रणवीरकडे 3 व्हॅनिटी वॅन; शाहरुखची वॅन अवाढव्य! पण व्हॅनिटीची किंमत नेमकी असते तरी किती?

बॉलिवूड कलाकारांच्या व्हॅनिटी व्हॅनमुळे स्टारच्या नखऱ्यांबद्दल आता सर्वत्र चर्चा रंगल्याची पाहायला मिळत आहे. कशी आहे शाहरूख खानची व्हॅनिटी व्हॅन?

सध्या बॉलिवूडमध्ये फक्त सिनेमांबद्दल नव्हे, तर कलाकारांच्या मागण्या, वागणूक आणि सेटवरील “स्टार नखऱ्यांबद्दल” प्रचंड चर्चा रंगली आहे. या चर्चेच्या केंद्रस्थानी आहे अभिनेत्री दीपिका पादुकोण, जिला अलीकडेच ‘स्पिरिट’ आणि ‘कल्की २’ या बहुप्रतिक्षित चित्रपटांतून वगळल्याची बातमी समोर आली आहे. दरम्यान बॉलिवूडमध्ये बड्या स्टार्सचे सेटवर नखरे असतात, व्हॅनिटी व्हॅन्सची मागणी करतात, त्यांच्या स्टाफसाठीही पगार मागतात अशी टीका होत आहे. त्यातच आता रणवीर सिंहच्या सेटवर ३ व्हॅनिटी असतात हे समोर आलं आहे. तसंच शाहरुख खानचाही कमी थाट नसतो.

‘द हॉलिवूड रिपोर्टर इंडिया’च्या रिपोर्टनुसार, रणवीर सिंहच्या निकटवर्तियाने ही माहिती दिली आहे. रणवीर त्याच्या सिनेमाच्या सेटवर तीन व्हॅनिटी व्हॅन वापरतो. व्हॅनिटी वेंडर केतन रावल यांच्या हवाल्यानुसार, व्हॅनिटी व्हॅन ही सुरुवातीच्या काळात केवळ कामचलाऊ म्हणून वापरली जायची. म्हणजे आऊटडोअर शूटिंग वेळी कलाकारांना कपडे बदलता यावे आणि इतर सोयीसाठी अडचण नको म्हणून ती असायची. तर आता व्हॅनिटी व्हॅन ही आलिशान लाईफस्टाईलचा भाग बनली आहे.”रणवीर सिंगची प्रत्येक व्हॅन विविध गरजांसाठी वापरली जाते, एक मेकअपसाठी, दुसरी आरामासाठी, आणि तिसरी जिमसाठी.

‘सनी संस्कारी की तुलसी कुमारी’च्या प्रमोशनसाठी वरुण-जान्हवीचा मराठमोळा अंदाज, ‘ढगाला लागली कळ’ गाण्यावर जबरदस्त डान्स

शाहरुख खान याही बाबतीत मागे नाही. त्याचा व्हॅनिटी व्हॅन इतका मोठा आणि आलिशान आहे की, गर्दीच्या जागी तो पार्क करणंही शक्य होत नाही. या व्हॅनमध्ये हायड्रॉलिक तंत्रज्ञान, प्रायव्हेट स्पेस, आणि अत्याधुनिक सुविधा आहेत.

जॉन अब्राहमच्या व्हॅनिटी व्हॅनची खासियत म्हणजे त्याचे अनोखे डिझाईन आहे. एका बाजूला जमिनीपासून छतापर्यंत मोठी खिडकी असून, आतली सर्व इंटिरियर्स जेट काळ्या रंगात रंगवलेली आहेत. तर कंगना रणौतच्या व्हॅनिटी व्हॅनची खासियत म्हणजे शुद्ध शिसमाच्या लाकडापासून आतली सजावट करण्यात आली आहे.

The Hollywood Reporter च्या माहितीनुसार, बॉलिवूड स्टार्ससाठी वापरल्या जाणाऱ्या व्हॅनिटी व्हॅन्स या केवळ प्रवासासाठीच्या गाड्या नसून, त्या त्यांच्या दैनंदिन जीवनाचा महत्त्वाचा भाग बनल्या आहेत.

सोनम कपूर दुसऱ्यांदा होणार आई! कपूर कुटुंब नवीन पाहुण्याचं स्वागत करण्यासाठी सज्ज

या व्हॅन्सची किंमत मोठ्या प्रमाणावर वेगवेगळी असते

सामान्य व्हॅनिटी व्हॅन ही १५ ते २० लाख रूपये किंमतीची असते तर हाय-एंड लक्झरी व कस्टमाईज्ड व्हॅनिटी ही ७५ लाख ते १.५ कोटी पर्यंत असते.मेकअप, आराम, व्यायाम, विश्रांती आणि काम यासाठी खास डिझाइन केलेल्या या व्हॅन्स म्हणजे कलाकारांसाठी फिरती लक्झरी लाइफस्टाइलच.