MSRTC Revenue: ‘एसटी’ची दमदार कामगिरी! पुणे विभाग राज्यात अव्वल; तब्बल 20 कोटींपेक्षा…

ST Revenue: यंदाच्या आर्थिक वर्षांमध्ये एप्रिल व मे हे दोन महिने वगळता गेली चार महिने एसटी महामंडळाला सातत्याने तोटा सहन करावा लागत आहे.

एमएसआरटीसीने मिळवले 301 कोटींचे उत्पन्न
पुणे विभागाने मिळवले 20 कोटींपेक्षा जास्तीचे उत्पन्न
प्रताप सरनाईकांनी केले अधिकारी-कर्मचाऱ्यांचे अभिनंदन

पुणे: यंदाच्या दिवाळी हंगामात एसटीला तब्बल ३०१ कोटी रुपयांचे उत्पन्न मिळाले असून सर्वाधिक उत्पन्न पुणे विभागाने मिळवले आहे. त्या खालोखाल जळगाव व नाशिक या विभागाचा क्रमांक लागतो. चांगले उत्पन्न आणल्याबद्दल परिवहन मंत्री तथा एसटी महामंडळाचे अध्यक्ष प्रताप सरनाईक यांनी या विभागातील सर्व अधिकारी कर्मचाऱ्यांचे अभिनंदन केले आहे.या वर्षी १८ ते २७ आक्टोबर या दिवाळीच्या १० दिवसात एसटी महामंडळाला दररोज सरासरी ३० कोटी याप्रमाणे तब्बल ३०१ कोटी रुपये उत्पन्न मिळाले आहे. विशेष म्हणजे दिवाळी सुटीच्या परतीच्या दिवशी २७ ऑक्टोबरला ३९ कोटी ७५ लाख रुपये उत्पन्न मिळवून या वर्षातील सर्वाधिक उत्पन्नाचा नवा विक्रम केला आहे.

या विभागात सर्वाधिक उत्पन्न

पुणे विभाग २० कोटी ४७ लाख

जळगाव विभाग १५ कोटी ६० लाख

नाशिक विभाग १५ कोटी ४१

यंदा ३७ कोटी जास्त उत्पन्न मिळाले आहे.

या विभागत सर्वात कमी उत्पन्न

सिंधुदुर्ग, यवतमाळ, गडचिरोली, चंद्रपूर, धाराशिव या विभागांनी मात्र अत्यंत सुमार कामगिरी केल्यामुळे महामंडळाच्या एकूण उत्पन्नावर विपरीत परिणाम झाल्याचे दिसून येते.

MSRTC News: ‘लालपरी’ला दिवाळीमध्ये ‘लक्ष्मी’ दर्शन; ‘या’ विभागाला तब्बल 14 कोटींचे विक्रमी उत्पन्न

उत्पन्नाचे अपेक्षित लक्ष गाठण्यास एसटीला अपयश

यंदाच्या आर्थिक वर्षांमध्ये एप्रिल व मे हे दोन महिने वगळता गेली चार महिने एसटी महामंडळाला सातत्याने तोटा सहन करावा लागत आहे. अवकाळी पाऊस आणि पूर परिस्थिती यामुळे जून ते सप्टेंबर या कालावधीमध्ये महामंडळाला सुमारे १५० कोटी पेक्षा जास्त तोटा सहन करावा लागला. परंतु ऑक्टोबर महिन्यात दिवाळीचा हंगाम व सुट्ट्यांच्या कालावधीमुळे उत्पन्नात वाढ होईल अशी अपेक्षा होती. त्यामुळे प्रतिदिन ३४ कोटी रुपये याप्रमाणे ऑक्टोबर महिन्यात १०४९ कोटी रुपये उत्पन्न मिळविण्याचे लक्ष निर्धारित करण्यात आले होते.तथापि, ऐन दिवाळीचे काही मोजके दिवस सोडता दैनंदिन लक्ष गाठणे महामंडळाला शक्य झाले नाही.

‘लालपरी’ला दिवाळीमध्ये ‘लक्ष्मी’ दर्शन

दिवाळी सणानिमित्त पुण्यात राहणाऱ्या प्रवाशांना आपल्या गावी जाण्यासाठी पुणे एसटी विभागातून ९५७ ज्यादा गाड्या सोडण्यात आल्या होत्या. या गाड्यांद्वारे १० लाख ५१ हजार ३६६ प्रवाशांनी प्रवास केला. यामुळे पुणे एसटी विभागाला १४ कोटी ४ लाख ९६ हजार ४९८ रुपयांचे विक्रमी उत्पन्न मिळाले आहे.दिवाळी काळात बाहेर गावी जाणाऱ्या प्रवाशांच्या सोयीसाठी दरवर्षी एसटीकडून नियमित गाड्यांव्यतिरिक्त अतिरिक्त गाड्या सोडण्यात येतात. यंदाही ज्यादा गाड्यांचे नियोजन पुणे एसटी विभागाकडून करण्यात आले होते.