कमी खर्चात हनिमून ट्रिप प्लॅन करायची? तर भारतातील ही ऑफबीट डेस्टिनेशन ठरतील परफेक्ट

लग्नानंतरचा हनिमून हा नव्या नात्याची सुंदर सुरुवात असतो. गर्दीपासून दूर, शांत आणि निसर्गरम्य ठिकाणी जोडीदारासोबत घालवलेले क्षण आयुष्यभरासाठी खास आठवणी बनतात.

• लग्नाच्या सीजन सुरु झाला असून हनिमून डेस्टिनेशन सध्या चर्चेत आहेत.
• तुम्ही जर कमी खर्चात फिरायला जायचा विचार करत असाल काही बजेट फ्रेंडली ठिकाण तुमच्यासाठी परफेक्ट आहेत.
• आज आम्ही तुम्हाला भारतातील काही ऑफबीट डेस्टिनेशन सांगत आहोत जे फिरण्यासाठी उत्तम आहेत.

लग्नानंतर प्रत्येक जोडप्यासाठी सर्वात खास क्षण म्हणजे हनिमून. हा फक्त फिरायला जाण्याचा प्रवास नसून दोन मनांच्या नव्या आयुष्याची सुंदर सुरुवात असते. आजकाल हनिमून म्हटलं की गोवा, मनाली किंवा शिमला यांची नावं पटकन आठवतात. मात्र जर तुम्हाला गर्दीपासून दूर, शांत आणि निवांत वातावरणात एकमेकांसोबत खास वेळ घालवायचा असेल, तर भारतात अशी अनेक ठिकाणं आहेत जी रोमँटिक आणि निसर्गरम्य अनुभव देतात. चला तर मग, अशाच काही शांत आणि सुंदर हनिमून डेस्टिनेशनबद्दल जाणून घेऊया.

भारताच्या या शहराला म्हटले जाते चॉकलेट सिटी; 99% लोकांना माहिती नाही याच नाव…

तीर्थन व्हॅली – हिमाचल प्रदेश

हिमाचलमधील तीर्थन व्हॅली ही गर्दीपासून दूर असलेली शांत आणि निसर्गाच्या सान्निध्यात वसलेली जागा आहे. हिरव्यागार दऱ्या, स्वच्छ वाहणारी नदी आणि थंड हवामान यामुळे इथे एक वेगळाच रोमँटिक माहोल तयार होतो. इथे लाकडी होमस्टे आणि छोटे रिसॉर्ट्स उपलब्ध आहेत, जे बजेटमध्येही मिळतात. नदीकाठी फेरफटका मारणे, छोट्या ट्रेक्सला जाणे किंवा फक्त निसर्गाचा आनंद घेणे हनिमूनसाठी उत्तम पर्याय आहे.

गोकर्ण – कर्नाटक

जर तुम्हाला समुद्रकिनारा आवडतो पण गोव्यासारखी गर्दी नको असेल, तर गोकर्ण उत्तम पर्याय ठरू शकतो. ओम बीच आणि कुडले बीच हे शांत आणि स्वच्छ किनारे कपल्ससाठी खास आहेत. संध्याकाळी समुद्रावर मावळणारा सूर्य पाहत किनाऱ्यावरील कॅफेमध्ये बसून घालवलेला वेळ तुमच्या आठवणीत कायमचा राहील.

कल्पा – हिमाचल प्रदेश

कल्पा हे हिमाचलमधील आणखी एक शांत आणि रमणीय ठिकाण आहे. इथून दिसणारे किन्नौर कैलाश पर्वताचे दृश्य मन मोहून टाकते. बर्फाच्छादित शिखरे आणि प्रसन्न वातावरण हनिमूनला अधिक रोमँटिक बनवतात. इथे बजेट-फ्रेंडली हॉटेल्स आणि होमस्टे सहज उपलब्ध आहेत.

कसे जावे?
कल्पाला जाण्यासाठी रस्तामार्गे (बस/टॅक्सी) प्रवास करता येतो. रेल्वेने कालका किंवा शिमला पर्यंत जाऊन पुढे रस्त्याने जाता येते. जवळचे विमानतळ शिमला किंवा चंदीगड येथे आहेत.

ते रहस्यमय तलाव जिथे जातच जिवंत जीव बनतो दगड, लालभडक आहे पाणी… याचे गूढ अजून वैज्ञानिकांनाही उलगडले नाही

झिरो व्हॅली – अरुणाचल प्रदेश

जर तुम्हाला काहीतरी वेगळं आणि हटके अनुभवायचं असेल, तर झिरो व्हॅली हा उत्तम पर्याय आहे. हिरवीगार शेती, धानाची पिकं आणि स्थानिक संस्कृती यामुळे इथला अनुभव खास बनतो. शांत वातावरणात एकमेकांसोबत वेळ घालवण्यासाठी हे ठिकाण परफेक्ट आहे.

कसे जावे?
झिरो व्हॅलीला रस्तामार्ग, रेल्वे आणि हवाई मार्गाने पोहोचता येते. जवळचे विमानतळ आणि रेल्वे स्थानकांहून पुढे रस्त्याने प्रवास करावा लागतो.
हनिमूनसाठी ठिकाण निवडताना तुमच्या आवडीनुसार निर्णय घ्या. समुद्रकिनारा, डोंगर, की शांत दरी? योग्य नियोजन, हवामानाची माहिती आणि आधीच बुकिंग केल्यास तुमचा हनिमून अधिक आनंददायी आणि संस्मरणीय ठरेल.