संसदेत घुसखोरी करणाऱ्यांना कोणाच्या शिफारसीमुळे मिळाले पास; या खासदाराचे नावे आले समोर, वाचा सविस्तर रिपोर्ट

नवी दिल्ली : लोकसभेबाहेर धुराच्या नळकांड्या फोडल्याने त्याचदरम्यान लोकसभेबाहेर कलर स्मोक अर्थात रंगीत धुराच्या नळकांड्या घेऊन आंदोलन केल्याने दोघांना ताब्यात (Security Breach) घेण्यात आले आहे. त्यापैकी एक जण महाराष्ट्रातील लातूर जिल्ह्यातला (Latur District) आहे.

एकूण चार जणांना ताब्यात घेत तपास सुरू

संसदेची कडक सुरक्षा व्यवस्था भेदून लोकसभेचे कामकाज सुरू असताना भर सभागृहात गॅलरीतून उडी घेत दोन तरुणांकडून स्मोक क्रॅकर उडवण्याचा खळबळजनक प्रकार घडला आहे. या दोघांसह संसद भवनाच्या बाहेरून दोघांना अशा एकूण चार जणांना ताब्यात घेण्यात आले आहे. त्यांची आता कसून चौकशी सुरू आहे.

अद्याप ते कोण आहेत? कोणत्या हेतूने त्यांनी हे कृत्य केले? हे कळू शकलेले नाही. पण, त्यांना संसदेत एन्ट्रीसाठी एका खासदाराच्या शिफारशीने पास उपलब्ध करून दिले तो खासदार कोण आहे? जाणून घेऊयात.

म्हैसूरचे खासदार

खासदार प्रताप सिम्हा (MP Pratam Simha) यांच्या शिफारशीने संसदेत गोंधळ घालणाऱ्या तरुणांना पास मिळाले होते. हे खासदार प्रताप सिम्हा कर्नाटकातील म्हैसूरचे खासदार आहेत. त्यांचे वय ४२ वर्षे असून ते भाजपचे खासदार आहेत.

प्रताप सिम्हा यापूर्वी पत्रकार होते. त्यांनी कन्नड भाषेतील विविध वृत्तपत्रांमध्ये स्तंभलेखन केले आहे. प्रताप सिम्हा हे कट्टर हिंदुत्ववादी राजकारणासाठी ओळखले जातात. ते कर्नाटकातील भारतीय जनता युवा मोर्चाचे अर्थात भाजयुमोचे अध्यक्ष आहेत.

पत्रकार म्हणून करियरला सुरुवात

प्रताप सिम्हा यांचा जन्म कर्नाटकमधील सुंदर हिलस्टेशन सकलेशपूर येथे झाला. त्यांनी आपल्या करियरची सुरुवात विजया कर्नाटक या वर्तमानपत्राच्या पत्रकाराच्या रुपाने झाली. हे वर्तमानपत्र कर्नाटकातील एक दैनिक आहे.