Photo Credit- Social Medial
मुंबई: बदलापूर अत्याचार प्रकरणातील आरोपी अक्षय शिंदे याचा काल पोलिसांसोबत झालेल्या चकमकीत मृत्यू झाला. या प्रकरणावरून राजकीय पक्षांमध्ये आरोप प्रत्यारोप होऊ लागले आहेत. अक्षय शिंदेचा खरचं मृत्यू झाला की जाणीवपूर्व त्याचा एन्काऊंटर करण्यात आला असा आरोप विरोधकांकडून केला जात आहे. अशातच ठाकरे गटाच्या उपनेत्या सुषमा अंधारे यांनी या प्रकरणात पोलिसांच्या कारभारावर काही प्रश्न उपस्थित केले आहेत.
अक्षय शिंदे याला शिक्षा व्हायलाच पाहिजे होती पण कायद्याची प्रक्रिया बायपास होता कामा नये. पण बदलापूर प्रकरणात पहिल्या दिवसापासून पोलिसांनी निष्काळजीपणा केला. त्यानंतरही पोलिसांनी या प्रकरणाचा तपास संथ गतीने सुरू होता, असा आरोप त्यांनी केला. त्यानंतरही पत्रकार परिषद घेत सुषमा अंधारे यांनी पोलिसांच्या कारभारावर संशय व्यक्त केला आहेत.”अक्षय शिंदेला तळोजातून बदलापूरला न्यायचे होते तर गाडी मुंब्राकडे का नेली. पोलिसांनी अक्षय शिंदेचे चार्जशीट रविवारीच का फाईल केली गेली. इतक्या घाईने पाच वाजताच त्याला बाहेर का काढले गेले, बाहेर काढल्यानंतरही त्याच्याबाबतील पुरेशी काळजी का घेतली गेली नाही, हे सर्व संशयास्पद आहे.असा संशय सुषमा अंधारे यांनी व्यक्त केला आहे.
तसेच, “पोलिसांची रिव्हाल्व्हर अनलोड असते, ती लोड करून ठेवली जात नाही. पोलिसांनी रिव्हॉल्व्हर लॉक करून ठेवली नव्हती का, कोणत्याही रिव्हॉल्व्हरच लॉक काढणे सर्वसामान्य माणसाला शक्य नाही. त्याचं प्रशिक्षणच घ्यावे लागते. मग ते अक्षय शिंदेला कसे काढता आले, दोन्ही हातात बेड्या असणारा माणूस उठून, पोलिसाच्या होस्टरमध्ये ठेवलेलं पिस्तुल खेचून गोळीबार कसा करू शकतो?’ असाही प्रश्न सुषमा अंधारे यांनी उपस्थित केला आहे.
इतकेच नव्हे तर, बदलापूर पोलिसांनी अक्षय शिंदे हा गतीमंद असल्याचे सांगितलं होतं. जर तो गतीमंद होता, तर तो एवढा हिंस्त्र, चालाख, काही सेकंदात पिस्तुल ओढून घेणारा गुन्हेगार कसा झाला, असा सवालही सुषमा अंधारे यांनी उपस्थित केला.
हेही वाचा: कुणाला वाचविण्यासाठी शिंदे फडणवीस…?;अक्षय शिंदेचा शेवटचा व्हिडीओ दाखवत राऊतांचा थेट सवाल
तसेच, अक्षय शिंदेच्या मृत्यू संशयास्पद वाटण्याचे आणि त्यावर आक्षेप घेण्याचे आणखी एक कारण आहे. हैदराबादमधील तेलंगणामध्येही असेच एन्काऊंटर झाले होते. तेही बलात्काराचे आरोपी होते. त्या प्रकरणातील चारही आरोपींना घटनास्थळी नेताना त्यांचा एन्काऊंटर करण्यात आला बदलापूरच्या केसंमध्येही पोलीस अक्षय शिंदेला तळोजा येथून बदलापूरला घेऊन जात होते. इथेही घटनास्थळी घेऊन जाताना आरोपीचा एन्काऊंटर होतो आणि स्वसंरक्षणाचा बनाव केला जातो. याकडेही सुषमा अंधारे यांनी लक्ष वेधण्याचा प्रयत्न केला आहे.
