कधीच स्टार व्हायचं नव्हतं

प्रोमो पाहून रणवीर सिंगची (Ranvir singh) प्रतिक्रिया
या सिनेमाचा टिझर आणि प्रोमो आला तेव्हा रणवीरने मला प्रश्न केला की, तू हा सिनेमा कधी केला? तू इतका ‘इंटेन्स सिनेमा’ केला आहेस की, विश्वासच बसत नाही.

अलिशा आणि दीपिकामध्ये किती साम्य आहे?
मी या सिनेमात अलिशा खन्नाची भूमिका साकारत आहे. अलिशा आणि मी खूपच वेगळी आहे. अलिशाने तिच्या आयुष्यात घेतलेले काही निर्णय मला नाही आवडले. अलिशासारखी मुलगी मी कधी नाही पाहिली. त्यामुळे अशी व्यक्ती साकार करणं माझ्यासाठी नक्कीच चॅलेंजिंग होतं आणि मी माझ्या अभिनयातून या व्यक्तिरेखेला न्याय देण्याचा पुरेपुर प्रयत्न केला आहे. तसंच अलिशा आणि माझ्यात एकाच गोष्टीचं साम्य आहे ते म्हणजे अलिशा जशी महत्त्वकांक्षी आहे तशी मी सुध्दा महत्त्वकांक्षी आहे.

सिध्दांत चतुर्वेदी आणि दीपिकाची केमेस्ट्री
‘गेहराईया’ या सिनेमामध्ये दीपिका आणि सिध्दांत चतुर्वेदीची केमेस्ट्री प्रेक्षकांना खूपच भावली आहे. तसंच या सिनेमातील दोघांच्या लव्हसीन, काही बोल्डसीनची खूपच चर्चा रंगतेय. या केमेस्ट्रीबाबत दीपिका सांगते, सिध्दांत खूपच मेहनती मुलगा आहे. अनेक स्वप्न आणि ध्येय घेऊन तो इथे आलाय. त्याच्यात अभिनेता म्हणून नवनवीन शिकण्याची जिद्द आहे. अडीज वर्षांपूर्वीचा सिध्दांत आणि आत्ताचा सिध्दांत यात आता खूपच फरक आहे. सुरुवातीला सीन करताना तो खूपच नर्व्हस होता. चित्रपटात दाखण्यात आलेले इंटिमेट सिन्स हे अगदी सहजपणे सादर करता आले, कारण या चित्रपटाचे दिग्दर्शक शकुन बत्रा हे शूटिंग सुरू असलेल्या सेटवर वेगळं वातावरण निर्माण करत होते. त्यामुळे सिन शूट करायला कोणतीही अडचण निर्माण झाली नाही.

मी स्वत:ला सिनिअर अभिनेत्री नाही मानत
मी गेली पंधरा वर्षे बॉलीवूडमध्ये काम करते आहे. पण अजूनही माझ्यात एक विद्यार्थीवृत्ती आहे आणि शेवटपर्यंत मी शिकतच राहणार आहे. मी स्वत:ला सिनिअर अभिनेत्री मानत नाही. मी सुरुवातीपासून नवनवीन गोष्टी शिकण्याची जिद्द ठेवली आहे. घरी स्पोर्टसचं बॅकग्राऊंड असल्यामुळे खूपच शिस्तबध्द होते. आजही आहे. खरंतर सुरुवातीचे काही वर्षे कशा प्रकारच्या फिल्मस करायच्या आहेत? हे समजण्यात गेली. मी काही फिल्मी बॅकग्राऊंडमधली मुलगी नाही. त्यामुळे 15 वर्षात खूप काही शिकले. काही चुका पण केल्या.

स्टारडम आणि दीपिका
मला वाटतं स्टारडम हे बायप्रोडक्ट आहे. मेहनत आणि खरेपणा हेच जास्त मह्त्त्वाचं असतं. मला सुध्दा एक दिवस सुपरस्टार व्हायचं आहे, हे ध्येय मी कधीच ठेवलं नव्हतं. फक्त चांगलं करण्याचं आणि प्रेक्षकांचं मनोरंजन करण्याचंच नेहमी ध्येय होतं. माझ्या कामामुळे
जर मी लोकांवर छाप पाडू शकले तर ती माझ्यासाठी खूपच मोठी गोष्ट असेल.

नातेसंबंध आणि दीपिका
माझ्या सगळ्या जवळच्या नातेसंबंधांबाबत मी खूपच पझेसिव्ह आहे. मला वाटतं नातेसंबंधांमध्ये नेहमीच एक संवाद असणं फार गरजेचं आहे. तसंच प्रत्येक नात्यात खरेपणा पाहिजे.