उन्हाळ्यासाठी परफेक्ट! स्टायलिश आणि कम्फर्टेबल लूकसाठी कॉटन साड्यांचे बेस्ट कलेक्शन

उन्हाळ्यात आरामदायक आणि स्टायलिश लूकसाठी कॉटन साड्या सर्वोत्तम पर्याय ठरतात. हलक्या आणि श्वास घेणाऱ्या कापडामुळे या साड्या उकाड्यातही थंडावा देतात.

• हलक्या कापडामुळे उकाड्यातही आरामदायक अनुभव मिळतो.
• वेगवेगळ्या प्रदेशांनुसार डिझाईन, विणकाम आणि पोतात विविधता दिसून येते.
• रोजच्या वापरापासून ते खास प्रसंगांपर्यंत सहज वापरता येईल असा स्टायलिश पर्याय आहे.

उन्हाळ्यासाठी सुती साड्या हा सर्वात उत्तम पर्याय आहे, कारण त्या हलक्या, आरामदायक, श्वास घेण्यायोग्य आणि घाम शोषून घेणाऱ्या असतात. चंदेरी, माहेश्वरी, मलमल, तांत, खादी आणि लिनन साड्या उन्हाळ्यातील उकाड्यापासून आराम देतात, हलके रंग आणि सुती पोत यामुळे स्टायलिश आणि आरामदायक लूक मिळतो.

चंदेरी

मध्य प्रदेशातील चंदेरी येथील ही साडी तिच्या पारदर्शकतेसाठी आणि वजनाला हलकी असल्यामुळे ओळखली जाते. यामध्ये सिल्क आणि कॉटनच्या धाग्यांचे मिश्रण असते. ज्यामुळे साडीला एक प्रकारची चमक मिळते.

उन्हाळ्यात शहाळ्यातून थेट पाणी प्यायल्यास शरीरसंबंधित उद्भवतील गंभीर समस्या, श्वसनाच्या आजारांचा वाढेल धोका

माहेश्वरी

या साड्या सुद्धा मध्य प्रदेशातील असून त्या त्यांच्या वैशिष्ट्यपूर्ण काठ आणि पदरासाठी प्रसिद्ध आहेत. यावर सहसा भौमितिक डिझाईन्स असतात.

खादी 

हातमागावर विणलेले खादी साडी ही पूर्णपणे नैसर्गिक आणि पर्यावरणपूरक असते. उन्हाळ्यात ही साडी त्यंत आरामदायी असते आणि शरीराला थंडावा देते.

सांबलपुरी

ओडीसामधील ही साडी इकत विणकाम पद्धतीसाठी प्रसिद्ध आहे. यावर शंख, चक्र किंवा फुलांची पारंपारीक नक्षी असते. जी विणण्यापूर्वी धाग्यांना रंगवून तयार केली जाते.

तांत

पश्चिम बंगालमधील ही साडी अतिशय मऊ आणि पारदर्शक असते. उन्हाळ्याच्या दिवसांत रोजच्या वापरासाठी ही साडी अतिशय उत्तम मानली जाते. याचे काठ थोडे जाड आणि उठावदार असतात.

मराठीची बाराखडी ; वर्णमाला म्हणजे नक्की काय ? शाळेत शिकवलेली व्यंजनं तुम्हाला आठतात का ?

कोरा

दक्षिण भारतात ही साडी लोकप्रिय आहे. ही साडी थोडी ताठ असते. त्यामुळे नेसल्यामुळे ती कडक आणि नीटनेटकी दिसते. प्रोफेशनल लूकसाठी ही उत्तम निवड आहे.

जामदानी

ही साडी तिच्यावरील अत्यंत बारीक आणि सुबक विणकामासाठी ओळखली जाते. मलमलच्या कपड्यावर हाताने विणलेली ही नक्षी साडीला एक रॉयल लुक देते.

डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.