हरतालिकेच्या पूजेवेळी नैवेद्यासाठी बनवा चविष्ट तांदळाची खीर, नोट करा पारंपरिक रेसिपी

हरतालिकेचा सण अवघ्या एका दिवसावर आला आहे. या सणानिमित्त अनेकजण उपवास-व्रत करत असतात. या दिवशी देवाची पूजा करून त्याला नैवेद्य अर्पण करण्याची आपल्यात प्रथा आहे. तुम्हीदेखील एक सोपा आणि झटपट नैवेद्याचा पदार्थ शोधत असाल तर तांदळाची खीर तुमच्यासाठी एक उत्तम पर्याय ठरू शकतो.

हरतालिकेचा पवित्र दिवस अवघ्या एका दिवसावर आला आहे. विवाहित महिलेसाठी हा दिवस फार महत्त्वाचा आहे. या दिवशी विवाहित स्त्रिया दिवसभर उपवास करतात आणि माता पार्वती आणि भगवान शिव यांना विविध गोष्टी अर्पण करतात आणि आपल्या पतीच्या दीर्घायुष्यासाठी आणि सुखी वैवाहिक जीवनासाठी देवाकडे प्रार्थना करतात. हरतालिकेच्या उपवसावेळी नेहमी काहीतरी गोडाचे बनवून देवाला हा गोड पदार्थ अर्पित केला जातो.

आम्ही तुम्हाला सांगतो की, यावर्षीच्या हरतालिकेच्या नैवेद्यासाठी तुम्ही घरी तांदळाची खीर बनवू शकता. हा पदार्थ फार जुना आणि पारंपरिक पदार्थ आहे. तांदळाची ही खीर फार सहज आणि कमी वेळेत बनवले जाते. या खिरीची चव अप्रतिम लागते. तुम्ही नैवेद्यासाठी झटपट आणि स्वादिष्ट अशा पदार्थाची रेसिपी शोधत असाल ही रेसिपी तुमच्यासाठी परफेक्ट आहे. जाणून घ्या यासाठी लागणारे साहित्य आणि कृती.

हेदेखील वाचा – जेवणाची रंगत वाढवा! घरी बनवा झणझणीत आणि कुरकुरीत पापडाची चटणी, Video तून जाणून घ्या रेसिपी

साहित्य

• 1 लिटर फुल क्रीम दूध
• 1 टीस्पून तूप
• 2 चमचे बदामचे काप
• 2 चमचे काजूचे काप
• 1 टेबलस्पून चारोळे
• 2 चमचे कापलेला सुका नारळ
• 1 टीस्पून पिस्त्याचे काप
• मनुका
• अर्धा कप साखर
• अर्धा टीस्पून वेलची पावडर
• केसर

हेदेखील वाचा – Ganesh Chaturthi 2024: गणेशोत्सवनिमित्त घरी बनवा केसर माव्याचे चविष्ट मोदक, वाचा पारंपरिक रेसिपी

कृती

• तांदळाची खीर तयार करण्यासाठी सर्वप्रथम तांदूळ दोन ते तीन वेळा नीट धुवून घ्या
• यानंतर तांदूळ 25 मिनिटे पाण्यात भिजवत ठेवा
• यानंतर गॅसवर कुकर ठेवा आणि यात 3-4 चमचे पाणी टाका आणि फिरवत ठेवा
• ही टिप फॉलो केल्याने तुम्हाला असा फायदा होईल की, कुकरमध्ये दूध घालताना ते कुकरला चिकटणार नाही
• आता कुकरमध्ये एक लिटर फुल क्रीम दूध टाका आणि ढवळत रहा
• आता हे दूध मध्यम आचेवर घघट्ट होईपर्यंत शिजवत ठेवा
• आता दुसऱ्या कढईत एक चमचा तूप गरम करून त्यात सर्व चिरलेले ड्रायफ्रूट्स घालून एक मिनिट कोरडे भाजून घ्या
• आता उकळलेल्या दुधातून काही दूध बाजूला काढून त्यात केसर टाकून मिक्स करा
• आता या टप्प्यावर आधीच भिजवलेले तांदळाचे पाणी वेगळे करून दुधात टाका
• यानंतर दुधात भाजलेले ड्रायफ्रूट्स घाला आणि चांगले ढवळून घ्या यानंतर कुकरचे झाकण ठेवून शिट्टी
• वाजण्यापूर्वी मध्यम आचेवर खीर शिजवावी. शिट्टी येत आहे असे वाटताच गॅस कमी करून खीर आणखी 2-3 मिनिटे शिजवा
• यानंतर कुकरचे झाकण उघडा आणि यात अर्धा काप साखर, अर्धा चमचा वेलची पूड आणि केसरचे दूध घाला आणि मिक्स करा
• खीर थोडी थंड झाल्यावर एक वाटी खीर ग्राइंडिंग जारमध्ये टाकून त्याची पेस्ट तयार करावी.
• आता कुकरमध्ये ठेवलेल्या खीरमध्ये ही पेस्ट घालून दोन ते चार मिनिटे शिजवत ठेवा
• आता यावर मनुका टाका आणि तयार खीर खाण्यासाठी सर्व्ह करा