Recipe: मार्केटसारखी काजू-कतली आता घरीच बनवा, योग्य पद्धत जाणून घ्या

दिवाळी स्पेशल काही हटके करा, घरी बनवा मार्केटसारखी चवदार काजूकतली. या दिवाळीत मार्केटमधून मिठाई खरेदी करण्याची गरज नाही. कारण तुम्ही घरीच सोप्या पद्धतीने सर्वांच्या आवडीची ही मिठाई तयार करू शकता.

दिवाळीचा सण अखेर सुरु झाला आहे. हिंदू धर्मात या सणाला फार महत्त्व आहे. हा सण दिव्यांच्या रोषणाईचा आणि चवदार पदार्थांच्या आस्वादाचा! या सणानिमित्त सर्वत्र दिव्यांच्या रोषणाईची प्रकाश पसरवला जातो. दिवाळीचा फराळ, घराची साफसफाई, नवीन कपडे अशा अनेक गोष्टी या सणासोबत येत असतात. आता सण म्हटलं की, गोडाचे पदार्थ हे आलेच! घराघरात या सणानिमित्त नवनवाईन गोडाचे पदार्थ देखील बनवले जातात.

या गोडाच्या पदार्थांमधील सर्वात लोकप्रिय आणि सर्वांच्या आवडीचा पदार्थ म्हणजे काजू-कतली. हा एक असा पदार्थ आहे जो लहानांपासून मोठ्यांपर्यंत सर्वानाच खायला फार आवडतो. हा एक मिठाईचा प्रकार आहे. तुम्ही अनेकदा मार्केटमधून खरेदी करून या पदार्थाचा आस्वाद घेतला असेल मात्र आता हा पदार्थ तुम्ही घरेदेखील बनवू शकता. दिवाळीच्या या सणात या पदार्थाची रेसिपी तुम्ही नक्कीच ट्राय करायला हवी. तुम्हाला सांगतो, हा पदार्थ फार कमी साहित्यापासून तयार होतो. चला मग जाणून घ्या यासाठी लागणारे साहित्य आणि कृती.

हेदेखील वाचा – नाश्त्याला बनवा मूगडाळीचा दहीवडा, घरातील सर्वच होतील खुश, त्वरित नोट करा रेसिपी

साहित्य

• 2 कप काजू
• 1 कप साखर
• 1/2 कप पाणी
• 1 टीस्पून तूप
• 1/4 टीस्पून वेलची पावडर

हेदेखील वाचा – सोशल मेडियावर व्हायरल होत आहेत अंबानी लाडू, जाणून घ्या भन्नाट रेसिपी

कृती

• काजूकतली तयार करण्यासाठी सर्वप्रथम दोन का काजू घेऊन मिक्सरमध्ये त्याची बारीक पेस्ट बनवून घ्या. असे करताना यात गुठळ्या होणार नाहीत याची काळजी घ्या
• त्यानंतर एका कढईत 1 कप साखर आणि ½ कप पाणी घ्या. ते नीट ढवळून घ्या आणि साखर विरघळवून घ्या. हे मिश्रण 5 मिनिटे उकळवा
• मग यात काजूची तयार केलेली पावडर घालून मिक्स करा. मिश्रण चांगले एकत्र होईपर्यंत आणि त्याची पेस्ट तयार होईपर्यंत सतत ढवळत रहा
• आता त्यात 1 चमचे तूप आणि ¼ टीस्पून वेलची पावडर घाला आणि व्यवस्थित एकजीव करा
• मिश्रणाची पेस्ट तयार झाली की गॅस बंद करा, याला फार शिजवण्याची गरज नाही
• आता बटर पेपर घेऊन त्याला तूप लावा आणि तयार मिश्रण यावर टाकून थोडे मळा आणि याचा गोळा तयार करा
• आता बटर पेपरवर हे हा गोळा लाटण्याच्या मदतीने एकसामान लाटून घ्या, फार पातळ लाटू नका
• आता यावर सिल्वर वर्क लावा, तुम्हाला हवे असल्यास तुम्ही ही स्टेप टाळू शकता
• आता चाकूच्या मदतीने याच्या काप करा
• अशाप्रकारे तुमची काजूकतली तयार होईल
• तयार काजूकातली एका हवाबंद डब्यात टाकून साठवून ठेवा