Champagne पिण्यामुळे राधिका आपटे जबरदस्त ट्रोल, New Born बाळावर काय होतो परिणाम

राधिका आपटेची एक सोशल मीडिया पोस्ट सध्या खूप चर्चेत आहे. यामध्ये, अभिनेत्री ब्रेस्ट पंपिंग करताना शॅम्पेन पीत आहे. या फोटोनंतर त्याला खूप ट्रोल केले जात आहे. बाळावर काय परिणाम होऊ शकतो

अभिनेत्री राधिका आपटे पुन्हा एकदा चर्चेत आली आहे. तिने सोशल मीडियावर एक फोटो शेअर केला आहे, ज्यामध्ये ती बाथरूममध्ये उभी राहून पोज देत आहे. या फोटोत तिच्या एका हातात ब्रेस्ट मिल्क पंप आणि दुसऱ्या हातात शॅम्पेनचा ग्लास आहे. हा फोटो समोर येताच अभिनेत्रीला चांगलेच ट्रोल करण्यात आले आहे. 

हा फोटो पाहून अनेकांना प्रश्न पडला आहे की जर नवीन आई स्तनपान करताना अल्कोहोल किंवा शॅम्पेन पिते तर त्याचा नवजात बाळावर काय परिणाम होतो किंवा नवजात बाळाच्या आईने खरंच दारू पिणे योग्य आहे का? बाळ जर अंगावर दूध पित असेल तर त्या आईने शँपेन पिणे योग्य ठरते का? या सगळ्याची उत्तरे आपण या लेखात जाणून घेऊया 

स्तनपानादरम्यान दारू पिणे कितपत योग्य?

प्रसूतीतज्ज्ञ डॉ. श्वेता पाटील म्हणतात की, स्तनपान करताना आईने अनेक निर्णय घेणे महत्वाचे आहे. विशेषतः जेव्हा अल्कोहोल किंवा शॅम्पेन घेण्याचा विचार येतो तेव्हा नवजात बाळाचे आरोग्य सर्वात आधी लक्षात घेतले पाहिजे. अशा महिलांनी दारूपासून अंतर ठेवावे अर्थात दारू पिऊ नये. कारण जेव्हा आई दारू पिते तेव्हा ते रक्तातील आईच्या दुधात मिसळू शकते. याचा अर्थ असा की अल्कोहोलचे सेवन नवजात बाळाच्या शरीरात पोहोचू शकते. ज्याचा त्यांच्या आरोग्यावर हानिकारक परिणाम होऊ शकतो.

Breastfeeding Week: योग्य पद्धतीने स्तनपान कसे कराल?

बाळासाठी किती हानिकारक

• स्तनपान करताना जास्त प्रमाणात अल्कोहोल किंवा शॅम्पेन पिण्याने नवजात बाळाच्या वाढीवर परिणाम होऊ शकतो
• आईने दीर्घकाळ मद्यपान केल्याने बाळाच्या झोपेची गुणवत्ता आणि वजन बिघडू शकते
• जर आई नवजात बाळाला स्तनपान देत असेल आणि तिने दारूचे सेवन केले तर नवजात बाळाला थकवा, कमकुवतपणा येऊ शकतो आणि चिडचिड वाढू शकते
• जास्त मद्यपान केल्याने आईच्या दुधाच्या उत्पादनावरही परिणाम होऊ शकतो. यामुळे, नवजात बाळाला आवश्यक पोषण मिळत नाही
• जास्त मद्यपान केल्याने केवळ नवजात बाळालाच नाही तर आईलाही नुकसान होऊ शकते. यामुळे त्यांचे शरीर डिहायड्रेट होऊ शकते

स्तनपानामुळे होतो स्तनाच्या कर्करोगाचा धोका कमी, तज्ज्ञांचा खुलासा

स्तनपान करणाऱ्या आईने काय करावे 

• जर तुम्ही दारू पीत असाल तर तुम्ही ती दिवसातून एकदा किंवा फक्त एक पेग प्यावी. यापेक्षा अधिक दारू पिणे चांगले नाही 
• स्तनपान देण्याच्या फक्त २-३ तास ​​आधी अल्कोहोल पिऊ शकता. यासाठी एक मर्यादा निश्चित करा
• जर तुम्ही तुमच्या बाळाला स्तनपान देत असाल तर दूध वेगळे करा आणि ते आधी साठवून ठेवा आणि नंतर ते दूध प्या
• दारू पिण्याने आईची झोप बिघडते आणि त्यामुळे दूधदेखील कमी येऊ शकतो 
• जास्त मद्यपान केल्याने स्मृतिभ्रंश होऊ शकतो

काय आहे राधिकाची पोस्ट See more