स्वस्त पदार्थातून मिळेल उत्तम प्रोटीन
ज्यांना असे वाटते की शाकाहारी लोकांच्या जेवणात प्रोटीन योग्य प्रमाणात नसतात त्यांनी त्यांचे विचार बदलले पाहिजेत. कारण जिम ट्रेनरने स्वतः प्रथिने वाढवणारे 4 शुद्ध शाकाहारी पदार्थ सांगितले आहेत. हे इतर आरोग्य फायद्यांनी देखील परिपूर्ण आहेत. अगदी स्वस्त म्हणजे केवळ 10 रुपयांनाही हे पदार्थ मिळतात आणि ते तुम्ही विकत घेतले तर या पदार्थांमधून तुम्हाला 22 ग्रॅम ते 26 ग्रॅम प्रथिने मिळतील. दिवसभरात वेगवेगळ्या वेळी चारही पदार्थ खाल्ल्याने बहुतेक लोकांना संपूर्ण प्रथिने मिळू शकतात.
जेव्हा प्रथिने कमी असतात तेव्हा स्नायूंचे प्रमाण कमी होऊ लागते. केस गळू शकतात, हाडांची ताकद कमी होऊ शकते, मुलांची वाढ खुंटू शकते, संसर्ग होऊ शकतो आणि फॅटी लिव्हर आणि एडेमा होऊ शकतो. इतकेच नाही तर त्याच्या कमतरतेमुळे क्वाशिओरकर आणि मॅरास्मस सारखे घातक आजार होऊ शकतात. प्रथिने मिळविण्यासाठी बरेच लोक मांसाकडे वळतात. यामुळे फ्लू आणि संसर्गाचा धोका निर्माण होऊ शकतो. काही लोकांचे शरीर त्यांना योग्यरित्या पचवू शकत नाही आणि कोलेस्टेरॉलची पातळी धोकादायक देखील बनू शकते. प्रथिने मिळविण्यासाठी शाकाहारी अन्न खाणे हा सर्वात सुरक्षित मार्ग आहे. जिम ट्रेनर नितेश सोनी यांनी महत्त्वाच्या गोष्टी सांगितल्या आहेत (फोटो सौजन्य – iStock)
शेंगदाणे ठरतील प्रभावी
शेंगदाण्यातून मिळेल उत्तम प्रोटीन
हिवाळ्यात शेंगदाणे स्वस्त होतात. अगदी 10 रुपयात मिळणाऱ्या शेंगदाण्यामध्ये अधिक प्रमाणात प्रोटीन मिळते. साधारण 100 ग्रॅम शेंगदाण्यामध्ये 24 ग्रॅम प्रथिने मिळतात. हे निरोगी चरबींनी भरलेले आहेत. ज्यांना अ‍ॅलर्जी आहे अशा व्यक्तींनी याचे सेवन करू नये. मात्र बाकी व्यक्तींनी आपल्या रोजच्या नाश्त्यात वा अगदी संध्याकाळच्या स्नॅक्समध्ये याचा समावेश करून घ्यावा.
5 नॉनव्हेज पदार्थांमध्ये खच्चून भरलंय प्रोटीन, जास्त खाणे मात्र ठरेल जीवघेणे!
सत्तूचा वापर
प्रोटीनसाठी वापरा सत्तू
बाजारात सुमारे 100 ग्रॅम बेसनाची सत्तू पावडर 10 रुपयांना मिळते. एवढ्या सत्तूमध्ये 23 ते 24 ग्रॅम प्रथिने असतात. हे शरीराला थंड ठेवते आणि पोटासाठी खूप फायदेशीर आहे. नियमित तुम्ही रोज सकाळी सत्तू खाल्ल्यास त्याचा शरीराला फायदा मिळतो आणि शरीराला योग्य प्रोटीनही प्राप्त होते
काळे चणे खावेत
काळ्या चण्यातून मिळेल प्रोटीन
काळे चणे हे आरोग्यासाठी उत्तम ठरतात. तुम्ही जर 100 ग्रॅम काळे चणे खात असाल तर तुम्हाला 22 ते 23 ग्रॅम प्रथिने यातून मिळतात. लोह समृद्ध असल्याने, काळे चणे हे शरीरातील अशक्तपणावर मात करण्यास मदत करतात. काळ्या चण्यातून भरपूर फायबर मिळते आणि यामुळे तुमची हाडेदेखील मजबूत होतात
Protein Foods: शाकाहारी पदार्थ ज्यात भरलंय खच्चून प्रोटीन, आजच करा डाएटमध्ये समाविष्ट
सोयाबीन्स
आहारात करा सोयाबीनचा समावेश
सुमारे 50 ग्रॅम सोयाबीनचे तुकडे 10 रुपयांना मिळतात. यातून सुमारे 26 ग्रॅम प्रथिने मिळतात. काही लोकांना वाटते की ते पुरुषांसाठी हानिकारक असू शकते परंतु कोणतीही काळजी न करता दररोज 50 ग्रॅम सोया चंक्स खाऊ शकता. सोयाबीनची भाजी वा सोयाचा सलाडमध्ये तुम्ही उपयोग करून खाऊ शकता.
प्रोटीनसाठी काय खावे
.png "Videos"){kind=small}
