जेवणाची रंगत वाढवा! घरी बनवा झणझणीत आणि कुरकुरीत पापडाची चटणी, Video तून जाणून घ्या रेसिपी

चटणी हा एक असा प्रकार आहे जो सर्वांनाच खायला फार आवडतो. तुम्ही आजवर अनेक प्रकारच्या चटण्यांचा आस्वाद घेतला असेल मात्र तुम्ही कधी पापडाची चटणी खाल्ली आहे का? याची एक भन्नाट रेसिपी सोशल मीडियावर शेअर करण्यात आली आहे. ही चटणी अवघ्या 10 मिनिटांतच तयार होते.

Follow Us:

Follow Us:

आपल्या भारतीय खाद्यसंस्कृतीमध्ये अनेक वैविध्यपूर्ण पदार्थ आहेत. जसजसे ठिकाण बदलते तसतसे खाद्यसंस्कृतीमधील पदार्थांमध्ये बदल होत जातात. जेवणाची चव वाढवण्यासाठी आपल्याकडे अनेक पदार्थांची मेजवानी बनवली जाते. यात अनेकदा तोंडी लावणाऱ्या चटपटीत आणि झणझणीत पदार्थांचा समावेश असतो. पदार्थ जसे की, चटणी, कोशिंबीर, लोणचं , पापड, कुरडई असे पदार्थ तोंडी लावले जातात. आपल्याकडे चटण्यांचे आणि पापडाचे अनेक प्रकार आहेत.

आता तुम्ही आजवर अनेक प्रकारचे पापड आणि चटण्या खाल्ल्या असतील पण तुम्ही कधी पापडाचे कुरकुरीत चटणी खाल्ली आहे का? देशातील अनेक भागात ही चटणी बनवून खाल्ली जाते. तुम्ही आजवर हीच आस्वाद घेतला नसेल तर आजचा रेसिपी वाचा आणि बनवून पहा. या चटणीचा एक व्हिडिओ @maharashtrian_recipes नावाच्या इंस्टाग्राम अकाउंटवरून शेअर करण्यात आला आहे. या व्हिडिओच्या माध्यमातून आज आपण पापडाच्या चटणीची हटके आणि चविष्ट रेसिपी जाणून घेणार आहोत.

हेदेखील वाचा – Ganesh Chaturthi 2024: गणेशोत्सवनिमित्त घरी बनवा केसर माव्याचे चविष्ट मोदक, वाचा पारंपरिक रेसिपी

साहित्य

• 3 उडीद डाळीचे पापड
• अर्धा कप – खारे दाणे
• अर्धा कप – फुटाने, भाजलेले काळे चणे
• 15-16-लसणाच्या पाकळ्या
• 1 टेबल स्पून लाल मिर्ची पावडर
• मीठ चवीनुसार

 

View this post on Instagram

 

A post shared by Maharashtrian Recipes – Latika Nimbalkar (@maharashtrian_recipes)

हेदेखील वाचा – Ganesh Chaturthi 2024: अवघ्या 10 मिनिटांत बनवा झटपट बिस्किटांचे मोदक, नोट करा रेसिपी

कृती

• पापडाची चटणी बनवण्यासाठी सर्वप्रथम गॅसवर एक उडदाचा पापड नीट भाजून घ्या
• त्यानंतर पापडाचे तुकडे करून खलबत्यामध्ये टाका आणि पापडाचा भुगा करून घ्या
• त्यानंतर खलबत्यामध्ये लसून, फुटाणे, खारे दाणे, लाल मिर्ची पावडर आणि मीठ टाकून बत्याने चांगले बारीक करून घ्या
• लक्षात घ्या तुम्हाला ही चटणी फार बारीक न करता हलकी भरड बनवायची आहे
• यानंतर सर्व चटणी व्यवस्थित एकत्रित करून घ्या
• यानंतर चटणी एका वाटीत काढा आणि खाण्यासाठी सर्व्ह करा
• अशाप्रकारे तुमची पापडाची चटणी अवघ्या काही मिनिटांतच तयार होईल

Web Title: Make instant papad chutney video recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com