाच पाकिस्तानचा खरा चेहरा”, ऑपरेशन सिंदूरनंतर असदुद्दीन ओवेसी काय म्हणाले?

ऑपरेशन सिंदूरनंतर पाकिस्तान जगभरात दहशतवाद्यांना पोसत असल्याचे स्पष्ट झाले. त्यातच पाकिस्तानी सोशल मीडियावर खोट्या बॅटमुले पसरवत मुस्लिम देश आणि युरोपियन राष्ट्रात सहानुभूती मिळवण्याचा प्रयत्न करत आहे. तर भारतीय परराष्ट्र खाते आणि लष्कराने घेतलेल्या संयुक्त पत्रकार परिषदेत पुराव्यांसह पाकड्यांना उघडे नागडे करण्यात आले. आता एआयएमआयएमचे प्रमुख आणि खासदार असदुद्दीन ओवेसी यांनी सुद्धा पाकिस्तानला खडे बोल सुनावले आहेत. त्यांनी पाकिस्तान हा विश्वासघातकी असल्याने त्याविषयी सुद्धा खबरदारी घेण्याचे सूतोवाच केले आहे.

काय म्हणाले असदुद्दीन ओवेसी?

“आपल्या सर्वांना वाटत आहे की, पाकिस्तान गुडघ्यावर आला आहे. पण असे नाही. कोणत्याही भ्रमात राहू नका. अमेरिकेने हाफिज सईद याच्या मुलाला दहशतवादी घोषित केले आहे. पाकिस्तानमध्ये जे दहशतवादी मारल्या गेले. त्यांच्या अंत्यविधी यात्रेत- नमाजे जनाजा मध्ये सईदचा मुलगा आला. त्याच्यासोबत पाकिस्तानी लष्कराचे अधिकारी आणि इतर अनेक दहशतवादी आल्याचे दिसून आले आहे. हाच पाकिस्तानचा खरा चेहरा आहे. त्यामुळे आपण कोणत्याही भ्रमात राहू नये. हे लोक अद्याप गुडघ्यावर आलेले नाहीत.” असे प्रांजळ मत खासदार असदुद्दीन ओवेसी यांनी व्यक्त केले.

India Vs Pakistan War: भारताने दाखवली एकवटलेली तिन्ही दलांची ताकद; जाणून घ्या भारताच्या तीन हिरोंबद्दल

संबंधित बातम्या