दुबईच्या खास मिठाईचे करा भारतीय स्वयंपाकघरात स्वागत; जाणून घ्या कुनाफ्याची सोपी रेसिपी

Kunafa Recipe : कुनाफा ही दुबईची एक फेमस स्वीट डिश आहे, जी मागील काही काळापासून जगभर फार ट्रेंड होत आहे. बाहेरील शेवयांचे खुशखुशीत आवरण आणि आतील चीज, ड्रायफ्रुट्सची चव...चाखताच याच्या प्रेमात पडाल.

सध्या सणसमारंभाचा काळ सुरु आहे. सणांनी भरलेल्या या काळात तुम्ही घरीच गोड पदार्थांची मेजवानी तयार करु शकता. भारतीय गोड पदार्थ जगभर प्रसिद्ध आहेत पण आज आम्ही तुमच्यासाठी दुबईची खास डिश घेऊन आलो आहेत जिने तुम्ही तुमच्या सणाची सुरुवात आणखीन गोड करु शकता. मागील काही काळापासून संपूर्ण जगभर कुनाफा फार लोकप्रिय होत आहे. ही दुबईची एक खास स्वीट डिश आहे.

विकतची मिठाई आणण्यापेक्षा ब्रेडचा वापर करून झटपट बनवा मऊमऊ-रवाळ कलाकंद, नोट करून घ्या रेसिपी

कुनाफा (Kunafa) हा मध्यपूर्वेतील एक खास गोड पदार्थ आहे जो तुर्की, लेबनॉन, पॅलेस्टाईन आणि इतर अरब देशांमध्ये खूप लोकप्रिय आहे. बारीक शेवयांपासून तयार केलेल्या या डिशमध्ये मध किंवा साखरेचा पाक, वितळलेले चीज, आणि काजू-बदामाची सजावट केली जाते. बाहेरून खुसखुशीत आणि आतून मऊसर चीज भरलेला हा गोड पदार्थ खाल्ल्यावर तोंडात अप्रतिम चव पसरते. हा सहसा सण, लग्न किंवा खास पाहुणचारासाठी बनवला जातो. सणांच्या या मोसमात तुम्ही ही रेसिपी तुमच्या घरी नक्कीच ट्राय करु शकता. चला तर मग जाणून घेऊया यासाठी लागणारे साहित्य आणि कृती.

साहित्य

• कुनाफा पेस्ट्री / कतायफी (Kataifi) – २५० ग्रॅम
• बटर – १०० ग्रॅम (वितळवलेले)
• मोजरेला चीज – १५० ग्रॅम (किसलेले)
• रिकोत्ता चीज किंवा मावा – १०० ग्रॅम
• साखर – १ कप
• पाणी – १/२ कप
• लिंबाचा रस – १ टीस्पून
• गुलाबजल / केवडा – १ टीस्पून (ऐच्छिक)
• पिस्ते किंवा बदाम – चिरलेले

सणाच्या दिवशी चर्चा रंगेल फक्त तुमच्या मोदकांची… केमिकल नाही तर नैसर्गिकरीत्या निळ्या रंगाने नटलेले हे मोदक एकदा घरी बनवाच!

कृती

• कुनाफा तयार करण्यासाठी सर्वप्रथम एका पातेल्यात साखर आणि पाणी गरम करून उकळी आणा. ५ मिनिटे
• उकळल्यानंतर लिंबाचा रस आणि गुलाबजल घाला. गॅस बंद करून पाक गार होऊ द्या.
• कुनाफा पेस्ट्री हाताने हलक्या तुकड्यांमध्ये मोडा आणि त्यात वितळलेले बटर मिसळा, जेणेकरून सर्व धागे बटरने माखले जातील.
• बेकिंग ट्रे किंवा पॅनला हलके बटर लावा. अर्धी पेस्ट्री त्यात घट्ट दाबून लावा.
• बेसवर मोजरेला आणि रिकोत्ता चीज समान पसरवा.
• उरलेली पेस्ट्री चीजवर पसरवा आणि हलक्या हाताने दाबा.
• ओव्हन १८०° C वर प्रीहीट करून २५-३० मिनिटे किंवा वरचा थर सोनेरी व खुसखुशीत होईपर्यंत बेक करा.
• ओव्हन नसल्यास तुम्ही गॅसवर पॅनमध्येही याला शिजवू शकता. मंद आचेवर झाकण ठेवून १५-२० मिनिटे याला
• शिजवा आणि मग गॅस बंद करा.
• ओव्हनमधून बाहेर काढून लगेच गार पाक वरून ओता, जेणेकरून तो आत शोषला जाईल.
• चिरलेले पिस्ते किंवा बदाम घालून गरमागरम किंवा कोमट सर्व्ह करा.
• हा कुनाफा तुम्ही चहा, कॉफी किंवा सरबतासोबत डेजर्ट म्हणून सर्व्ह करू शकता.