हत्येप्रकरणी तुरुंगात जाण्याच्या भीतीने शाकिब अल हसनने घेतलाय निवृत्तीचा निर्णय? अखेर काय आहे कारण; वाचा सविस्तर

Shakib Al Hasan : भारत विरुद्ध बांगलादेश दुसरा कसोटी सामना कानपूरमध्ये होणार आहे. तत्पूर्वीच शकीब अल हसनने आंतरराष्ट्रीय कसोटीमधून निवृत्ती जाहीर केली. आपण जाणून घेणार आहोत त्याच्या अचानक निवृत्तीमागे काय आहे कारण.

Shakib Al Hasan Announces Retirement : बांगलादेशचा महान अष्टपैलू खेळाडू शकीब अल हसनने निवृत्तीची घोषणा केली आहे. मीरपूरमध्ये दक्षिण आफ्रिकेविरुद्धचा कसोटी सामना खेळला गेला तर तो त्याच्या कसोटी कारकिर्दीतील शेवटचा सामना असेल, असे शाकिबने म्हटले आहे. जर तो सामना झाला नाही तर भारताविरुद्धच्या कानपूर कसोटीनंतर त्याची दीर्घ स्वरूपातील कारकीर्द संपुष्टात येईल. यासोबतच त्याने टी-२० क्रिकेटमधूनही निवृत्ती जाहीर केली आहे. प्रश्न असा आहे की साकिबने अचानक निवृत्ती का जाहीर केली?

तुरुंगात जाण्याची भीती होती का?
बांगलादेशात अनेक महिने विद्यार्थ्यांची निदर्शने सुरू राहिली, त्यानंतर पंतप्रधान शेख हसीना यांना आपल्या पदाचा राजीनामा द्यावा लागला. देशातील निषेध तीव्र बनला होता आणि दरम्यान, रफीकुल इस्लाम नावाच्या व्यक्तीने त्याचा मुलगा रुबेलच्या हत्येसाठी शाकिब अल हसनसह 156 लोकांची नावे घेतली. तथापि, बांगलादेश क्रिकेट बोर्डाने एक निवेदन जारी केले होते की, कोणताही आरोप सिद्ध होईपर्यंत शाकिबला क्रिकेट खेळण्यापासून रोखले जाणार नाही.

शाकिब मायदेशी न परतल्याने दुबईमार्गे लंडनला

पाकिस्तानविरुद्धच्या मालिकेत खेळल्यानंतरही शाकिब मायदेशी न परतल्याने दुबईमार्गे लंडनला गेला होता. म्हणजे गेल्या दीड महिन्यापासून तो बांगलादेशला परतलेला नाही. साकिबला तुरुंगात जाण्याची भीती आहे का, ज्यामुळे तो अद्याप आपल्या देशात परतला नाही? बांगलादेशात एफआयआर दाखल झाल्यामुळे आणि तुरुंगात जाण्याच्या भीतीने साकिबने आपल्या कारकिर्दीला अलविदा करण्याचा निर्णय घेतला आहे का, असा प्रश्न उपस्थित होणार आहे. बांगलादेशात परतल्यानंतरच त्याच्यावर दाखल केलेल्या एफआयआरवर काय कारवाई होते हे कळेल.

शाकिबची कसोटी आणि टी-20 कारकीर्द
शाकिब अल हसनने क्रिकेटमध्ये केवळ फलंदाजीतच नाही तर गोलंदाजीतही विक्रम केले आहेत. आतापर्यंतच्या 70 कसोटी सामन्यांच्या कारकिर्दीत 4600 धावा करण्यासोबतच त्याने 242 विकेट्सही घेतल्या आहेत. दुसरीकडे, T20 क्रिकेटमध्ये त्याने 129 सामन्यांमध्ये 2551 धावा केल्या आहेत आणि 149 विकेट्सही घेतल्या आहेत.