नाश्त्यासाठी बनवा मराठवाड्याचा लोकप्रिय पदार्थ ‘सुशीला’; नोट करा रेसिपी

सकाळच्या किंवा संध्याकाळच्या नाश्त्यासाठी पौष्टिक आणि स्वादिष्ट पदार्थ बनवा. हा मराठवाड्यातील लोकप्रिय पदार्थ आहे. लहान मुलासह मोठ्यांनाही नक्की आवडेल. ही सोपी रेसिपी एकदा नक्की ट्राय करुन पाहा.

पावसाळा आला की रोज काही ना काही चमचमीत खाण्याची इच्छा होते. पण रोज रोज नवीन काय बनवायचे हा प्रश्न पडतो. तसेच नाष्टा पौष्टिक आणि स्वादिष्टही बनवायचा असतो. यासाठी आज तुम्ही नाष्ट्यासाठी ही हटके रेसिपी ट्राय करून बघा.

आपली भारतीय खाद्यसंस्कृती विविध भागांमध्ये खूप वेगळी आहे. आज मराठवाड्यातील लोकप्रिय रेसिपी तुम्हाला सांगणार आहोत. तुम्हाला सुशीला पदार्थ माहिती आहे का? किंवा ऐकला आहे का?  तर मराठवाड्यातील हा पदार्थ चुरमुऱ्यापासून बनवला जातो. अगदी पोह्यासारखाच असतो. चला तर मग चवीला स्वादिष्ट आणि बनवालाही खूप सोपी अशी सुशीला रेसिपी नोट करून घ्या.

सुशीलासाठी लागणारे साहित्य

• चुरमुरे/मुरमुरे
• बारीक चिरलेला कांदा
• बारीक चिरलेली मिरची
• बारीक चिरलेली कोथिंबीर
• भाजलेल्या शेंगदाणे किंवा शेंगदाण्याचा कूट
• हिंग
• हळद
• मीठ
• कडीपत्ता
• मोहरी
• जिरे
• तेल

कृती

• सर्वप्रथम कढईमध्ये तेल गरम करुन घ्या. त्यामध्ये जिरे, मोहरी, कडीपत्ता, मिरची, हिंग टाका.
• नंतर त्यात कांदा टाकून छान मऊ लालसर होईपर्यंत परतून घ्या.
• कांदा परतून होईपर्यंत मुरमुरे पाण्यातून भिजवून काढा. मुरमुऱ्यात पाणी जास्त राहणार नाही याची काळजी घ्या.
• आता ते मुरमुरे फोडणीमध्ये मिक्स करुन घ्या.
• त्यात तुमच्या आवडीनुसार शेंगदाणे किंवा शेंगदाण्याचं कूट घाला. मग चवीनुसार मीठ टाकून पुन्हा संपूर्ण मिश्रण मिक्स करुन घ्या
• कढईवर झाकण ठेवून मंद आचेवर 2 मिनिटे शिजू द्या. आणि 2 मिनीटांनंतर गॅस बंद करा.
• आता गरमागरम सुशिल्यावर लिंबू पिळून त्यावर बारीक शेव आणि बारीक चिरलेली कोथिंबीर भुरभूरुन टाका.

अशा पद्दतीने तयार होईल तुमचा गरमागरम सुशीला. लहान मुलासह मोठ्यांनाही नक्की आवडेल.  सकाळच्या किंवा संध्याकाळच्या वेळी तुम्ही ही सोपी रेसिपी एकदा नक्की ट्राय करुन पाहा.