शनिवार, 24 ऑक्टोबर 2026
लंडन: गेल्या दीड वर्षापासून सुरु असलेलं कोरोना विषाणूचं (Corona Virus) संकट अजुन तरी संपण्याची चिन्हे दिसत नाहीत. पहिल्या २ लाटांमधून आपण सावरत नाही तोपर्यंत तिसऱ्या लाटेची (Third Wave) टांगती तलवार डोक्यावर लटकू लागली आहे. या तिसऱ्या लाटेत तर लहान मुलांना अधिक धोका असल्याचा इशारा देण्यात आला आहे.
[read_also content=”नात्याला काळिमा फासणारी घटना -१६ वर्षांच्या मुलाने नशेत आपल्या आईवरच केला बलात्कार https://www.navarashtra.com/latest-news/son-raped-his-mother-in-las-palmas-area-of-spain-nrsr-144483.html”]
कोरोना विषाणू प्रतिबंधक लस (Vaccine) आल्यानं सुटकेचा मार्ग तर सापडला आहे. पण जगभरात सर्वांचं लसीकरण (Vaccination) करणं हे मोठं आव्हान आहे. त्याचवेळी कोरोनाचा विषाणू सतत आपल्या रचनेत बदल करत आहे. त्यामुळे त्याच्या नवीन व्हेरिएंटवर सध्याची लस उपयुक्त ठरेल का हा मोठा प्रश्न आहे. अशा सगळ्या परिस्थितीत कोरोनाच्या तिसऱ्या लाटेची दहशत जगाला भेडसावू लागली आहे. ब्रिटनमध्ये (UK) संशोधकांनी हिवाळ्यात तिसरी लाट येण्याची(Third Wave To Strike In Winter) शक्यता वर्तवली आहे. या लाटेमुळे सरकारकडून पुन्हा एकदा लॉकडाऊनची (Lockdown)घोषणा होऊ शकते, असेही त्यांनी म्हटले आहे.
सिन्हुआ वृत्तसंस्थेच्या मते, कोरोना विषाणूचा एक नवीन प्रकार या हिवाळ्यात (Winter) ब्रिटनमध्ये सक्रिय होऊ शकतो. अशा परिस्थितीत येणारा हिवाळा त्रासदायक ठरू शकतो. या लाटेत मुले आणि वृद्ध मोठ्या संख्येनं या विषाणूला बळी पडू शकतात.
ब्रिटिश सरकारची सल्लागार संस्था ‘सायंटिफिक एडव्हायझरी ग्रुप फॉर इमर्जन्सी’नं (SAG) हा इशारा दिला असल्याचं वृत्तसंस्थेच्या अहवालात म्हटलं आहे. एसएजेचे सदस्य प्रोफेसर कॉलम सेम्पल यांच्या मते, ब्रिटनमध्ये कोरोना विषाणूच्या नवीन व्हेरिएंटचा प्रादुर्भाव होण्याची शक्यता आहे. ज्यामुळे देशात लॉकडाऊन लावण्याची गरज भासू शकते. हा हिवाळ्याचा सीझन यामुळे धोकादायक ठरण्याची शक्यता असून, अनेक अडचणींना सामोरे जावं लागण्याची चिन्हे आहेत. पुढच्या वर्षीचा परिस्थिती सुधारेल आणि सर्व व्यवहार सुरळीत होतील, अशी अपेक्षा त्यांनी व्यक्त केली आहे.
ब्रिटनच्या पब्लिक हेल्थ विभागाचे (Public Health) संचालक सुसान हॉपकिन्स यांनीही याबाबत इशारा दिला आहे. कोरोनाच्या नवीन व्हेरिएंटमुळे या हिवाळ्यात लॉकडाऊन लावावा लागू शकतो. विषाणूशी लढण्यासाठी कोरोना लस, चाचणी आणि इतर उपचार अशा सर्व सुविधा सज्ज असतील. त्यामुळे ही लढाई यशस्वीपणे लढू शकतो; मात्र काळजी घेणं महत्त्वाचं ठरणार आहे, असं त्यांनी म्हटलं आहे.
