Diabetes: वारंवार तहान, थकवा अन् भूक लागतेय! शरीरातील ‘या’ बदलांकडे दुर्लक्ष नको; असू शकतो मधुमेहाचा धोका

Early Signs Of Diabetes: मधुमेहाची सुरुवातीची लक्षणे अनेकदा सामान्य वाटल्यामुळे अनेकजण याकडे दुर्लक्ष करतात. कालांतराने याचा परिणाम गंभीर होऊ शकतो. त्यामुळे मधुमेहाची सुरुवातीची लक्षणे जाणून घ्या.

• डायबिटीजचा सायलेंट अटॅक
• सुरुवातीला दिसतात ‘ही’ लक्षणं
• शरीरातील ‘हे’ ८ बदल देतात संकेत

Diabetes: मधुमेह हा आजच्या जगात वेगाने वाढणाऱ्या आरोग्याच्या समस्यांपैकी एक आहे. महत्वाची गोष्ट म्हणजे, सुरुवातीला अनेक लोकांना मधुमेहाची लक्षणे जाणवत नाही. अनेकदा, लोक या लक्षणांना सामान्य अशक्तपणाचे किंवा थकवा असल्याचे समजून त्याकडे दुर्लक्ष करतात. परंतु, दीर्घकाळ रक्तातील साखरेचे प्रमाण जास्त राहिल्यास हृदय, किडनी, डोळे आणि मज्जातंतूंवर गंभीर परिणाम होऊ शकतात. त्यामुळे, मधुमेहाचे लवकर निदान होणे अत्यंत महत्त्वाचे आहे. रक्तातील साखरेचे फ्रमाण वाढल्यावर शरीरात कोणती लक्षणे दिसतात, तसेच मधुमेहाची सुरुवातीची लक्षणे कोणती, जाणून घ्या.

Stress Affects: रोजची चिंता, चिडचिड अन् निद्रानाश! सततच्या तणावामुळे फक्त मेंदूच नाही, तर संपूर्ण शरीरावर होतो परिणाम; जाणून घ्या

मधुमेहाची सुरुवातीची लक्षणे

• जेव्हा मधुमेह होतो, तेव्हा शरीरातील रक्तातील साखरेची म्हणजेत ग्लुकोजची पातळी वाढू लागते. सुरुवातीच्या काही सामान्य संकेतामध्ये खालील लक्षणे दिसून येतात.
• जेव्हा रक्तातील साखर वाढते, तेव्हा किडनी लघवीद्वारे अतिरिक्त ग्लुकोज बाहेर टाकण्याचा प्रयत्न करतात. यामुळे वारंवार लघवी होऊ शकते. रात्री लघवीसाठी अनेक वेळा जागे होणे हे देखील याचे एक लक्षण असू शकते.
• वारंवार लघवी झाल्यामुळे शरीरातील पाण्याची पातळी कमी होऊ शकते. म्हणून डिहायड्रेशनमुळे वारंवार तहान लागू शकते आणि पाणी प्यायल्यानंतरही तोंड कोरडे वाटू शकते.
• आहार किंवा व्यायामाशिवाय वजन कमी होणे हे मधुमेहाचे एक संभाव्य लक्षण आहे. जेव्हा शरीर ग्लुकोजचा योग्य वापर करू शकत नाही, तेव्हा ते ऊर्जेसाठी चरबी आणि स्नायूंचा वापर करण्यास सुरुवात करते.
• पुरेशी झोप घेऊनही थकवा आणि अशक्तपणा जाणवणे हे रक्तातील साखरेचे प्रमाण वाढल्याचे लक्षण असू शकते.
• मधुमेहामध्ये, इन्सुलिनच्या कमतरतेमुळे किंवा त्याच्या बिघाडामुळे शरीर ग्लुकोजचा योग्य वापर करू शकत नाही. यामुळे व्यक्तीला वारंवार भूक लागू शकते.
• रक्तातील साखरेची पातळी वाढल्याने डोळ्याच्या दृष्टी धूसर होऊ शकते किंवा स्पष्ट दिसण्यास अडथळा येऊ शकतो.
• मधुमेहामुळे रक्ताभिसरणावर आणि शरीराच्या संसर्गाशी लढण्याच्या क्षमतेवर परिणाम होऊ शकतो. यामुळे दुखापती किंवा जखमा नेहमीपेक्षा जास्त काळ बऱ्या होऊ शकतात.
• त्वचेचे, हिरड्यांचे, यूरिनरी ट्रॅक्ट आणि बुरशीजन्य संसर्ग वारंवार होणे हे देखील मधुमेहाशी संबंधित असू शकते.

मधुमेहाचे प्रमुख धोक्याचे घटक

शरीराचे अतिरिक्त वजन आणि पोटाभोवती चरबी जमा झाल्यामुळे टाईप २ मधुमेहाचा धोका वाढतो. ज्या व्यक्तीच्या कौटुंबिक इतिहासात आई किंवा भावंडांना मधुमेह असल्यास धोका वाढू शकतो. दीर्घकाळ बसून राहणे आणि व्यायाम न करणे यामुळे देखील मधुमेहाचा धोका वाढतो.याशिवाय, जास्त प्रमाणात साखर, कार्बोहायड्रेट्स आणि प्रक्रिया केलेले पदार्थ खाल्ल्याने वजन आणि मेटाबॉलिजमवर परिणाम होऊ शकतो. काही प्रकरणांमध्ये वाढत्या वयानुसार टाईप २ मधुमेहाचा धोका वाढू शकतो, मात्र तो तरुण वयातही होऊ शकतो.

जर तुमच्या रक्तातील साखरेची पातळी अचानक वाढली आणि त्यासोबत उलट्या होणे, पोटदुखी, जलद किंवा दीर्घ श्वास घेणे, फळांसारखा वास येणे किंवा गोंधळ जाणवत असेल, तर ताबडतोब वैद्यकीय मदत घ्या. ही डायबेटिक कीटोअ‍ॅसिडोसिस नावाच्या गंभीर आजाराची लक्षणे असू शकतात.

High Blood Pressure: थंडीच्या दिवसांत ब्लड प्रेशर का वाढतो? रोजच्या ‘या’ चुका ठरू शकतात धोकादायक; वेळीच घ्या काळजी