घरातील झुरळं दूर जाण्यास होतील मजबूर! स्वयंपाकघरातील झुरळे दूर करण्याचे उपाय

स्वयंपाकघरातील झुरळे दूर करण्यासाठी कांदा, लसूण, लवंग आणि काळी मिरी यांचे नैसर्गिक द्रावण प्रभावी ठरते.

स्वयंपाकघरात झुरळे असणे ही सामान्य पण त्रासदायक समस्या आहे. अनेक घरे या त्रासाला सामोरे जात आहेत. रासायनिक स्प्रे प्रभावी असले तरी ते आरोग्यासाठी हानिकारक ठरू शकतात. त्यामुळे अशा रसायनांना आपल्या घरापासून लांब ठेवणेच कधीही उत्तम! शिप्रा राय यांनी घरातील नैसर्गिक घटक वापरून झुरळांसाठी सुरक्षित द्रावण तयार करण्याची पद्धत सांगितली आहे.

पुरुषांनो! तुमच्या आरोग्याबद्दल बोलणं लाजिरवाणं नाही, वाढत्या Prostate Cancer विषयी जाणून घ्या

द्रावणातील मुख्य घटक

• कांदा: त्यातील सल्फरयुक्त संयुगांचा तीव्र वास झुरळांना सहन होत नाही.
• लसूण: 8–10 पाकळ्या बारीक वाटून तयार केलेला तीव्र वास झुरळांना दूर ठेवतो.
• लवंगा: युजेनॉल या तीव्र वासामुळे झुरळे त्वरित पळतात.
• काळी मिरी: तिचा झणझणीत नैसर्गिक सुगंध कीटकांना दूर ठेवतो.

द्रावण तयार करण्याची पद्धत

सर्वात आधी कांदा बारीक चिरून झुरळांची हालचाल असलेल्या जागी ठेवा. त्यांनतर लसूण + लवंगा + काळी मिरी एकत्र वाटून पेस्ट तयार करा. मग पेस्ट चाळणी किंवा पातळ कापडातून गाळून खडबडीत कण वेगळे करा. गाळलेले द्रव स्प्रे बाटलीत भरा.

कुठे-कुठे फवारणी करावी?

फवारणी सिंकखालील ओलसर भागात करावी. गॅस स्टोव्हच्या मागील भिंतीवर फवारणी करावी. फ्रिजच्या मागील तळाचा भागात फवारणी करावी. किचन कॅबिनेटमधील कोपरे गटाराजवळील फटी, पाईप्सची जागा तसेच दरवाजे व खिडक्यांच्या कडा येथे साफ करा.

हाडे कडकड वाजतायेत? आयुर्वेद बाबांनी सांगितला 10 रुपयांचा उपाय, 206 हाडांमध्ये भरेल मजबूती

परिणाम आणि वापराची वारंवारता

• तीव्र सुगंधामुळे झुरळे हळूहळू दूर जातात.
• सुरुवातीचे काही दिवस दररोज किंवा एकाआड दिवस फवारणी करणे महत्वाचे.
• द्रावणाचा सतत रहाणारा वास झुरळांना परत येण्यापासून रोखतो.
• नियमित वापराने काही दिवसांत झुरळांची संख्या लक्षणीयरीत्या कमी होते.