6 प्रकारच्या कॅन्सरचा धोका, कारण आहे दारू; कशी सोडवाल Alcohol ची सवय सोप्या टिप्स

Alcohol Side Effects: अल्कोहोल पिण्याच्या तोट्यांमध्ये फक्त दुसऱ्या दिवशी डोकेदुखी, उलट्या किंवा हँगओव्हरचा समावेश नाही. याचे इतरही अनेक तोटे आहेत जे नुकत्याच झालेल्या एका अभ्यासातून समोर आले आहेत.

अल्कोहोल प्यायल्याने लिव्हरला नुकसान होते हे तुम्ही अनेकदा ऐकले असेल, पण तुम्हाला माहीत आहे का की दारू पिण्याने 6 प्रकारच्या कर्करोगाचा धोका अर्थात अल्कोहोल कॅन्सर रिस्कदेखील वाढते. नुकतेच, अमेरिकेच्या अमेरिकन असोसिएशन फॉर कॅन्सर रिसर्चने (एएसीआर) एक संशोधन केले, ज्यामध्ये असे आढळून आले की दारू पिण्यामुळे 6 प्रकारच्या कर्करोगाचा धोका वाढतो. 

या कर्करोगांमध्ये घशाचा कर्करोग, स्तनाचा कर्करोग, मेंदूचा कर्करोग, यकृत आणि पोटाचा कर्करोग, अन्ननलिका कर्करोग आणि कोलोरेक्टल कर्करोग यांचा समावेश होतो. याबाबत अधिक माहिती आपण या लेखातून घेऊया (फोटो सौजन्य – iStock) 

अल्कोहोल पिण्याचे दुष्परिणाम 

अल्कोहोल प्यायल्याने केवळ हँगओव्हर किंवा उलट्यासारख्या समस्या उद्भवत नाहीत. याशिवाय कर्करोगांव्यतिरिक्त मद्यपान केल्याने इतर अनेक गंभीर आरोग्य धोके होऊ शकतात, जे भविष्यात घातक ठरू शकतात. जास्त मद्यपान केल्याने उच्च रक्तदाब, हृदयविकाराचा झटका आणि पक्षाघाताचा धोका वाढतो. एवढेच नाही तर दारूमुळे नैराश्य, चिंता, निद्रानाश, यकृताला सूज येणे, फुफ्फुसातील संसर्ग यांसारख्या गंभीर आरोग्य समस्यांचा धोका वाढतो.

महिनाभर दारू सोडल्यास शरीरात होईल ‘हे’ मोठे बदल, वाचून विश्वासच बसणार नाही!

See more

थोड्या प्रमाणात दारू पिणेही हानिकारक 

दारू पिण्याचे दुष्परिणाम त्वचेवरही दिसून येतात. अल्कोहोल शरीराचे निर्जलीकरण करते, ज्यामुळे त्वचा कोरडी आणि निर्जीव दिसते. एवढेच नाही तर डिहायड्रेशनमुळे त्वचेवर लालसरपणा येण्याची समस्या देखील होऊ शकते. त्यामुळे दारू कोणत्याही प्रकारची असली तरी ती आरोग्यासाठी हानिकारक असते. म्हणून, कमी प्रमाणात वाईन किंवा इतर कोणतेही अल्कोहोल पिणे फायदेशीर ठरेल अशी फसवणूक करू नका. कितीही दारू प्यायली तरी आरोग्याला हानीच पोहचवते.

म्हणूनच, जर तुम्ही दारू पिण्याचे शौकीन असाल किंवा त्याचे व्यसन असेल तर ते सोडण्याचा प्रयत्न करा. दारू पिण्याची सवय सोडवण्यासाठी तुम्ही काही छोट्या टिप्सची मदत घेऊ शकता. या वाईट सवयीपासून मुक्त होण्यास तुम्हाला खूप मदत होईल.

‘या’ गरिब देशात पिण्यात येते सर्वाधिक दारू; वाचा… दारु पिण्यात भारताचा क्रमांक कितवा?

See more

दारू पिण्याची सवय कशी सोडवाल

• मनाशी ठरवा आजपासून तुम्ही दारू पिणे बंद करणार आहात. यापुढे तुम्ही दारूपासून दूर राहण्याचा प्रयत्न कराल
• तुमच्या कुटुंबीयांना आणि मित्रांना सांगा की तुम्ही मद्यपान सोडत आहात. हे तुम्हाला नैतिक समर्थन देखील देईल आणि जेव्हा तुम्ही इतरांना वचन देता तेव्हा तुम्ही ते पूर्ण करण्याचा अधिक प्रयत्न करता
• दारू पिण्याचे व्यसन पूर्णपणे सोडणे सोपे नाही. म्हणून हळूहळू प्रयत्न करा. अल्कोहोलचे प्रमाण कमी करा आणि अल्कोहोल पूर्णपणे बंद करण्यासाठी अशी छोटी पावले उचला
• पब, क्लब इत्यादींमध्ये जाणे टाळा. अल्कोहोल सहज उपलब्ध असलेली ठिकाणे तुमचा संकल्प कमकुवत करू शकतात. त्यामुळे या ठिकाणी जाण्याऐवजी कॉफी शॉप किंवा बाहेर पार्क इत्यादी ठिकाणी भेटा
• मद्यपान न करणाऱ्या मित्रांसोबत जास्त वेळ घालवा. यामुळे तुम्हाला दारू न पिण्याची प्रेरणा मिळेल
• दारू पिणे सोडल्यानंतर Withdrawal Symptoms दिसतात. ते नियंत्रित करण्यासाठी, आपण डॉक्टरांशी संपर्क साधू शकता. यामुळे दारू सोडणे सोपे होईल

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.