हाता-पायांवरील काळवटपणा दूर करेल Bubble Mask; वापरण्याची योग्य पद्धत जाणून घ्या

तुम्हालाही उन्हाळ्यात टॅनिंगची समस्या जाणवते? मग महागड्या क्रीम्सचा वापर सोडा आणि घरातच बबल मास्कचा वापर करा. यातील नैसर्गिक घटक काळवटपणा दूर करून त्वचेचा रंग सुधारण्यास मदत करतात.

सध्या उन्हाळ्याचा ऋतू सुरु आहे. या ऋतूत अनेकांना आरोग्याच्या समस्यांबरोबरच त्वचेच्या ही समस्या जाणवत असतात. या ऋतूमध्ये सूर्याच्या प्रखर तेजामुळे आणि उष्णतेमुळे आपली त्वचा काळी पडत असते. यामुळे अनेकांना टॅनिंगची समस्या जाणवते. अशा परिस्थितीत, तुम्ही कितीही प्रकारचे सनस्क्रीन किंवा क्रीम लावले तरी आपली त्वचा टॅन होतेच. अशा परिस्थितीत, तुम्ही घरीच त्वचेवरील टॅनिंग दूर करु शकता आणि यासाठी पैसे घालवण्याचीही गरज नाही. हाता-पायांवरील टॅनिंग दूर करण्यासाठी आज आम्ही तुम्हाला एक घरगुती उपाय सांगत आहोत. यासाठी आपण घरगुती पदार्थांचाच वापर करणार आहोत. याचा वापर केल्याने तुमचे उन्हात काळे पडलेले हात आणि पाय स्वच्छ होतील आणि तुमचा रंग सुधारू लागेल.

रोजच्या या 5 चुका तुम्हाला वेळेआधीच करतात वृद्ध, आजच या सवयी बदला नाहीतर पश्चातापाची वेळ येईल

बटाट्याचा करता येईल वापर

बटाट्यांमध्ये ब्लीचिंग गुणधर्म असतात, जे त्वचेचा रंग सुधारण्यास आणि डाग हलके करण्यास मदत करतात. बरेच लोक काळी वर्तुळे दूर करण्यासाठी बटाट्याचे पातळ काप कापून डोळ्यांवर ठेवतात. आता आपण बटाट्यापासून बबल पॅक कसा तयार करायचा ते जाणून घेऊया.

बबल मास्क तयार कारण्यासाठी आवश्यक साहित्य

• बटाट्याचा रस – ४ चमचे
• तांदळाचे पीठ – १ चमचा
• बेसन – १ चमचा
• मुलतानी माती – १ टीस्पून
• बीटरूट पावडर – १/४ टीस्पून
• बेकिंग सोडा – १ टीस्पून
• दूध – २-३ चमचे

उन्हामुळे काळवंडलेला चेहरा पुन्हा नव्या सारखा सुंदर करण्यासाठी महागडा फेशिअल करण्यापेक्षा ५० रुपयांमध्ये करा चेहरा सुंदर

मास्क तयार कारण्याची पद्धत

• यासाठी सर्वप्रथम, एक वाटी घ्या आणि त्यात बटाट्याचा रस, तांदळाचे पीठ, बेसन, मुलतानी माती घाला आणि सर्वकाही चांगले मिसळा
• आता या पेस्टमध्ये बीटरूट पावडर, बेकिंग सोडा किंवा इनो आणि दूध घाला आणि मिक्स करा
• या सर्व गोष्टी चांगल्या प्रकारे मिसळून पेस्ट तयार करा आणि नंतर ती तुमच्या हातांना आणि पायांना लावा
• पॅक १०-१५ मिनिटे सुकू द्या आणि मग पाण्याने स्वतःला स्वच्छ करा
• पहिल्याच वापरात तुम्हाला दिसेल की टॅनिंग हलके कमी झाले आहे आणि त्वचा स्वच्छ झाली आहे
• तुम्ही आठवड्यातून दोनदा हा उपाय करू शकता, यामुळे निश्चितच तुम्हाला तुमच्या त्वचेवर फरक झालेला जाणवेल

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.