मेहुणपुरा गणेश मंडळाचा सामाजिक संदेश
मंडळाच्या यंदाच्या संदेशांमध्ये ‘स्क्रीन टाइम घटवा, ड्रीम टाइम वाढवा’ हा विशेष लक्षवेधी संदेश देण्यात आला आहे. सध्याच्या काळात मोबाईल, सोशल मीडिया आणि विविध डिजिटल माध्यमांमध्ये वाढत चाललेला वेळ लक्षात घेता, तरुणांनी स्क्रीनसमोरचा अनावश्यक वेळ कमी करून शिक्षण, कला, क्रीडा, छंद आणि प्रत्यक्ष सामाजिक संवादासाठी वेळ द्यावा, असा संदेश यातून देण्यात आला आहे. ‘स्क्रीनमध्ये हरवू नका, खऱ्या जगापासून दुरावू नका!’ या आवाहनातून डिजिटल जगाच्या अतिवापराचे परिणाम अधोरेखित करण्यात आले आहेत.
याचबरोबर मंडळाने व्यसनमुक्तीचाही मुद्दा प्रभावीपणे मांडला आहे. ‘संयम ठेवा, नशेला दूर करा, यशाच्या वाटेवर पुढे चला!’, तसेच ‘नशे से दूरी, बाप्पा से यारी, बस इतनी सी बात है प्यारी!’ अशा संदेशांद्वारे अमली पदार्थ आणि अन्य व्यसनांपासून तरुणांनी दूर राहण्याचे आवाहन करण्यात आले आहे. गणेशोत्सवाच्या काळात मोठ्या संख्येने नागरिक आणि तरुण मंडळाच्या परिसरात येत असल्याने सामाजिक विषयांवरील हे संदेश प्रभावी ठरण्याची अपेक्षा आहे.
मेहुणपुरा सार्वजनिक गणेशोत्सव मंडळाची स्थापना १८९६ मध्ये झाली असून यंदा मंडळाचे १३१ वे वर्ष आहे. दीर्घ परंपरा असलेल्या या मंडळाकडून धार्मिक उत्सवाबरोबरच सामाजिक जाणीव निर्माण करणारे संदेश देण्यावर भर दिला जात आहे. मंडळाचे अध्यक्ष सचिन वसंतराव शिंदे, उपाध्यक्ष अनंत महादेव कावणकर, सचिव पराग शशिकांत ठाकूर, तर उत्सव प्रमुख संतोष शशिकांत कोलांबडे आहेत. ताराचंद रामनाथ सेवा ट्रस्ट आणि जय गणेश व्यासपीठ यांच्या सहकार्याने सामाजिक संदेश देण्यात येत आहेत.
Anant Chaturdashi 2026: अनंत चतुर्दशीच्या दिवशी १४ गाठींचा अनंत धागा बांधण्याचे काय आहे महत्त्व
मेहुणपुरा मंडळाचे संदेश
– स्क्रीन टाइम घटवा, ड्रीम टाइम वाढवा
– स्क्रीनमध्ये हरवू नका, खऱ्या जगापासून दुरावू नका
– संयम ठेवा, नशेला दूर करा
– नशेपासून दूर राहा, बाप्पाशी नाते जोडा
.png "Videos"){kind=small}
