स्वादिष्ट आणि रिच मिठाई… घरीच Malai Roll कसा बनवायचा ते जाणून घ्या

जेवणानंतर गोड खायची इच्छा होतेय तर यंदा घरीच बनवून पहा ही शाही मिठाई! मऊ आणि गोडसर चवीचा हा मलईदार रोल जेवणानंतर मनाला तृप्ती देऊन जाईल. घरी मेजवानीचा बेत असेल तर ही स्वीट डिश बनवायला विसरू नका.

जेवणानंतर अनेकदा काहीतरी गोड खाण्याची इच्छा होते. कोणत्याही उत्कृष्ट जेवणाची सांगता करायची असेल तर स्वीट डिश यासाठी एक उत्तम पर्याय आहे. अशातच आज आज आम्ही तुम्हाला गोड आणि चवदार असा मलाई रोल घरी कसा तयार करायचा याची एक सोपी रेसिपी सांगत आहोत. ही एक शाही मिठाई आहे जी तुम्ही घरी देखील अगदी सहज बामवू शकता.

१० मिनिटांमध्ये झटपट बनवा चविष्ट टोमॅटो चटणी! पराठा-चपातीसोबत लागेल सुंदर, नोट करा रेसिपी

मलई रोल ही एक अतिशय स्वादिष्ट, श्रीमंती आणि लोकप्रिय मिठाई आहे जी विशेषतः सण, समारंभ किंवा पार्टीसाठी तयार केली जाते. मऊ आणि गोड रसवलेले छेना रोल्स, त्यावर ओतलेली मलाईची श्रीमंती सिरप, आणि वरून साजलेले ड्रायफ्रुट्स – ही मिठाई पाहताच तोंडाला पाणी सुटते! सण-समारंभावेळी अथवा कोणत्या खास दिवशी तुम्ही ही मिठाई घरी तयार करू शकता. चला जाणून घेऊया यासाठी लागणारे साहित्य आणि कृती.

साहित्य

• दूध – १ लिटर
• लिंबाचा रस / व्हिनेगर – २ टेबलस्पून
• पाणी – १ कप (छेना धुण्यासाठी)
• साखर – १ कप
• पाणी – २ कप (साखर पाकासाठी)
• वेलची पूड – ½ टीस्पून

मलई साठी:

• दूध – १ लिटर
• साखर – ४ टेबलस्पून
• केशर – थोडंसं (ऐच्छिक)
• वेलची पूड – ½ टीस्पून
• बदाम-पिस्ता – सजावटीसाठी

शाही जेवणाचा थाट! मऊ, मुलायम अन् चवीला मजेदार; घरी बनवून पहा स्वादिष्ट Reshami Kabab

कृती

• मलाई रोल तयार करण्यासाठी सर्वप्रथम एका जाड तळाच्या पातेल्यात दूध गरम करा. उकळायला लागल्यावर त्यात हळूहळू लिंबाचा रस किंवा व्हिनेगर घाला.
• दूध फाटल्यावर, मलमलच्या कपड्याने सर्व छेना गाळा आणि थंड पाण्याने धुवा.
• यानंतर याला कपड्यात गुंडाळून ३० मिनिटे लटकवून ठेवा जेणेकरून सगळं पाणी निघून जाईल.
• छेना मऊ होईपर्यंत चांगली मळून घ्या आणि त्याचे छोटे रोल तयार करा
• यानंतर आता एका भांड्यात २ कप पाणी व १ कप साखर उकळा. त्यात वेलची पूड घाला.
• पाक उकळायला लागल्यावर त्यात तयार केलेले छेना रोल्स टाका.
• झाकण ठेवून मध्यम आचेवर १५ मिनिटे शिजवा.
• दुसऱ्या भांड्यात १ लिटर दूध उकळवा.
• दूध अर्धं झालं की त्यात साखर, केशर व वेलची पूड घाला.
• सतत ढवळत राहा आणि मलईसारखी घट्ट दूध तयार करा.गॅस बंद करून साखर पाकातून रोल्स बाहेर काढा व थोडं थंड होऊ द्या.
• हे रोल्स आता तयार केलेल्या मलाईत बुडवा आणि यावर बदाम, पिस्ताचे तुकडे पसरवा.
• मलई रोल थोडे वेळ फ्रिजमध्ये थंड करून सर्व्ह करा.
• हे रोल्स अतिशय मऊ, गोडसर आणि मलाईदार लागतात.
• जर तुम्हाला पटकन बनवायचं असेल, तर बाजारात मिळणारे तयार छेना देखील वापरू शकता.
• तयार आहे तुमचं घरगुती, स्वादिष्ट मलाई रोल!