गरोदर महिलांसाठी किती फायदेशीर ठरतो योग? गायनॅकने सांगितले महत्त्व

Benefits Of Prenatal Yoga: 21 जून रोजी जागतिक योग दिन साजरा करण्यात येतो. आपल्या पूर्वपरंपरेनुसार योगाचे अनन्यसाधारण महत्त्व सांगण्यात आले आहे आणि योग आता आंतरराष्ट्रीय स्तरावर पोहचला आहे. गरोदरपणात योग करण्याचे नक्की काय फायदे होतात जाणून घेऊया.

गर्भवती मातांसाठी प्रसवपूर्व योगाचे फायदे होतात असे अनेक डॉक्टर्स सांगतात.  कोणत्याही गर्भवती महिलेला निरोगी बाळंतपणासाठी खूपच त्रास सहन करावा लागतो.मात्र त्यापूर्वी तयारीचे वर्ग, मानसिक आरोग्याची काळजी आणि श्वासोच्छवासावर लक्ष केंद्रीत करणे याचाही समावेश असतो. यासाठी अनेकदा योगाची मदत घेतली जाते. 

पूर्वी याबाबत अधिक माहिती नव्हती. मात्र आता बऱ्यापैकी यासाठी जागरूकता झाली आहे. याबाबत डॉ. मुक्ता कपिला, वरिष्ठ संचालक आणि एचओडी (ऑब्स्टेट्रिक्स आणि गायनॅकॉलॉजी), फोर्टिस हॉस्पिटल गुरुग्राम यांनी प्रसूतीपूर्व फायद्यांविषयी सांगितले आहे. (फोटो सौजन्य – iStock) 

प्रिनटल योग म्हणजे काय?

डॉक्टरांनी सांगितल्याप्रमाणे प्रसवपूर्व योग हा नियमित योगापेक्षा वेगळा आहे, तो खास गरोदर महिलांसाठी तयार करण्यात आला आहे. यामध्ये सुरक्षितपणे योग केले जाते आणि आई आणि मुलाच्या आरोग्यासाठी फायदेशीर आहे, जरी ते केवळ तज्ज्ञांच्या देखरेखीखाली केले पाहिजे. प्रिनेटल योगाचे नेमके काय फायदे होतात हे आपण या लेखातून जाणून घेऊया. 

[read_also content=”गरोदर राहण्यासाठी कधी ठेवावा शारीरिक संबंध https://www.navarashtra.com/lifestyle/want-to-get-pregnant-then-have-s-e-x-during-this-time-351471/”]

चांगली झोप मिळणे (Sleeping Benefits)

व्यायाम आणि विश्रांती तंत्रांचे संयोजन रात्री शांत झोप देऊ शकते. बऱ्याचदा गरोदरपणामध्ये झोप कमी होते. मात्र आई आणि बाळासाठी झोप घेणे अत्यंत आवश्यक आहे. त्यासाठी योग करण्याचा फायदा मिळतो. तुम्ही योग्य पद्धतीेन योग केल्यास, रोज रात्री चांगली झोप मिळण्यास मदत मिळते. 

सामर्थ्य आणि लवचिकता (Strength And Flexibility)

हे बाळाच्या जन्मासाठी आवश्यक असलेल्या स्नायूंना मजबूत करते, विशेषत: पेल्विक फ्लोअर, हिप्स आणि कोर. फुफ्फुस आणि जेंटल बॅकबेंडसारखी आसने स्नायूंचा टोन योग्य ठेवण्यास मदत करतात. गर्भधारणेदरम्यान होणाऱ्या वेदना कमी करतात आणि बाळाच्या प्रसूतीनंतर लवकर बरे होण्यास मदत करतात.

अस्वस्थता कमी होते (Ease Discomfort)

पाठदुखी, मळमळ, डोकेदुखी आणि श्वास लागणे यासारख्या सामान्य गर्भधारणेच्या समस्यांपासून योगामुळे आराम मिळतो. स्नायूंना स्ट्रेचिंग आणि टोनिंग केल्याने रक्तप्रवाह सुधारतो.  तसंच दीर्घ श्वासोच्छवासामुळे तुमच्या स्नायूंना ऑक्सिजन पोहोचतो, ताण कमी होतो.

लेबर पेनसाठी चांगले 

योगा नियमित केल्याने तुम्हाला तुमच्या शरीरावर विश्वास ठेवण्यास आणि बाळावर लक्ष केंद्रित करण्यासाठी श्वासोच्छवासाच्या तंत्रांचा वापर करण्यास शिकवते, जे प्रसूतीदरम्यान मदत करू शकते. यामुळे नॉर्मल डिलिव्हरी होण्यास मदत मिळते. 

मानसिक आरोग्याशी संबंधित फायदे

1. तणाव आणि चिंता कमी करणे:

गर्भवती महिलेला खूप तणाव असतो. अशा परिस्थितीत बाळाच्या जन्मापूर्वी योग तणाव आणि चिंता दूर करण्यात मदत करू शकतो. मात्र याची तयारी तुम्ही सुरूवातीपासूनच करायला हवी. 

2. उत्तम मानसिक आरोग्य

योगासनांना ध्यानासोबत जोडल्याने गर्भधारणेदरम्यान नैराश्य दूर होण्यास मदत होते. यामुळे आईला अधिक चांगले वाटते. ताजेतवाने राहण्यास आणि नको ते विचार दूर सारण्यास मदत मिळते.