Recipe : लिंबाच्या सालीला फेकू नका, घरीच बनवा मसालेदार आणि चटकदार चवीच लोणचं, काही मिनिटांची रेसिपी

Lemon Peel Pickel Recipe : अनेकदा लिंबाची साल वापरल्यानंतर फेकून दिली जाते. तुम्हीही ही चूक करत असाल तर थांबा, यापासून तयार करा एक लज्जतदार आणुि तोंडाला पाणी आणणारे चटकदार लोणचे.

• अनेक प्रकारची लोणची तुम्ही खाल्ली असतील.
• पण लिंबाच्या सालीपासून कधी लोणचं तयार केलं आहे का?
• हे लोणच चवीला फार छान लागतं.

बहुतेक लोक लिंबाचा रस काढल्यानंतर त्याची साले निरुपयोगी समजून थेट फेकून देतात. मात्र, हीच लिंबाची साले अनेक चविष्ट पदार्थांसाठी उपयोगी ठरू शकतात, हे अनेकांना माहीत नसते. विशेषतः भारतीय स्वयंपाकात लिंबाच्या सालांचे लोणचे खूप लोकप्रिय मानले जाते. तुम्ही आजवर अनेक प्रकारच्या लोणच्यांचा आस्वाद घेतला असेल पण अद्याप लिंबाच्या सालीचं हे लोणचं जर तुम्ही चाखलं नसेल तर ही रेसिपी तुम्ही आजच घरी ट्राय करायला हवी.

या लोणच्याची आंबट-तिखट चव साध्या जेवणालाही खास बनवते. याशिवाय लिंबाच्या सालांमध्ये नैसर्गिक तेल, अँटीऑक्सिडंट्स आणि काही पोषक घटक आढळतात, जे आरोग्यासाठीही फायदेशीर मानले जातात. घरच्या घरी अगदी कमी साहित्यामध्ये हे लोणचे सहज तयार करता येते. चला लिंबाच्या सालींपासून लोणच कसं तयार करायचं याची रेसिपी जाणून घेऊया.

Recipe : सकाळच्या नाश्त्याला बनवा खमंग आणि हेल्दी असा मूगडाळीचा पराठा, एकदा चाखाल तर पुन्हा बनवाल

साहित्य

• 2 कप लिंबाची साले
• 2 मोठे चमचे मीठ
• 1 मोठा चमचा लाल तिखट
• 1 छोटा चमचा हळद
• 1 मोठा चमचा जाडसर भरडलेली मोहरी
• 1 छोटा चमचा मेथीदाणे
• 4 ते 5 मोठे चमचे मोहरीचे तेल
• चिमूटभर हिंग

Cake Recipe : चॉकलेट नाही यंदा घरी बनवा ‘क्रीम चीज केक’, चव अशी की तोंडात टाकताच विरघळेल… 

कृती

• सर्वप्रथम लिंबाची साले स्वच्छ धुऊन पूर्णपणे कोरडी करून घ्या. त्यानंतर सालांचे छोटे तुकडे करून एका भांड्यात ठेवा.
• आता मेथीदाणे हलके भाजून जाडसर वाटून घ्या.
• यानंतर लिंबाच्या सालांमध्ये मीठ, हळद, लाल तिखट, मोहरी आणि मेथी पावडर घालून सर्व मिश्रण व्यवस्थित एकत्र करा.
• पुढच्या टप्प्यात मोहरीचे तेल गरम करून पूर्ण थंड होऊ द्या. तेलात हिंग घालून ते मसाल्यात मिक्स करा.
• सर्व मिश्रण नीट हलवून स्वच्छ आणि कोरड्या काचेच्या बरणीत भरून ठेवा.
• हे लोणचे 3 ते 4 दिवस उन्हात ठेवल्यास त्याची चव अधिक छान लागते.
• गरम भाकरी, पोळी किंवा साध्या वरण-भातासोबत हे लोणचे अतिशय स्वादिष्ट लागते.