सोशल मेडियावर व्हायरल होत आहेत अंबानी लाडू, जाणून घ्या भन्नाट रेसिपी

Diwali 2024: यंदाच्या दिवाळीत काही नवीन आणि हटके बनवून खायचे असेल तर आजची अंबानी लाडवांची रेसिपी तुमच्यासाठी एक उत्तम पर्याय आहे. ही भन्नाट रेसिपी सोशल मीडियावर शेअर करण्यात आली आहे.

Follow Us:

Follow Us:

दिवाळीचा सण आता अवघ्या काही दिवसांवरच आला आहे. हिंदू धर्मातील प्रमुख सणांपैकी हा एक आहे. या सणानिमित्त घराघरात नवनवीन पदार्थ बनवले जातात. आता सण म्हटलं की, गोडाचे पदार्थ हे येणारच! दिवाळीत तर अनेक वेगवगेळ्या प्रकारचे पदार्थ बनवले जातात. दिवाळीची जंगत तयारी आता सुरु झाली आहे. अनेकांचा फराळ देखील तयार झाला आहे मात्र तुम्ही अजूनही घरी काही खास बनवले नसेल आणि झटपट पण हटके अशा पदार्थच्या शोधात असाल तर आजची ही रेसिपी तुमच्यासाठी फायद्याची ठरणार आहे.

आज आम्ही तुम्हाला अंबानी लाडू कसे तयार करायचे याची एक सोपी रेसिपी सांगत आहोत. ही अनोखी रेसिपी सोशल मीडियावर शेअर करण्यात आली असून ही रेसिपी आता मोठ्या प्रमाणात व्हायरल होत आहे. यात बऱ्याच ड्राय फ्रुटस वापर केला जाणार आहे, ज्यामुळे हे लाडू आरोग्यासाठी फार फायदेशीर ठरतील. चवीबरोबरच आरोग्याचीही काळजी घेणाऱ्या या लाडवांची रेसिपी जाणून घ्या. पाहुयात यासाठी लागणारे साहित्य आणि कृती.

हेदेखील वाचा – Diwali 2024: दिवाळीत फराळ बनवायला वेळ नाही? मग झटपट तयारी होणारी बालूशाहीची रेसिपी ट्राय करा

साहित्य

• काजूबदाम
• पिस्ता
• मखना
• खजूर
• जर्दाळू
• अंजीर
• मनुका
• तूप
• आवडीनुसार इतर सीड्स

 

View this post on Instagram

 

A post shared by Ishika Sahu (@tastebyishikha)

हेदेखील वाचा – Diwali 2024: घरच्या घरी झटपट बनवा खुशखुशीत आणि पौष्टिक पालक पाऱ्या

कृती

• अंबानी लाडू तयार करण्यासाठी सर्वप्रथम एका भांड्यात बदाम, काजू आणि पिस्ता घेऊन बारीक चिरून घ्या
• आता एका ताटात या तिन्ही गोष्टी नीट एकत्र करा
• आता मखाना मिक्सरमध्ये बारीक वाटून घ्या आणि प्लेटमध्ये काढा
• आता गॅसवर एक कढई ठेवा आणि यात तूप टाका
• आता यात बदाम आणि काजू टाकून हलके सोनेरी होईपर्यंत छान तळून घ्या
• यानंतर यात पिस्ता टाका आणि हलके तळून घ्या
• मग यात आता तुम्हाला खजूर, जर्दाळू आणि अंजीर टाका आणि पुन्हा हलके तळून घ्या
• आता यात बारीक वाटलेले मिश्रण टाका आणि हलके परतून घ्या
• दुसरीकडे आणखीन एक कढई ठेवा आणि यात तूप टाका
• यानंतर यात खजुराची पेस्ट करून टाका आणि परतून घ्या
• मग शेवटी ही खजुराची पेस्ट ड्राय फ्रुटसच्या साहित्यात टाका आणि व्यवस्थित मिसळा
• तुमच्या लाडवांची सारण तयार आहे
• आता तयार सारणाचे लाडू वळून घ्या
• तयार लाडू एका हवबंद डब्यात साठवा आणि हवं तेव्हा यांचा आस्वाद घ्या

Web Title: Diwali 2024 know social media viral ambani ladoo recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com